ចង់ក្លាយជាមនុស្សជោគជ័យ អ្នកត្រូវច្បាស់ថាលះបង់រឿងទាំងនេះបាន

2020-01-09 02:20:00
ចំនួនមតិ 0 | ចំនួនចែករំលែក 0

«ជោគជ័យ» ពាក្យនេះអ្នកណាក៏ចង់បានដែរ តែអ្វីដែលសំខាន់គឺតើគេអាចធ្វើបានឬក៏អត់? បើអ្នកចង់ក្លាយជាមនុស្សជោគជ័យ អ្នកត្រូវច្បាស់ថាលះបង់រឿងទាំងនេះបាន ព្រោះបើមិនអាចកាត់ចោលទេអ្នកគ្មានថ្ងៃទទួលបានអ្វីដែលអ្នកចង់បានឡើយ៖

រូបតំណាង

**១. អារម្មណ៍ចង់ធ្វើតែមួយឆាវ**

គ្មានជោគជ័យណាអាចមករកអ្នកភ្លាមៗទេ វាត្រូវការពេលវេលា និងការអត់ធ្មត់ជាច្រើនក្នុងការដណ្ដើមយកវា។ បើសិនអ្នកគ្រាន់តែនឹកឃើញចង់ធ្វើអ្វីមួយដែលមួយភ្លែត ហើយក៏បោះបង់ចោលនោះ អ្នកគ្មានថ្ងៃជោគជ័យឡើយ ដូច្នេះបើមិនលះបង់អារម្មណ៍បែបហ្នឹងទេកុំរំពឹងទៀតអី។

២. លេសនេះលេសនោះ

បើនៅតែព្យាយាមមានលេសការពារអ្វីដែលអ្នកធ្វើមិនបានហើយ អ្នកនៅតែមិនអាចទៅមុខរួចនោះទេ ព្រោះអ្នកគ្មានស្មារតីក្នុងការទទួលជោគជ័យ។ លេសជារឿងមួយដែលធ្វើឲ្យអ្នកនៅតែសាងកំហុសដដែលៗដោយមិនព្រមកែប្រែចំណុចខ្សោយចេញ។ អ្នកតែងរកលេសថាមកពីនេះមកពីនោះ ទើបអ្នកធ្វើមិនបាន អ្នកតែងគិតថាអ្នកផ្សេងក៏គេធ្វើមិនបានដែរ មិនមែនមានតែអ្នកទេ។

រូបតំណាង

៣. របៀបរស់នៅមិនល្អ

គិតរឿងអីដែលមិនល្អ ធ្វើឲ្យខួរក្បាលចុះថយ ញ៉ាំអាហារមិនល្អ មិនទៀងទាត់ មិនដែលហាត់ប្រាណសោះ ហើយគេងក៏មិនត្រឹមត្រូវទៀត។ លើសពីនេះចំណាយពេលឥតប្រយោជន៍ច្រើន មិនព្រមយកពេលទៅរៀនពីអ្វីដែលល្អៗ មិនព្រមទទួលយកការរិះគន់គេ ហើយគិតថាមានតែខ្លួនឯងល្អ។ បើអ្នកនៅតែមានទម្លាប់រស់អាក្រក់បែបនេះទៀត អ្នកមិនអាចឈានទៅរកភាពជោគជ័យឡើយ។

៤. មិនច្បាស់ថាធ្វើអ្វីឲ្យប្រាកដ

ទម្លាប់មិនច្បាស់ការ មិនដឹងថាខ្លួនកំពុងធ្វើអ្វីឲ្យប្រាកដ។ ម្ដងចង់ធ្វើនេះ ម្ដងចង់ធ្វើនោះ ហើយធ្វើរឿងជាច្រើនក្នុងពេលតែមួយទាំងមិនផ្ដោតសំខាន់លើគោលដៅណាឲ្យបានធំដុំ។ ការធ្វើការរញ៉េរញ៉ៃបែបនេះមិនអាចជួយឲ្យអ្នករកឃើញភាពល្អប្រសើរនោះទេ គឺមានតែឲ្យអ្នករសាត់អណ្ដែតតាមអ្វីដែលអ្នកបានធ្វើ។

៥. និយាយថា « Yes» លើរឿងគ្រប់យ៉ាង

អ្នកត្រូវចាប់យកអ្វីឲ្យពិតប្រាកដមួយហើយតម្រង់ទិសជាមួយតែវាបានហើយ កុំចូលចិត្តអានេះក៏បាន អានោះក៏បានពេក។ រៀនបដិសេធន៍ខ្លះលើរឿងអ្វីដែលមិនសំខាន់ទៅ ហើយផ្ដោតអារម្មណ៍ទៅលើអ្វីដែលជាប់ទាក់ទងជាមួយការងារអ្នកបានហើយ។