ទទួលទានអាហារ ៥ មុខនេះជួយទប់ទល់នឹងជំងឺវង្វេងស្មារតី

2020-01-02 03:50:00
ចំនួនមតិ 0 | ចំនួនចែករំលែក 0

ប្រសិនបើអ្នកកំពុងតែមានបញ្ហាភ្លេចភ្លាំងច្រើន សូមអ្នកទទួលទានប្រភេទអាហារទាំង ៥ មុខនេះ។ បន្ទាប់ពីអ្នកទទួលទានអាហារអស់ទាំងនេះ វានឹងជួយកាត់បន្ថយជំងឺវង្វេងវង្វាន់បានមួយកម្រិត។ អាហារ ៥ មុខនោះរួមមាន៖

រូបតំណាង

**១. ផ្លែប៊ឺរី**

រូបតំណាង

ផ្លែឈើប្រភេទនេះគឺសំបូរទៅដោយជាតិ flavonoids ដែលមានអត្ថប្រយោជន៍សម្រាប់ខួរក្បាល។ អំឡុងពេលការសិក្សារយៈពេល ២០ ឆ្នាំ មានមនុស្សរាប់ពាន់អ្នកបានទទួលទានផ្លែឈើផ្សេងៗគ្នា អ្នកស្រាវជ្រាវបានឲ្យដឹងថាអ្នកទទួលទានផ្លែប៊ឺរីមានកម្រិតនៃការភ្លេចទាបជាងមនុស្សធម្មតា។

២. បន្លែបៃតង

រូបតំណាង

បន្លែគឺល្អសម្រាប់សុខភាពរបស់អ្នកគ្រប់ផ្នែក ពិសេសគឺសុខភាពខួរក្បាល ពីព្រោះវាសំបូរទៅដោយសារធាតុចិញ្ចឹមដូចជាអាស៊ីដ folate, flavonoids, វីតាមីន E និង carotenoids។ ស្លឹកបន្លែបៃតងដូចជា ស្ពៃខ្មៅ ស្ពៃ collards សាឡាត់ និងខាត់ណាគឺជាជំរើសល្អបំផុត ព្រោះវាជួយកាត់បន្ថយអត្រានៃភាពចាស់នៃខួរក្បាល។

៣. ទទួលទានសណ្ដែកដី

រូបតំណាង

សណ្តែកដីគឺសំបូរទៅដោយវីតាមីន E ដែលជួយធ្វើឲ្យខួរក្បាលមានដំណើរការល្អ។ នៅក្នុងសណ្ដែកដីមានសារធាតុខ្លាញ់ល្អ ហ្វៃប៊ឺរ និងសារធាតុប្រឆាំងអុកស៊ីតកម្ម ដែលវាជួយសុខភាពរបស់អ្នកជាច្រើន។

៤. ប្រើប្រេងអូលីវទាំងការចម្អិននិងទទួលទានឆៅ

រូបតំណាង

វេជ្ជបណ្ឌិតបានផ្តល់ដំបូន្មានថា ប្រសិនបើអ្នកទទួលទានប្រេងអូលីវនៅក្នុងរបបអាហារប្រចាំថ្ងៃនោះវានឹងជួយការពារខួរក្បាលអ្នកពីជំងឺវង្វេងវង្វាន់។

៥. ទទួលទានត្រីឲ្យបានម្តងយ៉ាងតិចក្នុងមួយសប្តាហ៍

រូបតំណាង

ការសិក្សាបានបង្ហាញថា ចំពោះអ្នកមានអាយុ ៦៥ ឆ្នាំឡើងទទួលទានត្រីមានការចងចាំល្អជាងអ្នកទទួលទានត្រីតិច។ នៅក្នុងត្រីគឺសំបូរជាតិខ្លាញ់ល្អ វីតាមីន B6 និB12 ដែលមានអត្ថប្រយោជន៍សម្រាប់ខួរក្បាលរបស់អ្នក។

ចុចអានបន្ត៖

ដឹងគុណវិបត្តិនៃការគេងបើកភ្លើង ទើបភ្ញាក់ព្រើតថាគ្រោះថ្នាក់លើសអ្វីដែលធ្លាប់គិត

អំឡុងពពោះ អ្នកម្តាយញ៉ាំផ្លែមង្ឃុត ជាជម្រើសល្អសម្រាប់សុខភាពនិងខួរក្បាលទារក

ប្រភព៖ Brightside ប្រែសម្រួល៖ សុវណ្ណ ស្រីពីន