៥ យ៉ាងគួរពិនិត្យមើលថាតើរដូវរបស់អ្នកមានភាពប្រក្រតីឬអត់?

2020-01-23 04:15:00
ចំនួនមតិ 0 | ចំនួនចែករំលែក 0

វដ្ដរដូវរបស់ស្រ្តី អាចបញ្ជាក់ប្រាប់ពីស្ថានភាពសុខភាពខុសៗគ្នាទៅតាមមនុស្សម្នាក់ៗ។ ហេតុនេះហើយ បើអ្នកសង្កេតឃើញមាន៥ចំណុចដូចខាងក្រោម ក្នុងអំឡុងពេលមករដូវ មានន័យថាវាមានភាពប្រក្រតីធម្មតា ប៉ុន្តែបើអត់ទេ គួរទៅពិគ្រោះជាមួយគ្រូពេទ្យជំនាញឲ្យបានទាន់ពេលវេលា។

១. ពណ៌រដូវ

ពណ៌រដូវអាចជាពណ៌ក្រហម ឬក្រហមឆ្អិនឆ្អៅទើបល្អ ជាពិសេសវាមានសភាពរាវមិនកកដុំៗ។

២. បរិមាណនៃរដូវ

ជាទូទៅរដូវមានបរិមាណប្រមាណ ៣០-៨០ មីលីលីត្រ ក្នុងមួយខែ។ យ៉ាងណាមិញ វាមានភាពលំបាកបន្តិចក្នុងការវាស់ស្ទង់ ប៉ុន្តែអ្នកអាចប្រៀបធៀបទៅនឹងខែចាស់ៗបាន។

៣. រយៈពេល

រយៈពេលនៃការមករដូវ គួរស្ថិតនៅចន្លោះពី ៣-៧ ថ្ងៃ។

៤. រយៈពេលក្នុងខែបន្ទាប់

រដូវអាចមកលឿនឬយឺត ជាងខែមុនបន្តិចបន្តួច ប៉ុន្តែមិនគួរមានគម្លាតឆ្ងាយគ្នាពេក គឺជាមធ្យមក្រោយបាន ២៨ថ្ងៃ រដូវនឹងមកសារជាថ្មីម្តងទៀត។

៥. អាការៈ

អាការៈដែលអាចកើតមានក្នុងអំឡុងពេលនេះមានដូចជា ហើមឬចុកសៀតណែនក្នុងពោះ តឹងណែនសុដន់ ឬឈឺចង្កេះជាដើម។ អ្នកខ្លះទៀតក៏ឈឺក្បាលផងដែរ។ ទាំងនោះគ្រាន់តែជាអាការៈទូទៅប៉ុណ្ណោះ។ យ៉ាងណាមិញ បើអ្នកគ្មានសញ្ញាអ្វីទាល់តែសោះ ក៏គួរតែទៅពិគ្រោះជាមួយគ្រូពេទ្យដែរ៕