អំឡុងពពោះ អ្នកម្តាយញ៉ាំផ្លែមង្ឃុត ជាជម្រើសល្អសម្រាប់សុខភាពនិងខួរក្បាលទារក

  • 2019-12-27 08:05:00
  • ចំនួនមតិ 64 | ចំនួនចែករំលែក 199

សារជាតិ​វីតាមីន​នៅ​ក្នុង​ផ្លែ​មង្ឃុត ​ពិត​ជា​ច្រើន​​ដែល​ជួយ​ផ្ដល់​ផល​ល្អ​សម្រាប់​សុខភាព​ម្ដាយ​និង​ទារក។ ​ក្នុង​នោះ​ផ្លែ​មង្ឃុត​ផ្ទុក​វីតាមីន C ​ ជាតិ​កាក​សរសៃ សារធាតុ​រ៉ែ ​យ៉ាង​សម្បូរ​បែប។ ​សម្រាប់​ទារក​ក្នុង​ផ្ទៃ ​ក៏​កាន់​តែ​ល្អ​​ថែម​ទៀត ​បើ​អ្នក​ម្ដាយ​ឧស្សាហ៍​ទទួល​ទាន​ផ្លែ​ឈើ​នេះ​យ៉ាង​ទៀង​ទាត់។​

រូបតំណាង

១. ​ជួយ​មិន​ឲ្យ​ឡើង​ទម្ងន់

ក្នុង​ផ្លែ​មង្ឃុត​ ផ្ទុក​ជាតិ​កូឡេស្តេរ៉ុល​តិច​តួច​បំ​ផុត ​ដូច្នេះ​វា​សក្ដិសម​ក្រៃ​លែង​​សម្រាប់​ស្ត្រី​មាន​ផ្ទៃ​ពោះ​ដែល​កំពុង​ព្រួយ​បារម្ភ​ពី​ការ​ឡើង​ទម្ងន់។ ​ក្នុង​១០០​ក្រាម​របស់​ផ្លែ​ឈើ​នេះ ​មាន​ត្រឹម​៦៣​ កាឡូរី ​ហើយ​មាន​ជាតិ​សរសៃ​ដល់​ទៅ​​៥​ក្រាម ដែល​ផ្ដល់​គុណ​ប្រយោជន៍​ដល់​ប្រព័ន្ធ​រំលាយ​អាហារ​របស់​អ្នក​ម្ដាយ​យ៉ាង​ខ្លាំង។

រូបតំណាង

​២. ជួយ​ទ្រ​ទ្រង់​ប្រព័ន្ធ​ភាព​ស៊ាំ​

​​ក្នុង​១០០​ក្រាម ​ផ្លែ​មង្ឃុត​​មាន​វីតាមីន C ​ប្រហែល ៧ .​២ មី​លី​ក្រាម ​ដែល​ជួយ​បង្កើន​​ភាព​រឹង​មាំ​ដល់​ប្រព័ន្ធ​ភាព​ស៊ាំ​ ​ការពារ​ស្ត្រី​មាន​ផ្ទៃ​ពោះ​ពី​ជំ​ងឺ​ផ្សេង​ៗ​ដូច​ជា ​ក្អក ​និង​ផ្ដាសាយ​ជា​ដើម។ ​លើស​ពី​នេះ ​វីតាមីន C ​ក្នុង​ផ្លែ​មង្ឃុត​ក៏​ដើរ​តួរ​សំខាន់​​ក្នុង​ការ​ទ្រទ្រង់​ប្រព័ន្ធ​ភាព​ស៊ាំ​​នៃ​រាង​កាយ​បាន​​យ៉ាង​មាន​ប្រសិទ្ធភាព។

រូបតំណាង

៣. ទប់​ស្កាត់​ជំ​ងឺ​ស្លេក​ស្លាំង

ជីវជាតិ​ដ៏​សំខាន់​មួយ​ទៀត​ក្នុង​ផ្លែ​មង្ឃុត​គឺ​ជួយ​ឲ្យ​ឈាម​​ដើរ​ស្រួល ​និង​ការពារ​បាន​យ៉ាង​ល្អ​មិន​ឲ្យ​មាន​ជំងឺ​ស្លេក​ស្លាំង។ ​លើស​ពី​នេះ ​ក៏​ជួយ​ទប់​ស្កាត់​ជំងឺ​ផ្សេង​ច្រើន​មុខ​ទៀត​ដូច​ជា ​ការ​ឡើង​ខ្ពស់​នៃ​ជាតិ​ខ្លាញ់ ​ជំ​ងឺ​គាំង​បេះ​ដូង ​និង​ចុក​ទ្រូង​ជា​ដើម។

រូបតំណាង

៤. ល្អ​សម្រាប់​ខួរ​ក្បាល​ទារក

​​ដោយសារ​តែ​មាន​​អាស៊ីត​ហ្វូ​លីត ដូច្នេះ​ផ្លែ​មង្ឃុត​បាន​ដើរ​តួនាទី​​​ជួយ​ពង្រឹង​សុខភាព​ដល់​ទារក​និង​ស្ត្រី​មាន​ផ្ទៃ​ពោះ​យ៉ាង​ខ្លាំង​។ ​អំឡុង​ពេល​ព​​ពោះ បើ​ស្ត្រី​ទាំង​ឡាយ​ញ៉ាំ​ផ្លែ​មង្ឃុត​នោះ​នឹង​ផ្ដល់​គុណ​ប្រយោជន៍​ច្រើន​ដល់​សុខភាព​ម្ដាយ ​រួម​ទាំង​ទារក​ក្នុង​ផ្ទៃ។ ​តែ​សូម​កុំ​បរិភោគ​ច្រើន​ហួស​កម្រិត និង​ត្រូវ​បរិភោគ​តាម​ពេលវេលា​ត្រឹម​ត្រូវ៕​

អានបន្ត៖ ​ ផ្លែឈើ ៤ មុខ ផ្ទុកជាតិស្ករតិច​ស័ក្តិសមអ្នកចង់ស្គម អ្នកទឹកនោមផ្អែមនិងជំងឺសរសៃឈាមបេះដូង

​​​​

ប្រភព៖ kenhphunu ប្រែ​សម្រួល៖ លឹម សុនា