អ្នកណាខ្លះគេងយប់ជ្រៅ មើលពីផលប៉ះពាល់ខ្លះទៅ
- 2019-08-25 02:00:00
- ចំនួនមតិ 0 | ចំនួនចែករំលែក 0
អ្នកណាខ្លះគេងយប់ជ្រៅ មើលពីផលប៉ះពាល់ខ្លះទៅ
ការចូលគេងលឿនគឺល្អសម្រាប់សុខភាពរបស់អ្នក។ តែសម្រាប់ការចូលគេងយឺតឫយប់ជ្រៅវិញធ្វើឲ្យមានផលប៉ះពាល់ទៅលើសុខភាពអ្នក។ ផលប៉ះពាល់ទាំងអស់នោះរួមមាន៖
១. ឆាប់ចាស់
គេងឲ្យបានគ្រប់គ្រាន់ជាពេលផ្តល់ឲ្យរាងកាយរបស់អ្នកបានជួសជុលកន្លែងផ្សេងៗនៅក្នុងរាងកាយ។ អញ្ចឹងហើយ បើអ្នកចូលគេងយឺតមិនខ្វាយខ្វល់ពីរាងកាយរបស់អ្នក តើរាងកាយមានពេលជួសជុលឲ្យបានល្អដែរឫទេ? ហេតុដូចនេះ ចូរគេងលឿនកុំយប់ជ្រៅពេក។
២. ងាយកើតមុន
ការគេងមិនគ្រប់គ្រាន់ក៏ធ្វើឲ្យកើតមុនដែរ ព្យាយាមសង្កេតមើលថាអ្នកចូលគេងយប់ជ្រៅពេក ពេលក្រោកឡើងអ្នកនឹងឃើញមុននៅលើមុខអ្នក។ មួយថ្ងៃត្រូវគេងឲ្យបាន ៨ ម៉ោង តែបើអ្នកគេងបានត្រឹមតែ ៥ ឫ ៦ ម៉ោងស្បែកអ្នកនឹងស្ងួតរួមទាំងមានមុនទៀតផង។
៣. ដំណើរយោកៗ ឆាប់ខឹង
ការគេងមិនឆ្អែតធ្វើឲ្យអ្នកមានអាការៈឆាប់ខឹងនិងមានដំណើរទ្រេតទ្រោតគ្មានលំនឹង។ ចូរអ្នកសង្កេតមើលខ្លួនឯងក៏ដូចជាមិត្តភ័ក្តិដែលមានទម្លាប់គេងយប់ជ្រៅគឺពួកគេមានដំណើរធីងធោងជាងមនុស្សធម្មតាព្រោះមិនបានគេងគ្រប់គ្រាន់។ កាន់តែឆាប់សម្គាល់បានលឿនជាងនេះទៅទៀតនោះ គឺកែវភ្នែកបង្ហាញពីភាពអស់កម្លាំង។
៤. ខួរក្បាលធ្វើការមិនបានល្អ
ខណៈពេលគេងមិនគ្រប់គ្រាន់ ខួរក្បាលអ្នកដំណើរការមិនល្អឡើយ។ នៅពេលអ្នកមិនមានដំណេកស្កប់ស្កល់នោះអ្នកនឹងមានការគិតយឺតមិនរហ័សដូចធម្មតា បាត់បង់ស្មារតី និងឆាប់ងងុយគេង។ ដើម្បីល្អសម្រាប់សម្រស់និងសុខភាពអ្នកចូរគេងឲ្យលឿនកុំបណ្តោយឲ្យភ្នែកអ្នកខ្មៅដូចខ្លាឃ្មុំភេនដា។
ចុចអានបន្ត៖
មុននៅលើផ្ទៃមុខអ្នក ប្រាប់អ្នកពីមូលហេតុបង្ក
ញុំាល្ពៅមានដែលដឹងពីអត្ថប្រយោជន៍ ១០ យ៉ាងអត់ហ្នឹង?