បើចង់ដឹងនរណាចិត្តល្អឬអាក្រក់ អាចមើលតាមលក្ខណៈ៤យ៉ាងនេះគឺច្បាស់តែម្តង

2020-01-15 09:25:00
ចំនួនមតិ 0 | ចំនួនចែករំលែក 0

មនុស្សចិត្តល្អ មិនអាចមើលដឹងតាមរយៈសម្បកក្រៅឡើយ។ ខាងក្រោមនេះ ជួយអ្នកវិនិច្ឆ័យបានថា មនុស្សបែបណា ជាមនុស្សចិត្តល្អ។

រូបតំណាង

**១. មិនឆ្លៀតកេងចំណេញពីអ្នកដទៃ**

នៅលើបណ្ដាញសង្គមមាននារីម្នាក់បានចែករំលែករឿងរបស់ខ្លួនថា៖ មិត្តជិតស្និទ្ធរបស់នាងបានរៀបការ ហើយនាងក៏ចងដៃចំនួន ១០០ដុល្លារ។ ប៉ុន្តែនៅពេលនារីម្នាក់នេះរៀបការវិញ មិត្តរបស់នាងចងដៃត្រឹមចំនួន ៥០ដុល្លារ។

រឿងរ៉ាវនេះបានល្បីសុសសាយយ៉ាងខ្លាំង ហើយមនុស្សជាច្រើននាំគ្នាចោទសួរថា ក្នុងនាមជាមិត្តជិតស្និទ្ធ តើអាចធ្វើដាក់គ្នាបែបនេះដែរឬ? ដោយសារតែខ្លួនឯងរៀបការរួច ទើបមិនអើពើបែបនេះឬ? បើតាមប្រពៃណីចិន ពេលគ្រួសារណារៀបមង្គលការ មិនថាភ្ញៀវឬមិត្តភក្កិគួរតែចូលរួមអបអរសាទរ និងរៀបចំចំចំណងដៃតាមចំនួនដូចគ្នាឲ្យទៅអ្នកចូលរួមដែរ នៅពេលពួកគេរៀបការវិញ។

លក្ខណៈសម្បត្តិរបស់មនុស្សចិត្តល្អ មិនឆ្លៀតកេងចំណេញពីអ្នកដទៃឡើយ មិនថាក្នុងស្ថានភាព ឬកាលៈទេសៈបែបណាក៏ដោយ។

រូបតំណាង

២. យកចិត្តគេ ដាក់ចិត្តខ្លួនឯង

មានគូស្នេហ៍មួយគូ ខាងប្រុសជាមនុស្សចូលចិត្តញ៉ាំទុរេន ចំណែកខាងស្រីវិញជាមនុស្សគ្រាន់តែធុំក្លិនទុរេនក៏រកកលចង់ក្អួតដែរ។ នៅពេលពួកគេរៀបការជាមួយគ្នាអស់ពេលជាង១០ឆ្នាំ ប្រពន្ធបានទៅផ្សារទិញផ្លែឈើ ហើយឃើញទុរេនក៏ទិញយកមកឲ្យប្តី ទោះនាងទ្រាំស្ទើរមិនចង់បាននឹងក្លិនវាក៏ដោយ។ ដោយសារប្តីដឹងថា ប្រពន្ធចាញ់ក្លិនផ្លែនេះ គាត់ក៏យកវាទៅញ៉ាំនៅក្រៅផ្ទះ។

មនុស្សចិត្តល្អ មិនដែលចាត់ទុកខ្លួនឯងស្ថិតនៅចំកណ្ដាលទេ ប៉ុន្តែពួកគេដឹងពីរបៀបដាក់ខ្លួនឯងក្នុងទីតាំងមួយដែលចេះគិតពីអ្នកដទៃ។

៣. ដឹងគុណ

មនុស្សល្អនឹងមិនរមិលគុណលើអ្នកដែលបានជួយពួកគេទេ។ ពួកគេមិនដែលធ្វើភ្លេច និងតែងចងចាំហើយពេលខ្លះថែមទាំងមានអំណោយបន្តិចបន្តួចសម្រាប់អ្នកដែលបានជួយពួកគេថែមទៀត។

រូបតំណាង

៤. ចេះអត់ធ្មត់

ព្រះរាជា Han ក្នុងសម័យរាជវង្សរបស់ចិន បានសព្វព្រះទ័យចង់អានសៀវភៅនៅពេលយប់។ ទ្រង់បានបង្គាប់ឲ្យទាហានម្នាក់កាន់ចង្កៀងដើម្បីបំភ្លឺ។ តែចៃដន្យ ទាហាននោះមិនប្រយ័ត្នក៏ប៉ះសក់របស់ទ្រង់បណ្ដាលឲ្យឆេះអស់បន្តិច។

នៅថ្ងៃបន្ទាប់ ព្រះរាជា Han ទ្រង់ចង់អានសៀវភៅទៀត តែថ្ងៃនេះទ្រង់មិនឃើញទាហានដដែរមកកាន់ចង្កៀងឡើយ គឺឃើញអ្នកផ្សេង។ ទ្រង់បានសួរទៅអ្នកក្រោមបង្គាប់ ហើយពួកគេឆ្លើយថា បានប្ដូរអ្នកផ្សេងហើយ ដោយសារទាហាននោះបានសាងកំហុស។ លឺបែបនេះ ព្រះរាជាក៏ត្រាស់បង្គាប់ហៅទាហាននោះឲ្យត្រលប់មកវិញ និងមានបន្ទូលថា ទ្រង់ចង់ចេះពីរបៀបអុជភ្លើងយ៉ាងណាកុំឲ្យឆេះមនុស្ស។

ក្នុងស្ថានភាពបែបនេះ បើសិនជាកូនទាហាននោះត្រូវគេបណ្ដេញចេញ គាត់ច្បាស់ជាត្រូវទទួលរងទារុណកម្មយ៉ាងលំបាក ហើយមិនអាចអភិវឌ្ឍខ្លួនឯងបានថែមទៀតនៅពេលក្រោយ។ ព្រះរាជា Han មិនមែនជាស្តេចគ្មានបេះដូងសុខចិត្តបណ្ដោយឲ្យកំហុសតិចតួចបំផ្លាញអនាគតរបស់កូនទាហានម្នាក់នោះទេ។ នៅពេលកូនទាហានផ្សេងទៀតបានដឹងរឿងនេះ គ្រប់គ្នាកោតស្ញប់ស្ញែងនឹងការអត់ធ្មត់របស់ព្រះរាជា Han ខ្លាំងណាស់ ពិសេសគឺក្ដីករុណារបស់ទ្រង់តែម្ដង។

នាមជាមេគេ ការមានចិត្តល្អចំពោះអ្នកដទៃគឺជាគតិបណ្ឌិតខ្ពង់ខ្ពស់ ហើយការមានចិត្តល្អតែងតែបន្សល់នូវការតបស្នងមកវិញនូវការពេញចិត្តរបស់អ្នកដទៃ។

អានបន្ត៖ រៀនមើលចិត្តមនុស្ស តាមរយៈការតាមដានលើលក្ខណៈ ៧ យ៉ាង

ប្រភព៖ soha ប្រែសម្រួល៖ លឹម សុនា