ប្រើប្រាស់ប្រអប់ស្នោ អាចបណ្តាលឲ្យកើតជំងឺមហារីកដែរទេ?
- 2019-08-29 06:10:00
- ចំនួនមតិ 0 | ចំនួនចែករំលែក 0
ប្រើប្រាស់ប្រអប់ស្នោ អាចបណ្តាលឲ្យកើតជំងឺមហារីកដែរទេ?
ប្រអប់ស្នោគឺជារបស់ប្រើប្រាស់ដ៏ពេញនិយមមួយសម្រាប់ប្រជាជនខ្មែរយើង។ មិនថាអ្នករស់នៅទីក្រុង ឬនៅតាមបណ្តាខេត្តនានា តែងសង្កេតឃើញមាន ប្រើប្រាស់ប្រអប់ស្នោជាហូរហែ ដើម្បីវេចខ្ចប់ចំណីអាហារផ្សេងៗ ព្រោះវាមានភាពងាយស្រួលនិងរហ័សទាន់ចិត្ត។ តើប្រអប់ស្នោដែលមនុស្សគ្រប់គ្នានិយមប្រើនោះ អាចបណ្តាលឲ្យកើតជំងឺមហារីកបានដែរទេ?
តាមការអះអាង របស់អ្នកជំនាញផ្នែកវិទ្យាសាស្ត្រលោក Jetsada Denduangboraphan បានពន្យល់ថា ប្រអប់ស្នោដែលផលិតឡើងពីសារធាតុ ប៉ូលីស្ទីរ៉ែន ពុំមានបង្កគ្រោះថ្នាក់អ្វីឡើយ។ ដោយសារតែសារធាតុ ប៉ូលីស្ទីរ៉ែន នេះមានសភាពធន់ ស្រាល ប្រើប្រាស់បានយូរ ងាយស្រួលបត់បែន ធន់នឹងអាស៊ីត អាល់កាឡាំង និងកម្តៅ។ មួយវិញទៀត វាក៏ត្រូវបានអង្គការផ្នែកចំណីអាហារទូទាំងសកលលោក ទទួលស្គាល់ថាមានសុវត្ថិភាពផងដែរ។
តើប្រអប់ស្នោ អាចធ្វើឲ្យអ្នកប្រឈមនឹងជំងឺមហារីកដែរទេ?
លោកវេជ្ជបណ្ឌិត Danai Theewanda បានបញ្ជាក់ទៀតថា ប្រអប់ស្នោ អាចបណ្តាលឲ្យកើតជំងឺមហារីកបាន។ ជាក់ស្តែង ការអះអាងមួយនេះ ពុំមានភស្តុតាងគ្រប់គ្រាន់នៅឡើយទេ។ រឿងដែលសំខាន់បំផុតនោះគឺ សារធាតុប៉ូលីស្ទីរ៉ែនដែលមាននៅក្នុងប្រអប់ស្នោ អាចធន់នឹងកម្តៅនៃអាហារឬប្រេងក្នុងកម្រិត ១០០០ មីលីក្រាម ហើយវាអាចរលាយក្នុងកម្រិតចាប់ពី ៣០០-៤០០ មីលីក្រាម នៅពេលម្ហូបអាហារក្តៅពេក ជាហេតុនាំឲ្យអ្នកប្រឈមនឹងជំងឺមហារីក។ ហេតុនេះហើយអ្នកប្រើប្រាស់ត្រូវប្រុងប្រយ័ត្នឲ្យបានខ្ពស់។
បើនិយាយពីអ្នកប្រើប្រាស់ពុំសូវជាមានហានិភ័យខ្លាំងប៉ុន្មានទេ ប៉ុន្តែសម្រាប់អ្នកផលិតនិងអ្នកកម្ទេចប្រអប់ស្នោទាំងនោះ ទើបមានការប៉ះពាល់សុខភាពខ្លាំង។
តើគួរជ្រើសរើសប្រអប់បែបណាទើបមានសុវត្ថិភាព?
ប្រអប់ស្នោដែលមិនបង្កគ្រោះថ្នាក់ដល់សុខភាព លុះត្រាតែវាផលិតតាមស្តង់ដារត្រឹមត្រូវ និងមានគុណភាពខ្ពស់។ យ៉ាងណាមិញ ការប្រើប្រាស់ប្រអប់ស្នោមិនងាយនឹងកាត់បន្ថយបានឡើយ ហើយវាថែមទាំងអាចបំផ្លាញដល់បរិស្ថានផងដែរ។ ដើម្បីចូលរួមចំណែកថែរក្សាបរិស្ថាន និងសុវត្ថិភាពផ្ទាល់ខ្លួន អ្នកអាចជំនួសមកវិញ ដោយប្រើការវេចខ្ចប់ដោយប្រអប់ក្រដាស ឬប្រអប់ផ្ទាល់ខ្លួនយកពីផ្ទះកាន់តែប្រសើរ៕
ចុចអានបន្ត៖ គ្រោះថ្នាក់ខ្លាំងណាស់! ដាច់ខាតកុំធ្វើរឿងទាំងនេះ ពេលកំពុងតែខឹងខ្លាំង