មុននៅលើផ្ទៃមុខអ្នក ប្រាប់អ្នកពីមូលហេតុបង្ក

  • 2019-08-19 07:05:00
  • ចំនួនមតិ 0 | ចំនួនចែករំលែក 0

បញ្ហាមុខ​មុន​ជាបញ្ហា​ដែលសុភាពនារី​មួយ​ចំនួន​កំពុង​ព្រួយ​បារម្ភ។ អ្នកខ្លះ​មានមុន​ច្រើន​នៅលើ​ថ្ពាល់ ចង្កា ច្រមុះ ថ្ងាស​ជាដើម ដូច្នេះ​តើអ្នក​មានដឹង​អំពីមូល​ហេតុ​ដែលនាំ​ឲ្យវា​កើត​ដែរ​ឫ​អត់? ខាង​ក្រោម​នេះជា​ទីតាំង​បង្ហាញ​ពីមូលហេតុ​នៃការ​កើត​មុន៖

១. មុន​នៅលើ​ថ្ងាស

កើត​មុន​នៅលើ​ថ្ងាស​អាច​បណ្តាល​មកពី​កត្តា​ពីរយ៉ាង គឺ​ការប្រើប្រាស់​សាប៊ូកក់​សក់​និង​ប្រព័ន្ធ​រំលាយ​អា​ហារ​មិន​ល្អ។ ដូច្នេះ​អ្នកត្រូវ​ប្តូរឫ​ពិនិត្យឲ្យ​បាន​ច្បាស់​លាស់​មុន​ការជ្រើសរើស​ផលិតផល​សក់ ពិសេស​ត្រូវញុំា​អាហារ​ដែល​មាន​សុខភាព​ល្អ។

២. មុន​នៅ​លើ​បរិវេណ​ចិញ្ចើម

កើតមុន​នៅកន្លែង​នេះ វា​បណ្តាល​មក​ពី​អ្នកចូលចិត្ត​ញុំា​អាហារ​ទុកបាន​យូរ អាហារ​មាន​ខ្លាញ់ រួម​ទាំង​ការ​ញុំា​ស្រា។ ដូច្នេះ​អ្នកត្រូវ​រក្សា​ស្បែកមុខ​ឲ្យ​ស្អាត ញុំា​អាហារ​ល្អៗ និង​ញុំា​ទឹក​ឲ្យ​បាន​ច្រើន។

៣. មុន​នៅលើ​ច្រមុះ

កើត​មុន​នៅកន្លែង​នេះ វា​បណ្តាល​មកពី​ការរលាក​មុខនិង​ប្រព័ន្ធរបត់ឈាម​រត់មិន​ល្អ។ ដូច្នេះ​យោ​បល់ល្អ​អ្នក​គួរតែ​ងាក​មក​ទទួលទាន​អាហារ​សរសៃ​និង​សម្បូរ​វីតាមីនB​ ឲ្យ​បាន​ច្រើន។

៤. មុន​នៅលើ​ថ្ពាល់

កើត​មុន​នៅ​កន្លែង​នេះ វាអាច​បណ្តាល​ពី​មូលហេតុ​ពីរ គឺ​ភាពកខ្វក់​មកលើថ្ពាល់​ដូចជា តាមរយៈ​ការ​ប្រើ​ទូរស័ព្ទ​ដៃ ស្រោម​ខ្នើយ ប៉ុង​ឫជក់​ផាត់មុន និង​ប្រព័ន្ធផ្លូវ​ដង្ហើម។ អ្នក​ក៏អាច​កើតតាម​រយៈ​បរិយាកាស​មិនល្អ​បានដែរ។

៥. មុន​នៅជុំ​វិញ​មាត់

កើត​មុន​នៅ​កន្លែង​នេះ បណ្តាលមក​ពីអ្នក​ចូលចិត្តញុំា​អាហារ​មានរសជាតិ​ហឹរៗ រួមទាំង​អាហារ​ប្រើ​ខ្លាញ់។ ដូច្នេះ ប្រសិន​បើអ្នក​ចង់ចៀស​វាង​បញ្ហា​នេះ គួរញុំា​ទឹកផ្លែ​ឈើ​និងទឹ​ក​បន្លែ​ស្រស់​ទើប​ប្រសើរ​វិញ​តាមរយៈ​ការបន្ថែម​ជាតិ​សរសៃ។

៦. មុន​នៅលើ​ចង្កា​និង​ថ្គាម

កើត​មុននៅ​កន្លែង​នេះ វាត្រូវ​បានគេដឹង​ថាការ​កើតមុន​លើ​ចង្កា​ទាក់ទង​ទៅ​នឹង​អរម៉ូន ជាហេតុ​ធ្វើឲ្យ​ស្ត្រី​ពេល​មាន​រដូវ​មាន​ឡើង​មុន​នៅ​ចង្កា​និង​ថ្គាម។ ដូច្នេះ​ត្រូវ​រក្សា​អនាម័យ​ឲ្យ​បានល្អ សម្រាក​ឲ្យបាន​គ្រប់គ្រាន់​និង​ញុំា​អាហារ​ដែល​មាន​អូមេហ្គា៣ ​ដើម្បី​ជួយរក្សា​តុល្យភាព​អរម៉ូន។

៧. មុន​នៅលើ​ត្រចៀក

កើតមុន​នៅកន្លែង​នេះ វា​បណ្តាល​មកពី​ប្រតិកម្ម​ទៅនឹង​ផលិតផល​សក់ផ្សេងៗ ភាព​កខ្វក់​មកពី​ទូរស័ព្ទ និង​មុខងារ​តម្រងនោម​ដំណើរការ​មិនធម្មតា។ ដូច្នេះ អ្នកត្រូវ​ទទួលទាន​អាហារ​មាន​សុខភាព​ល្អ​ដើម្បី​ចៀសវាង​បញ្ហា​នេះ​បាន។

ចុចអានបន្ត៖

ញុំា​ល្ពៅ​មាន​ដែល​ដឹង​ពី​អត្ថប្រយោជន៍ ១០ យ៉ាង​អត់​ហ្នឹង?

ស្រីៗគួរដឹងពីមូលហេតុជ្រុះសក់និងដំណោះស្រាយ

ប្រភព៖ Spiceee ប្រែ​សម្រួល៖ សុវណ្ណ ស្រីពីន

អត្ថបទពេញនិយម