ប្រើប្រេងអូលីវដើម្បីចំអិនអាហារ អាចសម្រកបាន៣០គីឡូ និងផលប្រយោជន៍ជាច្រើនទៀត

2019-11-15 02:35:00
ចំនួនមតិ 0 | ចំនួនចែករំលែក 0

តើអ្នកធ្លាប់ឮឬអត់ថា យើងអាចសម្រកទំងន់បានសម្រេចដោយការហូបចុកនោះ? នៅពេលនេះ វាមិនមែនជាការស្រមៃទៀតឡើយ ដោយអ្នកគ្រាន់តែបន្ថែមគ្រឿងផ្សំដែលជាប្រេងអូលីវតែប៉ុណ្ណោះ។

ស្រកពី ៧៨គីឡូ នៅសល់៥០គីឡូ ក្រោយ៤ខែ

ជាមួយនឹងកម្ពស់មិនសូវខ្ពស់ គួបផ្សំនឹងទំងន់ឡើងដល់៧៨គីឡូនោះ នារីម្នាក់ឈ្មោះ Hju មកពីប្រទេសកូរ៉េតែងតែមានកង្វល់ពាក់ព័ន្ធនឹងរូបរាងរបស់ខ្លួនជានិច្ច។ យ៉ាងណាក្ដី នារីមកពីប្រទេសកូរ៉េរូបនេះ បានក្លាយជាមនុស្សដែលជឿជាក់ជាងមុនក្រោយពេលស្រកបានដល់ទៅជិត៣០គីឡូ ពោលគឺធ្លាក់ពី៧៨ សល់ត្រឹម៥០ប៉ុណ្ណោះ។ តិចនិកដែលធ្វើឲ្យស្រីស្អាតរូបនេះ ស្រកបានច្រើនគីឡូយ៉ាងនេះ គឺធ្វើឲ្យគេសឹងមិនជឿ ដោយនាងស្រកគីឡូដោយការហូបចុក។ អ្នកពិតជាស្ដាប់មិនខុសឡើយ។

តាមនោះដែរ នារីវ័យ២៨ឆ្នាំ បានផ្លាស់ប្ដូរវិធីចំអិនអាហាររបស់ខ្លួន មកពីការប្រើប្រេងឆាធម្មតា មកប្រើប្រេងអូលីវវិញ។ នាងក៏បានឲ្យដឹងដែលថា នៅពេលដំបូងរៀងពិបាកទទួលទានបន្តិចដោយមិនទាន់ទម្លាប់។ ប៉ុន្តែនៅពេលញ៉ាំយូរទៅ គឺរាងកាយរបស់នាងស្រាលជាងមុនតែម្ដង។ នៅក្នុងរយៈពេល៤ខែ នាងបានស្រកអស់២៨គីឡូ។ យ៉ាងណាក្ដី នារីដដែលបានឲ្យដឹងថា ប្រេងអូលីវគឺជាចំណែកមួយនៃការសម្រកគីឡូរបស់នាង ដោយនាងក៏មានគួបផ្សំជាមួយការហាត់ប្រាណផងដែរ។

ក្រៅពីសម្រកគីឡូ ប្រេងអូលីវក៏មានជាតិខ្លាញ់តិចជាងប្រេងឆាធម្មតា និងជួយសម្រួលដល់ប្រព័ន្ធរំលាយអាហារផងដែរ។ ប្រេងអូលីវគឺល្អបំផុតសម្រាប់អ្នកដែលមានខ្លាញ់រុំសរសៃឈាម ឬអ្នកលើសជាតិខ្លាញ់ជាដើម៕