តិចនិក ៧យ៉ាងសម្រាប់អ្នកមានបញ្ហាមាត់ស្ងួត

2020-02-07 03:40:00
ចំនួនមតិ 0 | ចំនួនចែករំលែក 0

មាត់ស្ងួតបណ្តាលមកពីកង្វះទឹកមាត់នៅក្នុងមាត់ ដែលបញ្ហានេះ អាចបណ្ដាលឲ្យកកើតបញ្ហាផ្សេងៗទៀតដូចជាស្ងួតបបូរមាត់ ដំបៅក្នុងមាត់ ពុកធ្មេញ ពិបាកក្នុងការលេបចំណីអាហារ ការញ៉ាំ និងនិយាយជាដើម។ មានអ្នកខ្លះខំប្រឹងទិញក្រែមលាបមាត់ថ្លៃៗដើម្បីបំបាត់បញ្ហានេះ ប៉ុន្តែអ្នកប្រហែលជាមិនដែលសាករូបមន្តធម្មជាតិទាំងអស់នេះទេ៖

រូបតំណាង

**១. ផឹកទឹកឱ្យបានច្រើន**

ការញាំទឹកច្រើនអាចជួយឱ្យខ្លួនអ្នកសំបូរជាតិទឹក នោះទឹកមាត់របស់អ្នកក៏លែងខ្វះ ហើយមាត់អ្នកក៏ឈប់ស្ងួត។ ដូច្នេះគួរតែញាំឱ្យបានច្រើនតាមដែលអាចធ្វើទៅបាន។

២. បៀមទឹកកក

ទឹកកករលាយអាចជួយផ្តល់សំណើមដល់មាត់របស់អ្នក។ អ្នកគួរតែបៀមវានៅពេល អ្នកមានអារម្មណ៍ថាស្ងួតមាត់។

៣. លាបវីតាមីនE

ប្រេងដែលមានជាតិវីតាមីនEមានប្រសិទ្ធភាពជាងក្រែមថ្លៃៗមួយចំនួនទៅទៀត។ លាបវា២ទៅ៣ដងក្នុងមួយថ្ងៃ នោះអ្នកនឹងអស់បារម្ភរឿងប្រេះមាត់។

រូបតំណាង

៤. កាត់បន្ថយការលាបក្រែមលើមាត់ផ្ទាល់

យកល្អអ្នកគួរតែលាបក្រែម ឬប្រេង Vasaline ដែលមិនប៉ះពាល់ដល់មាត់អ្នកមុនពេលអ្នកលាបក្រែមផ្សេងៗ។

៥. កាត់បន្ថយសារធាតុធ្វើឱ្យមាត់ស្ងួត

ការជក់បារី ផឹកស្រា កាហ្វេនិងសូដាផ្សេងៗធ្វើឱ្យមាត់របស់អ្នកកាន់តែស្ងួតនិងប្រេះ។ ចឹងគួរតែបោះបង់ចោលខ្លះ។

៦. ទំពារស្ករកៅស៊ូរដែលមិនមានជាតិស្ករ

ការទំពារស្ករកៅស៊ូ ឬក៏បៀមស្ករ អាចជួយឱ្យទឹកមាត់ផលិតបានល្អហើយច្រើន។ អ្នកគួរទំពារស្ករដែលមានជាតិស៊ីលីតុល(Xylitol)ព្រោះវាជួយឱ្យធ្មេញអ្នកស និងបំបាត់ក្លិនមាត់បានថែមទៀតផង។