មនុស្សយើងពេលចាស់ទៅ ស្ដាយក្រោយរឿងអ្វីជាងគេ? ក្មេងៗគួរអានឲ្យហើយ!

2019-10-07 04:00:00
ចំនួនមតិ 0 | ចំនួនចែករំលែក 0

អ្នកគួរចងចាំថា ពេលយើងនៅក្មេង នៅមានសុខភាព ត្រូវធ្វើរឿងមានប្រយោជន៍ឲ្យបានច្រើន ដើម្បីពេលចាស់ទៅកុំឲ្យស្ដាយក្រោយចំពោះទង្វើរបស់ខ្លួន។

គ្មានអ្នកម្នាក់លើលោកនេះល្អឥតខ្ចោះឡើយ រមែងតែងមានកំហុស នាំឲ្យមានការស្ដាយក្រោយទៅថ្ងៃក្រោយ។ ដោយហេតុនេះដែរ ចិត្តវិទូបានបញ្ចេញតួលេខដែលមនុស្សយើងស្ដាយក្រោយបំផុតនូវទង្វើដែលខ្លួនមិនបានធ្វើកាលពីក្មេង។

១. ២៥% ពេលចាស់ទៅ គេស្ដាយក្រោយដែលមិនហ៊ានសារភាពប្រាប់ថាស្រលាញ់នរណាម្នាក់

គេតែងពោលថា មិនខ្លាចឡើយការសារភាពស្រលាញ់នរណាម្នាក់ តែខ្លាចការឆ្លើយតបរបស់គេមកវិញ។ ដោយសារហេតុនេះ មនុស្សជាច្រើនបានបាត់បង់ស្នេហាសម្រាប់ខ្លួនឯង ព្រោះការពីភាគីម្ខាងទៀតក៏មានចិត្តលើយើងដែរ។

២. ៥% ពេលចាស់ទៅ ស្ដាយក្រោយព្រោះមិនបានស្រលាញ់ខ្លួនឯងឲ្យបានច្រើន

ដើម្បីស្រលាញ់ម្នាក់ឲ្យបានល្អ ជំហានដំបូងគឺត្រូវចេះស្រលាញ់ខ្លួនឯងជាមុនសិន។ តើយើងអាចមើលថែគេបានដោយម្ដេច បើខ្លួនឯងមិនទាន់មានសុខភាពល្អផង។ ទោះដឹងថាផឹកគ្រឿងស្រវឹង ជក់បារី ដើរដាច់យប់គឺមិនល្អ តែដោយសារការសប្បាយតែមួយឆាវ គេសុខចិត្តបំផ្លាញខ្លួនឯង ហើយតាំងស្ដាយក្រោយពេលចាស់ទៅ។

៣. ៦២% ពេលចាស់ទៅ ស្ដាយក្រោយដែលមិនបានអប់រំកូនចៅ

នៅចុងបញ្ចប់ កូនចៅគឺជាទ្រព្យសម្បត្តិចុងក្រោយរបស់មនុស្សគ្រប់រូប អាស្រ័យហេតុនេះ ឪពុកម្ដាយអាចលះបង់គ្រប់យ៉ាងដើម្បីកូនៗ។ អ្នកមានគុណខ្លះ ស្រលាញ់កូនខ្លាំងពេក រហូតដល់មិនហ៊ានប្រើកូន ទុកឲ្យកូនខូច ឬក៏ប្រដៅមិនត្រូវវិធី ដូចវាយគ្នាស្ទើរស្លាប់ស្ទើររស់ជាដើម។

៤. ៧៣% ពេលចាស់ទៅ ស្ដាយក្រោយដែលគ្មានទិសដៅច្បាស់លាស់សម្រាប់ខ្លួនឯង

កំណត់ទិសដៅឲ្យខ្លួនឯង គឺជាការសម្រេចចិត្តថា ជីវិតយើងនឹងដើរផ្លូវឬអត់ តែមិនមែនអ្នកណាក៏អាចកំណត់ត្រូវនោះឡើយ។ យ៉ាងណាក្ដី រឿងនេះមិនអាចបន្ទោសពួកគេបានឡើយ ប្រសិនបើពួកគេរស់នៅក្នុងសង្គមដែលបិទជិតហើយមិនបានចេញក្រៅច្រើន។ ឧទាហរណ៍ក្មេងក្នុងសមាគមន៍ក្រីក្រមួយអាចកំណត់គោលដៅឲ្យខ្លួនថា រៀនចប់ថ្នាក់ទី៥ ពួកគេទៅរត់ឌុបជាដើម។

៥. ៩២% ពេលចាស់ទៅ ស្ដាយក្រោយដែលមិនបានប្រឹងអស់ពីសមត្ថភាព

យុវភាពមានតែម្ដង មនុស្សខ្លះគិតថា សប្បាយសិនទៅ ចាំថ្ងៃក្រោយ ចាំគិតទៀត។ ដោយហេតុផលនេះ ទើបធ្វើឲ្យពួកគេមិនប្រឹងឲ្យអស់ពីសមត្ថភាពដើម្បីសម្រេចគោលដៅខ្លួនឯង ទាំងដែលអាចធ្វើបាន។ មានមនុស្សតិចណាស់ដែលដឹងពីរឿងនេះ ព្រោះការសប្បាយចំពោះមុខបានធ្វើឲ្យពួកគេស្រវាំងភ្នែក៕

ចុចអាន៖

ប្រភព៖ myeva ប្រែសម្រួល៖ ស្វាយ វ៉ាន់ថន