៥ វិធីសាមញ្ញៗ បើចង់អារម្មណ៍ល្អបន្ទាប់ពីធុញពេញមួយថ្ងៃ

2019-08-19 02:30:00
ចំនួនមតិ 0 | ចំនួនចែករំលែក 0

អ្នកអាចនឹងជូបអារម្មណ៍តប់ប្រមល់ បន្ទាប់ពីធុញថប់នឹងរឿងអ្វីមួយ។ ពិសេសស្រីៗពេលត្រឡប់មកពីធ្វើការវិញតែងចង់សម្រាកគេងឲ្យស្រួលខ្លួន ឫទៅដើរកម្សាន្តដើម្បីស្រូបយកខ្យល់អាកាស។ ក្រៅពីសកម្មភាពអស់ទាំងនេះ អ្នកក៏អាចធ្វើសកម្មភាពសាមញ្ញៗបានដោយមាន ៥ វិធី៖

១ គេង

ជាការពិតណាស់ ក្រោយពេលត្រឡប់ពីធ្វើការ ចេញពីសាលាវិញ ជម្រើសដ៏ល្អសាមញ្ញនោះការគេង។ ការគេងជួយធ្វើឲ្យរាងកាយរបស់អ្នកបានសម្រាកល្អ តែមិនគួរគេងសម្រាកយូរពេកទេ ព្រោះអ្នកអាចមានអារម្មណ៍ថាអស់កម្លាំងជាងមុន។

២ ដើរផ្សារទិញឥវ៉ាន់

ការទិញឥវ៉ាន់ជារឿងធម្មតាសម្រាប់មនុស្សស្រីគ្រប់រូប។ ធ្វើអ្វីដែលអ្នកចង់ធ្វើពេលមានអារម្មណ៍ស្មុគស្មាញដូចជា ទិញទំនិញ សម្លៀកបំពាក់ របស់របរដែលអ្នកចង់បាន។

៣ ច្រៀង

បើមានអារម្មណ៍ធុញពេញមួយថ្ងៃ អ្នកគួរតែរកអីមកធ្វើដើម្បីលំហែកាយនិងខួរក្បាល។ ច្រៀងចម្រៀងដែលអ្នកចូលចិត្ត ស្រែកច្រៀងឲ្យខ្លាំងៗតែកុំខ្លាំងពេកអាចធ្វើឲ្យអ្នកកាន់តែអស់កម្លាំងជាងមុន។

៤ ស្ប៉ាឫម៉ាស្សា

មានអារម្មណ៍ថាអស់កម្លាំង អ្នកប្រហែលជាចង់រកកន្លែងម៉ាស្សាឫស្ប៉ាដើម្បីឲ្យបានស្រួលខ្លួន។ ការធ្វើបែបនេះនឹងជួយអ្នកមានអារម្មណ៍បានប្រសើរនិងស្រស់ស្រាយដោយសារក្លិនក្រអូបប្រេងអូលីវ ប្រេងដូង មានក្លិនបែបធម្មជាតិ។

៥ ញុំាសូកូឡា

សូកូឡាត្រូវបានគេជឿថាវាធ្វើឲ្យមានអារម្មណ៍ល្អ ព្រោះវាមានសារធាតុ dopamine។ ហេតុដូចនេះហើយ អ្នកអាចទទួលទានវាបានមួយបន្ទះ តែកុំញុំាច្រើនពេកព្រោះជាតិស្ករនឹងកើនឡើង។