ស្រីៗគួរដឹងពីមូលហេតុជ្រុះសក់និងដំណោះស្រាយ
- 2019-08-07 03:15:00
- ចំនួនមតិ 0 | ចំនួនចែករំលែក 0
ស្រីៗគួរដឹងពីមូលហេតុជ្រុះសក់និងដំណោះស្រាយ
នៅក្នុងរាងកាយរបស់យើងគ្រប់ផ្នែកគឺមានទំនាក់ទំនងជាមួយគ្នាទៅវិញទៅមក។ នរណាៗក៏មានបញ្ហាសក់ជ្រុះដែរ ត្រង់ថាតិចឫច្រើន។ បើអ្នកមានបញ្ហាសក់ជ្រុះច្រើន អ្នកគួរតែស្វែងយល់ពីមូលហេតុនិងដំណោះស្រាយដើម្បីការពារការជ្រុះសក់កាន់តែខ្លាំងឡើង។ មូលហេតុនោះរួមមាន៖
១ ការប្រើប្រាស់ថ្នាំ
មូលហេតុ៖ ថ្នាំមួយចំនួនសម្រាប់ព្យាបាលជំងឺលើសឈាម ថ្នាំប្រឆាំងនឹងជំងឺធ្លាក់ទឹកចិត្តជាដើមមានផលប៉ះពាល់ទៅលើការបាត់បង់សក់។ អ្នកគួរតែទៅពិភាក្សាជាមួយវេជ្ជបណ្ឌិត។
២ ហ្សែន
ភាគច្រើនមកពីហ្សែនជាកត្តានៃសក់ជ្រុះ អាចកាត់ទៅរកប៉ាឫម៉ាក់របស់អ្នក។ បើសិនជាប៉ាម៉ាក់របស់អ្នកជ្រុះសក់នោះ អ្នកជាកូនក៏អាចមានបញ្ហានោះដែរ។ ដំណោះស្រាយដ៏ល្អនោះគឺ អ្នកគួរញុំាអាហារល្អនិងទម្លាប់រស់នៅល្អ។
៣ សីតុណ្ហភាពប្រែប្រួល
ការផ្លាស់ប្តូរសីតុណ្ហភាពភ្លាមក៏អាចធ្វើឲ្យសក់ជ្រុះដែរ។ អាកាសធាតុត្រជាក់និងពន្លឺព្រះអាទិត្យកាន់តែធ្វើឲ្យសក់អ្នកស្តើង។ ដំណោះស្រាយនោះគឺងាយទេពាក់មួកពេលអ្នកចេញក្រៅនិងក្របសក់ពេលទៅសូណា។
៤ បញ្ហាក្រពេញទីរ៉ូអុីត
អតុល្យភាពអ័រម៉ូននៅក្នុងខ្លួនអាចបណ្តាលមកពី៖ អស់រដូវ ជំងឺនៃប្រព័ន្ធ endocrine និងទឹកនោមផ្អែម។ ដំណោះស្រាយគឺទៅជួបគ្រូពេទ្យឯកទេសខាងអរម៉ូន endocrinologist ដែលនឹងធ្វើតេស្តចាំបាច់ទាំងអស់និងចេញវេជ្ជបញ្ជាអោយអ្នកទទួលការព្យាបាលដែលអ្នកត្រូវការ។
៥ របបអាហារមិនសមរម
ការស្រកទម្ងន់ក្នុងរយះពេលខ្លីធ្វើឲ្យរាងកាយអ្នកមានភាពតានតឹងបណ្តាលឲ្យប្រព័ន្ធសុំារាងកាយចុះខ្សោយ។ កត្តានេះអាចបណ្តាលឲ្យមានសក់ជ្រុះ។ ដំណោះស្រាយនោះគឺហាត់ប្រាណឲ្យបានទៀតទាត់ដើម្បីមានឥទ្ធិពលល្អទៅដល់រាងកាយ។
៦ ស្មុគស្មាញច្រើនពេក
ស្មុគស្មាញច្រើនពេកអាចបណ្តាលឲ្យប៉ះពាល់ចរន្តឈាមនៅក្នុងខួរក្បាលធ្វើឲ្យសក់ជ្រុះ។ ដំណោះស្រាយដ៏ល្អគឺព្យាយាមសម្រាកឲ្យបានគ្រប់គ្រាន់និងគិតរឿងល្អៗ។
៧ ការស្លេកស្លាំង
ការស្លេកស្លាំងអាចបណ្តាលឱ្យជ្រុះសក់ពីព្រោះចរន្តឈាមនៅក្នុងស្បែកក្បាលត្រូវបានថយចុះ។ ប្រសិនបើអ្នកកត់សម្គាល់រោគសញ្ញាដូចជាមានអារម្មណ៍ងងុយគេងអស់កម្លាំងថេរឬស្មារតីស្ពឹកស្រពន់ អ្នកគួរតែធ្វើតេស្តឈាម។ ដំណោះស្រាយនោះគឺញុំាអាហារសម្បូរជាតិដែកដូចជា សាច់គោ ផ្លែទទឹម ផ្លែប៉ោមជាដើម។ បើមិនបាត់ អ្នកគួរតែទៅទទួលតេស្តឈាម។
៨ កង្វះវីតាមីន
វាមានសារៈសំខាន់ជាពិសេសក្នុងការមានវីតាមីន C គ្រប់គ្រាន់ដើម្បីរំលាយជាតិដែកនិងជំរុញការផលិតកូឡាជែន(វាធ្វើឱ្យសរសៃឈាមកាន់តែរឹងមាំ)។ មិនខុសគ្នាដែរប្រសិនបើ អ្នកមានកង្វះវីតាមីន B សក់របស់អ្នកអាចនឹងមានភាពផុយស្រួយ។ បរិភោគ ថ្លើម ស៊ុត និងដំបែដើម្បីទទួលបានវីតាមីន B បន្ថែមទៀត។ ដំណោះស្រាយគឺញុំាអាហារផ្សេងគ្នាមានសម្បូរវីតាមីន C និង B។
៩ ជំងឺស្បែក
ជំងឺរោគសើរស្បែក ជំងឺរលាកស្បែកប្រភេទ seborrheic និងការឆ្លងមេរោគផ្សិតជាមូលហេតុធ្វើឲ្យសក់ជ្រុះ។ ដំណោះស្រាយល្អគឺត្រូវទៅជួបជាមួយគ្រូពេទ្យជាបន្ទាន់តាមដែលអាចធ្វើទៅបាន។
១០ ការថែរក្សាមិនល្អ
អ្នកប្រហែលជាអាចបំផ្លាញសក់តាមរយះការប្រើសាប៊ូគុណភាពមិនសូវល្អ ប្រដាប់ផ្លុំសក់ និងឧបករណ៍ផ្សេងទៀត។ រីឯដំណោះស្រាយនោះគឺកាត់បន្ថយការប្រើប្រាស់ម៉ាសុីនផ្លុំសក់និងផលិតផលមិនត្រូវនឹងស្បែកក្បាល។ បើអាច ពិភាក្សាជាមួយអ្នកជំនាញឯកទេសបន្ថែម។
ចុចអានបន្ត៖
ដល់ម្លឹងផង! ភេសជ្ជៈទាំងនេះ ញុំាបានពេលពោះទទេហើយនៅជួយសម្រករាងទៀត
អាហារទាំងនេះគួរចៀសវាង ប្រសិនបើអ្នកកំពុងមានអាការៈបាក់ទឹកចិត្ត