អាវទ្រនាប់ ៩ ប្រភេទជាតម្រូវការចាំបាច់ ហើយស្ត្រីគ្រប់រូបគួរតែដឹងពីការប្រើប្រាស់ផងដែរ!

2017-01-04 02:05:23
ចំនួនមតិ 0 | ចំនួនចែករំលែក 0

ជីវិតរស់នៅប្រចាំថ្ងៃរបស់មនុស្សស្រី គឺមានភាពស្មុគស្មាញណាស់។ ជាក់ស្ដែងសូម្បីតែអាវទ្រនាប់ក៏មានច្រើនបែបច្រើនផែនសម្រាប់ពាក់ទៀត។ ដូចនេះស្រីៗគួរតែស្វែងយល់ពីប្រភេទអាវទ្រនាប់ ៩ បែបនេះ៖

១.អាវទ្រនាប់ដឺមី/Demi

អាវទ្រនាប់នេះគឺដើម្បីតែបង្កើនភាពស៊ិចស៊ី ដើម្បីទទួលការចាប់អារម្មណ៍ខ្លាំងពីសំណាក់ភេទផ្ទុយគ្នា។ អាវទ្រនាប់ដឺមី ពាក់បានត្រឹមពាក់កណ្ដាលសុដន់ប៉ុណ្ណោះ។ វាធ្វើឡើងសម្រាប់ស្លៀកជាមួយរ៉ូប។

២.អាវទ្រនាប់ Cupless ឬ Shelf

អាវ Cupless ឬ Shelf ស្រដៀងគ្នាទៅនឹងអាវស្បៃពាក់កណ្ដាលសុដន់ដែរ។ វាញែកដោះចេញជាពីរដាច់ពីគ្នា និងគ្របដណ្ដប់តិចតួចបំផុត។ អាវប្រភេទ នេះត្រូវបានពាក់ជាធម្មតា និងបង្ហាញពីរូបរាងសិចស៊ីនៃដើមទ្រូង។ ម្យ៉ាងវិញទៀតអ្នកដែលមានដើមទ្រូងធំៗស្រាប់ទើបពាក់អាវនេះមើលទៅស្អាត។

៣.ប្រភេទអាវ Multiway

អាវទ្រនាប់នេះអាចពាក់ក្នុងកម្មវិធីផ្សេងដោយគ្រាន់តែផ្លាស់ប្ដូរខ្សែ។ អាវទ្រនាប់នេះមានភាពបត់បែនបានច្រើន និងប្រើបានសម្រាប់ទាំងអ្នកមានដើមទ្រូងតូច ធំ ហើយក៏ជាជម្រើស ល្អផងដែរ។

៤.ប្រភេទអាវកិបនៅខាងមុខ

អាវទ្រនាប់នេះមានឡេវកិបនៅខាងមុខ ហើយអាចជួយលើកសុដន់ឲ្យពើងណែនដោយមិនចាំបាច់មានអេប៉ុងកល់។

៥.អាវទ្រនាប់រឹបរាង

អាវប្រភេទនេះមានអត្ថប្រយោជន៍ខ្លាំងណាស់ ព្រោះវាមិនត្រឹមតែស៊ិចស៊ីទេ ប៉ុន្តែថែមទាំងជួយរឹបរាងឲ្យឃើញស្វែលទៀតផង។ ពីមុនគេប្រើសម្រាប់កូនក្រមុំថ្ងៃរៀបការ តែឥឡូវអ្នកដែលមានរូបរាងធាត់ក្បាលពោះតិចៗ ហើយចង់បិទបាំងអាចជ្រើសរើសអាវនេះបាន។

៦.អាវទ្រនាប់កល់តិច

នេះគឺជាអាវទ្រនាប់ដ៏ល្អមួយសម្រាប់អ្នកដែលមិនចូលចិត្តឆើតឆាយ ឬភាពសិចស៊ីព្រោះវាមិនសូវជួយលើកសុដន់ឲ្យឃើញធំឡើយ។ តែចំណុចពិសេសមួយវាជួយគ្របដណ្ដប់សុដន់បានពេញលេញល្អ។ មួយវិញទៀតអាវទ្រនាប់នេះទន់ ហើយគ្មានឆ្អឹងដែកនៅពីក្រោម។

៧.ប្រភេទអាវធំ

អាវទ្រនាប់នេះមានភាពអស្ចារ្យណាស់ចំពោះអ្នកមានសុដន់ធំខ្លាំង ហើយវាធ្វើឲ្យមើលទៅតូចជាងពេលពាក់អាវផ្សេង ព្រោះមានទំហំធំ និងអាចបិទបាំងសុដន់បានទាំងអស់។ ភាគច្រើនអ្នកពាក់អាវនេះជាមនុស្សធាត់ខ្លាំង។ តែប្រភេទអាវ Minimizer ក៏មានសម្រាប់កីឡាដែរ ដើម្បីកុំឲ្យពេលយើងធ្វើចលនា សុដន់មានចលនាតាមរាងកាយ។

៨.អាវទ្រនាប់កល់ខ្លាំង

អាវនេះមានភាពពេញនិយមខ្លាំងណាស់សម្រាប់យុវតីសម័យថ្មី ព្រោះមានប៉ុងកល់ខ្លាំងអាចលើកសុដន់ឲ្យមើលទៅធំ តឹងណែនល្អ។

៩.អាវអត់ដៃ និងខ្សែ

អាវប្រភេទសម្រាប់ពាក់ជាមួយរ៉ូបសិចស៊ីវាលកវាលខ្នង និងជួយឲ្យទ្រូងពើងស្អាត។ ត្បិតគ្មានដៃ និងខ្សែតែវាមានភាពស្អិតអាចជួយឲ្យជាប់នៅទ្រូងបាន ដោយគ្រាន់តែយើងទាញខ្សែនៅពីមុខជាការស្រេច។