ផ្លែខ្នុរអាចប្រែជាថ្នាំពុល នៅពេលអ្នកហូបដោយមិនត្រឹមត្រូវ

2020-02-20 06:25:00
ចំនួនមតិ 0 | ចំនួនចែករំលែក 0

ផ្លែខ្នុរមានរសជាតិផ្អែមឈ្ងុយ ដែលធ្វើឲ្យមនុស្សជាច្រើនចូលចិត្ត។ វាបង្កើនកម្លាំង និងបន្ថែមថាមពលដល់រាងកាយបានផងដែរ។ យ៉ាងណាក៏ដោយ ទម្លាប់នៃការទទួលទានផ្លែខ្នុរមិនត្រឹមត្រូវងាយនឹងកើតជំងឺបំផុត។

រូបតំណាង

**១. ញ៉ាំពេលឃ្លានខ្លាំង**

នេះជាកំហុសមួយដែលមនុស្សគ្រប់គ្នាស្មានមិនដល់។ ញ៉ាំខ្នុរពេលកំពុងឃ្លានខ្លាំង ធ្វើឲ្យកម្រិតស្ករក្នុងសម្ពាធឈាមនឹងកើនឡើងភ្លាមមួយរំពេច ដែលជាហេតុធ្វើឲ្យពិបាករំលាយអាហារ ហើយហើមពោះ។ ដូច្នេះ ល្អបំផុតគួរហូបខ្នុរបន្ទាប់ពីបាយរួចប្រហែល១ -២ ម៉ោង ដើម្បីចៀសឆ្ងាយពីជំងឺ។

រូបតំណាង

២. ញ៉ាំខ្នុរច្រើនពេក

ខ្នុរជាផ្លែឈើសម្បូរជីវជាតិច្រើន ប៉ុន្តែមិនគួរហូបវាច្រើននោះទេ ព្រោះវាអាចជះឥទ្ធិពលដល់ប្រព័ន្ធរំលាយអាហាររបស់អ្នកបាន។ បន្ថែមពីនេះ ក្នុងសមាសធាតុរបស់ផ្លែខ្នុរផ្ទុកកាកសរសៃនិងស្ករខ្ពស់ បើញ៉ាំច្រើនអាចបណ្ដាលឲ្យកើតជំងឺទឹកនោមផ្អែមបាន។

៣. ញ៉ាំផ្លែខ្នុរនៅពេលល្ងាច

មួយក្នុងចំណោមកំហុសដទៃទៀតគឺ បរិភោគផ្លែខ្នុរនៅពេលល្ងាច ដែលបណ្ដាលឲ្យជះផលអាក្រក់ដល់ប្រព័ន្ធរំលាយអាហារ។ ដោយសារសារជាតិ Fiber ខ្ពស់ ធ្វើឲ្យប៉ះពាល់ដល់ដំណេក ហើមពោះ និងពិបាករំលាយអាហារជាដើម។

រូបតំណាង

៤. មិនត្រូវញ៉ាំជាមួយផ្លែឈើមានវីតាមីន C ច្រើនទេ

ក្រៅពីនេះ អ្នកក៏មិនគួរហូបផ្លែខ្នុរជាមួយផ្លែឈើដែលផ្ទុកវីតាមីន C ក្នុងពេលតែមួយឡើយ។ វាបណ្ដាលឲ្យងាយក្ដៅក្នុង ពេលខ្លះមុខឡើងមុនជាដើម។ ម្ល៉ោះហើយ បើញ៉ាំផ្លែខ្នុរ គួរផឹកទឹក និងបន្លែឲ្យបានច្រើន។

រូបតំណាង

៥. ញ៉ាំលាយជាមួយទឹកដោះគោជូ

នៅរដូវក្ដៅ មនុស្សមួយចំនួនមានទម្លាប់ដាក់ខ្នុរលាយជាមួយទឹកដោះគោជូដើម្បីញ៉ាំ។ យ៉ាងណាក៏ដោយ អ្នកមិនគួរញ៉ាំច្រើននោះទេ ព្រោះសមាសធាតុក្នុងផ្លែខ្នុរពេលលាយជាមួយទឹកដោះគោជូ នឹងកើតមេរោគម្យ៉ាង Duodenal ដែលប៉ះពាល់ដល់ប្រព័ន្ធរំលាយអាហារ ងាយឈឺក្រពះបំផុត៕

អានបន្ត៖ សញ្ញាទាំង ៧ បង្ហាញថារាងកាយអ្នកត្រូវការវីតាមីន A ចាំបាច់

ប្រភព៖ Phunutoday ប្រែសម្រួល៖ លឹម សុនា