ថ្ងៃបុណ្យនៃក្តីស្រឡាញ់ កូនៗគួរធ្វើរឿង ៤ យ៉ាងនេះចំពោះអ្នកមានគុណ

2020-02-11 02:35:00
ចំនួនមតិ 0 | ចំនួនចែករំលែក 0

នៅថ្ងៃ ១៤ កុម្ភៈដែលជាថ្ងៃបុណ្យនៃក្តីស្រឡាញ់ មនុស្សម្នាភាគច្រើនតែងតែណាត់ជួបមនុស្សជាទីស្រឡាញ់របស់ខ្លួនមិនថា គ្រួសារ បងប្អូន មិត្តភ័ក្តិក៏ដូចជាគូរសង្សាររបស់ខ្លួន។ ថ្ងៃ ១៤ កុម្ភៈ មិនមែនមានន័យថា អ្នកមានគូរត្រូវតែណាត់គ្នាចេញក្រៅដើម្បីបង្កើនភាពរូ៉មែនតិកអីនោះទេ តែផ្ទុយទៅវិញ ក្នុងនាមអ្នកជាកូន កុំភ្លេចលោកអ្នកមានគុណទាំងពីរឲ្យសោះ។ ហេតុដូចនេះហើយ ថ្ងៃនេះអ្នកនឹងបានដឹងពីរឿង ៤ យ៉ាងកូនៗគួរតែធ្វើក្នុងថ្ងៃបុណ្យនៃក្តីស្រឡាញ់ចំពោះអ្នកមានគុណរួមមាន៖

១. ទៅទទួលទានអាហារឆ្ងាញ់ៗជាមួយលោកទាំងពីរ

រូបតំណាង

អ្នកអាចនឹងមិនមានពេលវេលាគ្រប់គ្រាន់សម្រាប់អ្នកផ្ទះរបស់អ្នកដោយសារតែអ្នករវល់ពីការសិក្សា ឬធ្វើការ ដូច្នេះអ្នកអាចចំណាយពេលទទួលទានអាហារជាមួយលោកទាំងពីរបាន។ អ្នកអាចស្វែងរកភោជនីយដ្ឋានដែលនៅជិតផ្ទះអ្នក ពិសេសភោជនីយដ្ឋានដែលលោកទាំងពីរចូលចិត្ត។ បន្ថែមពីនេះ បើអាចអ្នកគួរតែមានប្រាក់កាសមួយចំនួនជូនទៅដល់អ្នកមានគុណកាន់តែប្រសើរ។

២. ថតរូប cute cute ជាមួយបងប្អូនរបស់អ្នក

រូបតំណាង

ឪពុកម្តាយឯណាមិនចង់ឃើញកូនៗចេះស្រឡាញ់គ្នាយកចិត្តទុកដាក់គ្នានោះ? ថ្ងៃបុណ្យនៃក្តីស្រឡាញ់អ្នកអាចថតរូបជាមួយបងប្អូនរបស់អ្នក ហើយផ្តិតដោយមានសរសេរពាក្យជូនពរ រួចហើយក៏ខ្ចប់ជាកាដូរសម្រាប់លោកទាំងពីរ។ ធ្វើបែបនេះ លោកទាំងពីរប្រាកដជាមានការភ្ញាក់ផ្អើលយ៉ាងខ្លាំង។

៣. ជួយធ្វើការងារផ្ទះជំនួសឪពុកម្តាយ

រូបតំណាង

ឪពុកម្តាយរបស់អ្នកតែងតែធ្វើការងារនៅផ្ទះជាច្រើន ដូច្នេះនៅថ្ងៃ ១៤ កុម្ភៈ អ្នកគួរតែផ្តល់ពេលឲ្យលោកទាំងពីរបានសម្រាកបន្តិច។ ជារៀងរាល់ថ្ងៃគាត់តែងធ្វើការងារផ្ទះដូចជា បោសសម្អាត ការងារផ្ទះបាយ មើលថែផ្ទះនិងការងារកំបុិកំប៉ុកផ្សេងៗ ដូច្នេះអ្នកគួរតែចាត់ចែងគ្នាជាមួយបងប្អូនរបស់អ្នកធ្វើជំនួសលោកទាំងពីរ។ គួរតែឲ្យលោកទាំងពីរបានសម្រាកឲ្យបានស្រួលនៅថ្ងៃបុណ្យនៃក្តីស្រឡាញ់។

៤. រៀបចំកម្មវិធីនៅផ្ទះ

រូបតំណាង

មានឪពុកម្តាយមួយចំនួនគឺមិនចូលចិត្តចេញក្រៅឡើយ ដូច្នេះអ្នកគួរតែរៀបចំកម្មវិធីនៅផ្ទះ។ អ្នកអាចសហការជាមួយបងប្អូនរបស់អ្នកដោយទទួលទានអាហារពេលល្ងាចជុំគ្នា ធ្វើម្ហូបឆ្ងាញ់ៗ តុបតែងផ្ទះឲ្យបានស្អាត រៀបចំកាដូរទៅតាមលទ្ធភាពដែលអាចធ្វើបាន។ បន្ទាប់មក គួរតែមានពាក្យជូនពរសម្រាប់លោកទាំងពីរដើម្បីឲ្យកាន់តែមានភាពកក់ក្តៅ៕

រូបភាព៖ Pinterest

ចុចអានបន្ត៖

ណាត់ជួបថ្ងៃដំបូង ហាមសួរសំណួរទាំងនេះទៅកាន់ដៃគូអ្នក

ការបានប្រពន្ធស្អាត មោទនភាព២-៣ឆ្នាំ ការបានប្រពន្ធល្អមោទនភាពមួយជីវិត

ប្រភព៖ theodysseyonline ប្រែសម្រួល៖ សុវណ្ណ ស្រីពីន