ស្រាយចម្ងល់ ហេតុអ្វីមុខអត់មានបញ្ហាអីសោះ តែបែរជាមិនស នៅតែខ្មៅស្រអាប់

2019-11-27 07:40:00
ចំនួនមតិ 0 | ចំនួនចែករំលែក 0

នារីជាច្រើនមានចម្ងល់ថា បើទោះមុខរបស់ពួកគេធម្មតាគ្មានបញ្ហាមុនក៏ដោយ ប៉ុន្តែសាច់មុខមិនសភ្លឺថ្លា ហើយឡើងខ្មៅស្រអាប់។ នេះក៏ដោយសារកង្វះការថែទាំចាំបាច់ ធ្វើឲ្យស្បែកប្រែជាមានបញ្ហាមិនមើលទៅសភ្លឺថ្លា។

រូបតំណាង

**១. មិនសូវផ្ដល់វីតាមីនបំប៉នដល់មុខ**

ការចាប់ផ្ដើមដំបូងរបស់ស្បែកស្រស់ស្អាត គឺកើតចេញពីការយកចិត្តទុកដាក់ឲ្យបានគ្រប់គ្រាន់លើការថែទាំ។ ដូច្នេះ ប្រសិនបើស្បែកមិនបានទទួលការថែបំប៉នទេ វាបណ្ដាលឲ្យមានបញ្ហាស្បែកយ៉ាងងាយស្រួលបំផុត។ អ្នកគួរទិញផលិតផលណាមានផ្ទុកវីតាមីន B3 ដែលជួយផ្ដល់ភាពភ្លឺថ្លាដល់ស្បែក។

រូបតំណាង

២. ពេលនៅផ្ទះ ខ្ជិលលាបឡេការពារកម្ដៅថ្ងៃ

ទោះបីជាអ្នកបានលាបគ្រីមមុខរួចក៏ដោយ តែបើខ្ជិលមិនលាបឡេការពារកម្ដៅរាល់ថ្ងៃទេ វាក៏បណ្ដាលឲ្យស្បែកមុខប្រែជាខ្មៅស្រអាប់បានដែរ។ នេះជាហេតុផលគោល ។ ឡេការពារកម្ដៅថ្ងៃអាចការពារពីពន្លឺព្រះអាទិត្យ ទាំងកាំរស្មី UVA និង UVB រួមទាំងវិទ្យុសកម្មដែលសាយភាពពីភ្លើងអំពូលបានទៀត។

រូបតំណាង

៣. មិនបិទម៉ាសឲ្យញឹកញាប់

ម៉ាសជួយបង្កើនជីវជាតិនិងធ្វើឲ្យស្បែករស់ឡើងវិញយ៉ាងពិតប្រាកដ ខ្លាំងជាលាបគ្រីមមុខទៀត។ វិធីល្អបំផុតគឺគួរបិទម៉ាសយ៉ាងហោច២ដង ក្នុងមួយសប្ដាហ៍ ដើម្បីជួយផ្ដល់សំណើម ព្រមទាំងមុខសភ្លឺថ្លាពីខាងក្នុង។

៤. នៅមុខកុំព្យូទ័ររយៈពេលយូរ

កត្តាមួយទៀតដែលគ្រប់គ្នាមិននឹកស្មានដល់ គឺអង្គុយនៅមុខកុំព្យូទ័ររយៈពេលយូរ។ មិនថាធ្វើការ ឬមើលរឿង និងលេងហ្គេមនោះឡើយ ពន្លឺចាំងចេញពីអេក្រង់កុំព្យូទ័រ ក៏អាចបំផ្លាញកោសិកាស្បែកបានដែរ។ ដំណោះស្រាយល្អបំផុត កុំភ្លេចលាបឡេការពារកម្ដៅថ្ងៃដើម្បីទប់ស្កាត់វិទ្យុសកម្មចេញពីពន្លឺកុំព្យូទ័រ ឬកុំចំណាយពេលយូរនៅមុខកុំព្យូទ័រតែម្តង។

រូបតំណាង

៥. សម្រាកមិនគ្រប់គ្រាន់

គេងមិនគ្រប់គ្រាន់គឺជាប់ចំណាត់ថ្នាក់លេខ១ ដែលធ្វើឲ្យស្បែកអ្នកអាប់រស្មី។ ភ្នែកនឹងស្លក់ហើយមានស្នាមរង្វង់ខ្មៅដូចខ្លាឃ្មុំផេនដា។ ជម្រើសល្អ នារីទាំងឡាយគួរសម្រាកឲ្យបានគ្រប់គ្រាន់និងចូលគេងឲ្យបានមុនម៉ោង១១យប់៕

ចុចអាន៖ ៥ ដំណោះស្រាយចំពោះអ្នកធ្វើការជួបបញ្ហាស្បែកស្ងួត ព្រោះអង្គុយក្រោមម៉ាស៊ីនត្រជាក់យូរ

ប្រភព៖ jelly ប្រែសម្រួល៖ លឹម សុនា