៨ សញ្ញានេះនឹងកើតឡើង ពេលគេអស់ចិត្តស្រលាញ់អ្នក
- 2019-10-03 06:30:00
- ចំនួនមតិ 0 | ចំនួនចែករំលែក 0
៨ សញ្ញានេះនឹងកើតឡើង ពេលគេអស់ចិត្តស្រលាញ់អ្នក
មនុស្សប្រុសពេលគេហត់នឿយនឹងការស្រលាញ់នេះហើយ ប្រាកដណាស់គេនឹងស្ដែងចេញនូវរាល់សកម្មភាពទាំងនេះ បើទោះបីជាគេមិននិយាយវាចេញក៏បាន។ អីច៊ឹងហើយ អ្នកគូរតែដឹងថាគេនឹងស្ដែងចេញអ្វីខ្លះ ពេលគេអស់ចិត្តស្រលាញ់អ្នក។ បើបានដឹងហើយ អ្នកក៏មិនចាំបាច់នៅទ្រាំអ្វីទៀតដែរ ដោះលែងឲ្យគេទៅចុះ ប៉ុន្តែអ្នកត្រូវបើកឱកាសថ្មីឲ្យខ្លួនឯង។ ខាងក្រោមនេះ ជាចំណុចមួយចំនួនបញ្ជាក់ឲ្យឃើញថាគេធុញទ្រាន់នឹងអ្នកហើយ៖
១. លែងមានភាពកក់ក្ដៅ ងាយខឹងចំពោះរឿងតូចតាច
ពេលដំបូងគេស្រលាញ់គ្រប់យ៉ាងជាអ្នក មិនថាចំណុចទាំងនេះ ល្អឬអាក្រក់បែបណានោះទេ គេទទួលយកដោយពេញចិត្ត។ ប៉ុន្តែស្រាប់តែពេលនេះ គ្រាន់តែអ្នកសាងរឿងតូចមួយសោះ ក៏គេបញ្ចេញកំហឹង ភាពមិនពេញចិត្តដាក់អ្នកដែរ។
គេបានស្ដែងថាគេពិតជាធុញទ្រាន់អ្នកខ្លាំងហើយ ដូច្នេះ អ្នកត្រូវគិតនិងវិភាគជាថ្មីថាចង់បន្តទាំងត្រដាបត្រដូសបែបនេះឬក៏អត់។
២. លែងខ្វល់ខ្វាយពីអ្នក ធ្វើអ្វីធ្វើទៅ
បើគេនៅស្រលាញ់អ្នក ទោះជាយ៉ាងណាក៏ដោយក្នុងមួយថ្ងៃ ក៏គេឆ្លៀតពេលសូរពីអ្នកបានខ្លះ នេះបង្ហាញថាគេពិតជាចាប់អារម្មណ៍និងឲ្យតម្លៃស្នេហាអ្នក។ ប៉ុន្តែបើគ្រប់យ៉ាងគេលែងចង់ដឹងចង់លឺ អ្នកគិតអ្វី ចង់ធ្វើអ្វី ស្រេចតែអ្នក នោះបញ្ជាក់ឲ្យយើងដឹងថាគេអស់ចិត្តស្រលាញ់ហើយ។
៣. យល់ស្របគ្រប់យ៉ាង តាមតែអ្នក
ពេលអ្នកចង់ធ្វើអ្វីមួយ ហើយសុំយោបល់ពីគេ គេតែងតែឆ្លើយយល់ស្របគ្រប់យ៉ាង ស្រេចតែអ្នក អ្វីក៏បាន គេគ្មានបញ្ហាអ្វីនោះទេ។ គេមិនបានផ្តល់សូម្បីតែការបញ្ចេញគំនិតបន្តិចបន្តិចទៅកាន់អ្នកឡើយ។ ទាំងនេះពិតជាមិនទំនងនោះទេ ប៉ុន្តែវាក៏ធ្វើឲ្យយើងដឹងថាគេពិតជាធុញយើងណាស់។
៤. បាត់បង់ភាពរីករាយជាមួយនឹងចំណុចកំប៉ិចកំប៉ុក
បើចំណុចនេះកើតឡើងហើយ ត្រូវសូរខ្លួនឯងថាគេលែងចង់ចំណាយពេលជាមួយអ្នកទៀតហើយមែនទេ ព្រោះថារឿងដែលធ្លាប់ធ្វើពីមុន ពេលនេះគេលែងចូលចិត្ត បែរជាមួរម៉ៅនឹងចំណុចតិចតួចទាំងនោះទៅវិញ។ សួរខ្លូនឯងឲ្យច្បាស់ថាតើគេធុញអ្នកឬក៏អត់ នោះអារម្មណ៍អ្នកនឹងបង្ហាញចេញ។
៥. រវល់ជាប់ជានិច្ច
ស្ដាប់ទៅដូចជាកំប្លែងណាស់ កំប្លែងបែបទឹកភ្នែកហើយពេលនេះ។ មិនថាអ្នកសូរអ្វីនោះទេ គេមិនចំណាយពេលឲ្យអ្នកឡើយ ដោយលើកហេតុផលគេរវល់ណាស់ មិនមានពេលនោះទេ។ បើគេនៅស្រលាញ់អ្នក គេចេះគ្រប់គ្រងពេលវេលាដើម្បីបានក្បែរអ្នកហើយ។
៦. មានពេលជាមួយអ្នកដទៃស្ទើរគ្រប់ពេល
បើសង្សាអ្នកនៅស្រលាញ់អ្នកដូចគ្រាមុន អ្នកជាមនុស្សម្នាក់គត់ដែលគេចង់ចំណាយពេលជាមួយ មិនមែនអ្នកដទៃ។ តែបើគេលែងផ្ដល់ពេលវេលាដ៏សំខាន់ដល់អ្នក កុំស្ទាក់ស្ទើរទៀត គេលែងទុកអ្នកសំខាន់ក្នុងបេះដូងគេបន្តទៀតហើយ។
៧. លែងរក្សារាល់សន្យា
សន្យាគឺសន្យាហើយ ប៉ុន្តែមិនដែលធ្វើបានដូចសន្យាឡើយ។ នេះមានតែស្នេហាអស់តម្លែទេ ទើបរឿងបែបនេះអាចកើតមានឡើង។
៨. មិនចូលចិត្តនិយាយពីការរៀបគម្រោងអនាគតជាមួយគ្នា
វាពិតជាប្លែកណាស់ បើអ្នកស្រលាញ់គ្នាពិតតែងតែគេចវេសពីការនិយាយរឿងរ៉ាវអនាគតជាមួយគ្នា។ បើក្នុងទំនាក់ទំនងអ្នកមិនបានសូម្បីតែនិយាយពីផែនការអនាគតជាមួយគ្នា គូរចាប់ផ្ដើមពេលនេះ។ តែបើវាមិនអាចកើតឡើងទេ ត្រូវនិយាយគ្នាឲ្យច្បាស់លាស់ពីអារម្មណ៍ម្នាក់ៗថាតើចង់បន្តឬចង់ចប់ត្រឹមនេះ។
ចុចអានបន្ត៖
កុំរំលង ៣ ចំណុចសំខាន់នេះ បើចង់ដឹងថាដៃគូរអ្នកមានភាពក្លាហានគ្រប់គ្រាន់ឬក៏អត់