ការងារ ៦ប្រភេទ ប្រាក់ខែកប់សក្តិសមឥតខ្ចោះសម្រាប់អ្នកដែលពូកែភាសា

2018-03-21 04:19:11
ចំនួនមតិ 0 | ចំនួនចែករំលែក 0

ភាសានាពេលបច្ចុប្បន្ននេះមិនមែនគ្រាន់តែជាឧបករណ៍បំពេញបន្ថែមសម្រាប់ការប្រាស្រ័យទាក់ទងទេវាបានក្លាយជាអាវុធដ៏មានឥទ្ធិពលមួយដើម្បីបើកឱកាសការងារដែលគួរឱ្យចាប់អារម្មណ៍។ សម្រាប់អ្នកដែលពូកែភាសា ការងារទាំង ៦នេះ សក្តិសមបំផុត ៖

១. អ្នកបម្រើលើយន្តហោះ

បើសិនជាអ្នកចូលចិត្តការដើរហើរ ហើយថែមទាំងពូកែភាសាទៀតនោះការងារនេះគឺសក្តិសមបំផុតសម្រាប់អ្នក។ ក្រុមហ៊ុនអាកាសចរណ៍ល្អៗ ជាច្រើនកំពុងស្វែងរកអ្នកធ្វើការលើយន្តហោះដែលអាចនិយាយភាសាបរទេស។

២. គ្រូបង្រៀនភាសាបរទេស

នេះត្រូវបានគេចាត់ទុកថាជាការងារ«ទាន់សម័យ»របស់យុវវ័យជាច្រើនដោយសារតែតម្រូវការរៀនភាសារបស់មនុស្សក៏កាន់តែច្រើនឡើងៗ។ វាមិនត្រឹមតែឲ្យអ្នកស្គាល់មនុស្សកាន់តែច្រើនទេ ថែមទាំងជួយពង្រីកចំណេះដឹងអ្នកឲ្យកាន់តែប្រសើរទៀតផង។

៣. អ្នកបកប្រែក្នុងការសរសេរ ( Translator)

ភារកិច្ចរបស់អ្នកគឺការបកប្រែភាសាបរទេសគ្រប់ប្រភេទជាលាយលក្ខណ៍អក្សរ។ ការងារនេះតម្រូវឲ្យអ្នកមានចំណេះដឹងហ្មត់ចត់ទៅលើពាក្យសព្ទ និងវេយ្យាករណ៍ នៃប្រភេទភាសាបរទេសទាំងពីរ ព្រោះបើមិនដូច្នេះទេការបកប្រែនោះនឹងឆ្គងស្ដាប់ទៅមិនរលូនឡើយ។ បន្ថែមពីលើនេះការជ្រើសរើសក្រុមហ៊ុនបកប្រែអ្នកក៏អាចធ្វើការនៅក្នុងផ្នែកអាជីវកម្មមជ្ឈមណ្ឌលព័ត៌មានដើម្បីជួយបកប្រែអត្ថបទព័ត៌មានស្ថានីយវិទ្យុឬនៅក្នុងក្រុមប្រឹក្សាបោះពុម្ពផ្សាយសៀវភៅដែរ។ លើសពីនេះទៀតបច្ចេកវិទ្យាអនឡាញបានបើកឱកាសថ្មីៗសម្រាប់អ្នកដើម្បីធ្វើការបកប្រែឯករាជ្យ។ ការងារនេះនឹងក្លាយជាការងារ "ទាក់ទាញ" សម្រាប់អ្នកដែលពូកែខាងភាសា។

៤. អ្នកបកប្រែក្នុងការនិយាយ (Interpreter)

វាខុសពីអ្នកបកប្រែបែបសរសេរ ព្រោះអ្នកត្រូវធ្វើជាអ្នកបកប្រែក្នុងការនិយាយមួយ ដែលតម្រូវឲ្យអ្នកមានភាពឈ្លាសវៃ រហ័សរហួនក្នុងការបកប្រែពីភាសាមួយទៅភាសាមួយភ្លាមៗដើម្បីឲ្យគេងាយស្រួលយល់។ វាមានការលំបាកបន្តិច តែការងារនេះនឹងជួយអ្នកកសាងទំនាក់ទំនងកាន់តែទូលំទូលាយជាមួយអ្នកល្បីល្បាញនិងទទួលបានឱកាសការងារកាន់តែច្រើនក្នុងពេលអនាគត។

៥. នាំចូល និងនាំចេញ

ការដែលធ្វើការនៅក្រុមហ៊ុនដឹកជញ្ចូនមិនមែនជាបញ្ហាសាមញ្ញទេក្រៅពីជំនាញនៃការទំនាក់ទំនងចំណេះដឹងខាងពាណិជ្ជកម្មបរទេសអ្នកត្រូវមានសមត្ថភាពភាសាអង់គ្លេសល្អក្នុងការប្រាស្រ័យទាក់ទងជាមួយអ្នកដទៃ។ ។ ដោយសារក្រុមហ៊ុនបែពនេះភាគច្រើនគឺជាក្រុមហ៊ុនបរទេសដូច្នេះហើយទើបពួកគេត្រូវការការប្រើភាសាអង់គ្លេសសម្រាប់ការទំនាក់ទំនងនៅក្នុងការងារប្រចាំថ្ងៃ។

៦. ពិធីករ ឬអ្នកឆ្លើយឆ្លងយកព័ត៌មាន

អ្នកដែលធ្វើការនៅមជ្ឈមណ្ឌលទូរទស្សន៍ ស្ថានីយ៍វិទ្យុ ភាសាបរទេសគឺជាតម្រូវការមូលដ្ឋានមួយចាំបាច់ណាស់។ ដោយសារតែប្រភេទនៃការងារនេះត្រូវតែបន្ត ដូច្នេះអ្នកត្រូវតែមានភាពល្អជាមួយភាសាបរទេសដើម្បីក្លាយខ្លួនឲ្យសកម្ម និងឯករាជ្យក្នុងការដោះស្រាយជាមួយស្ថានភាពនៅកន្លែងកើតហេតុ ឬអំឡុងពេលប្រតិបត្តិការ។ ពិធីករ អ្នកសរសេរ ឬអ្នកសារព័ត៌មានត្រូវមានលក្ខណៈល្អក្នុងភាសាភាសាបរទេស (ជាទូទៅជាភាសាអង់គ្លេស) ហើយក៏ត្រូវមានលក្ខណៈល្អក្នុងការនិយាយ និងស្តាប់ផងដែរ៕