ខែរងា កុំភ្លេចដើរហាត់ប្រាណឲ្យបាន ៣០ នាទីក្នុងមួយថ្ងៃទទួលបានអត្ថប្រយោជន៍ក្រៃលែង

2019-12-05 06:40:00
ចំនួនមតិ 0 | ចំនួនចែករំលែក 0

រដូវរងាបានមកដល់ហើយ! អ្នកទាំងអស់គ្នាគួរតែហាត់ប្រាណដើម្បីសុខភាពនិងបង្កើនឲ្យរាងកាយមានការធន់នឹងអាកាសធាតុ។ ក្នុងចំណោមលំហាត់ប្រាណជាច្រើន ការដើរត្រូវបានគេដឹងថាវាមានអត្ថប្រយោជន៍ច្រើនសម្រាប់សុខភាពរបស់អ្នក។ មិនសម្រាប់តែខែរងារទើបតម្រូវឲ្យអ្នកដើរនោះទេ ក្រៅពីខែនេះអ្នកក៏គួរតែធ្វើលំហាត់ប្រាណដើម្បីសុខភាពផងដែរ។ អត្ថប្រយោជន៍នៃការដើររយៈពេល ៣០ នាទីក្នុងមួយថ្ងៃរួមមាន៖

រូបតំណាង

**១. កាត់បន្ថយហានិភ័យជំងឺវង្វេងវង្វាន់**

ពីការស្រាវជ្រាវរបស់សាកលវិទ្យាល័យផ្នែកViking បាននិយាយថា ការដើរហាត់ប្រាណពិតជាជួយកាត់បន្ថយជំងឺភ្លេចភ្លាំង។ បុរសអាយុពី ៧១ ទៅ ៩៣ ដើរបានមួយគីឡូជាងមួយថ្ងៃនឹងកាត់បន្ថយហានិភ័យជំងឺវង្វេងវង្វាន់។

២. បង្កើនសាច់ដុំ

អ្នកអាចនិយាយថាការហាត់ប្រាណជួយបង្កើនសាច់ដុំ តែការដើរហាត់ប្រាណរឹតតែជួយអ្នកក្នុងការចង់បានសាច់ដុំ។ ការដើរជួយពង្រឹងត្រគៀក ជើង និងពោះ។

៣. ជួយបេះដូងបន្ថយសម្ពាធឈាម

ចំពោះអ្នកមានបញ្ហាបេះដូងខ្សោយគួរដើរឲ្យបានច្រើន។ វាជួយពង្រឹងបេះដូងនិងជួយបន្ថយសម្ពាធឈាមទាបការដើរជារៀងរាល់ថ្ងៃអាចកាត់បន្ថយហានិភ័យនៃជំងឺលើសឈាមនិងជំងឺសរសៃឈាមបេះដូង។

រូបតំណាង

៤. ធ្វើឲ្យពោះវៀនធំរឹងមាំ

ការដើរអាចកាត់បន្ថយឱកាសរបស់ស្ត្រីដែលមានជំងឺមហារីកក្រពះ ពោះវៀនបាន ៣១ ភាគរយ។ គ្រាន់តែដើរ ១០-១៥ នាទីក្នុងមួយថ្ងៃនឹងជួយដល់ប្រព័ន្ធរំលាយអាហារ។ ប្រសិនបើប្រើវត្ថុរាវរាល់ថ្ងៃចូរដើរជារៀងរាល់ថ្ងៃ។

៥. ជាមនុស្សចេះលេងសើច

នៅពេលមានអារម្មណ៍មិនល្អព្យាយាមដើរឲ្យបានរៀងរាល់ថ្ងៃរយៈពេល ៣០ ទៅ៤៥ នាទីលើសពីនេះវាក៏ជួយការពារអ្នកពីជំងឺបាក់ទឹកចិត្តផងដែរ។

៦. រក្សារាង

លំហាត់ប្រាណ Cardio ក៏ជួយអ្នកសម្រករាងបានដែរ តែប្រសិនបើអ្នកទទួលទានអាហារធម្មតាគ្រាន់តែដើរឲ្យបានមួយម៉ោងក្នុងមួយថ្ងៃក៏ជួយរក្សារាងរបស់អ្នកបានដែរ។

រូបតំណាង

៧. កាត់បន្ថយហានិភ័យជំងឺទឹកនោមផ្អែម

គ្រាន់តែដើរឲ្យបានក្នុងរយៈពេល ២០ ទៅ ៣០ នាទីក្នុងមួយថ្ងៃនឹងជួយបន្ថយជាតិស្ករនៅក្នុងបឈាមក្នុងរយៈពេល ២៤ ម៉ោង។

៨. ធ្វើឲ្យឆ្អឹងរឹងមាំ

ការដើរនឹងជួយពង្រឹងឆ្អឹងនិងសន្លាក់ ជៀសវាងជំងឺពុកឆ្អឹងចំពោះស្ត្រីវ័យចំណាស់ដោយគ្រាន់តែដើរកន្លះម៉ោងក្នុងមួយសប្តាហ៍អាចកាត់បន្ថយហានិភ័យនៃជំងឺពុកឆ្អឹងបាន ៣០% ។

៩. បង្កើនសមត្ថភាពសួតនិងបេះដូង

ការហាត់ប្រាណទៀងទាត់ក៏ជួយបង្កើនសមត្ថភាពបេះដូងនិងសួតផងដែរ។ ការដើរធម្មតាផងនៅពេលអ្នកដើរអត្រាដកដង្ហើមរបស់អ្នកនឹងកើនឡើងអនុញ្ញាតឱ្យអុកស៊ីសែនឆ្លងកាត់ ជួយកម្ចាត់កាកសំណល់ចាស់ហើយក៏ ជួយបង្កើនកម្លាំង និងជួសជុលផ្នែកដែលពាក់បានយ៉ាងរហ័ស។

រូបភាព៖ Pinterest

ចុចអានបន្ត៖

ម្ហូបសាមញ្ញមែន តែល្អឥតខ្ចោះសម្រាប់អ្នកចង់ស្រកគីឡូដោយសុវត្ថិភាព

ប្រភព៖ 108resources ប្រែសម្រួល៖ សុវណ្ណ ស្រីពីន