ស្រីៗឲ្យតែមាន៤យ៉ាងនេះ ទោះមិនស្អាតខ្លាំងក៏ប្រុសតំរៀបជួរគ្នាសុំស្រលាញ់ដែរ

2019-08-05 13:00:00
ចំនួនមតិ 0 | ចំនួនចែករំលែក 0

អ្នកណាក៏ដឹងដែរថាឲ្យតែស្រីស្អាតគឺតែងមានគេស្រលាញ់ច្រើនដោយស្វ័យប្រវត្តិ តែសម្រាប់មនុស្សស្រីដែលមានសម្រស់មិនលេចធ្លោខ្លាំងក៏នៅតែទាក់ទាញដដែលឲ្យតែមានអាវុធសម្ងាត់ដូចខាងក្រោម៖

១. រួសរាយ ពូកែញញឹម

គេតែងនិយាយតគ្នាថា ទោះយើងអាក្រក់ប៉ុណ្ណា ឲ្យតែញញឹមឲ្យស្រស់គឺដឹងតែស្អាតជាងមុនតែម្ដង។ ហើយវិទ្យាសាស្ត្រក៏បានបញ្ជាក់ផងដែរថា នេះគឺពិតជាត្រឹមត្រូវមែន។ ដើម្បីឲ្យមើលទៅមានអំណោយទាន យើងគួរធ្វើចរិតរួសរាយ ហើយឧស្សាហ៍ញញឹម ទោះបីជាមួយមនុស្សមិនស្គាល់គ្នាក៏ដោយ ធានាថានឹងមានអ្នកលង់ស្នេហ៍អ្នកមិនតិចទេ។

២. ស្លៀកពាក់ទាន់សម័យ

អ្នកអាចជាមិនជឿ តែខោអាវស្អាតអាចជួយលើកសម្រស់បានយ៉ាងល្អ។ រាល់មុនពេលចេញទៅណា គួរចំណាយពេលរើសសម្លៀកបំពាក់ឲ្យសមនឹងស្ថានភាព ហើយគួរអាប់ដេតទូខោអាវខ្លួនឯងជាប្រចាំដើម្បីលើកសម្រស់បានថែមមួយកម្រិតទៀត។

៣. ចេះផាត់មុខបន្តិចបន្តួច

ទោះបីជាពេលនេះគេសង្កេតឃើញថា ចំនួនមនុស្សស្រីចេះផាត់មុខបានកើនឡើងច្រើនជាងមុនក៏ពិតមែន តែក៏នៅមានស្រីៗជាច្រើនដែលមិនផាត់មុខទាល់តែសោះ សូម្បីតែលាបក្រែម។ ដើម្បីកុំឲ្យចាញ់ស្រីៗដទៃ អ្នកគួររៀនជំនាញផាត់មុខមូលដ្ឋានដើម្បីពេលទៅណាមកណាចុះចំណោមនឹងគេ ក៏ដូចជាកុំឲ្យមើលទៅស្លេកស្លាំងពេក ដើម្បីបង្ករភាពទាក់ទាញសម្រាប់រាល់ការជួបលើកដំបូង។

៤. ឆ្លាតវៃ

អ្នកដែលមានមុខមិនស្អាតខ្លាំង អាចមើលទៅមិនទាក់ភ្នែកពីការជួបដំបូង តែបើអ្នកមានខួរក្បាលឆ្លាតវៃ យល់សាច់រឿង អ្នកនឹងទាក់ទាញគេបាននៅរយៈពេលវែង ព្រោះសម្រស់នឹងសាបរលាប តែបញ្ញាគឺនៅរហូត។ ស្វែងយល់រឿងឲ្យបានច្រើនដើម្បីអាចកំដរគេជជែកគ្រប់ប្រធានបទ នោះអ្នកនឹងទទួលបានការចាប់អារម្មណ៍មិនតិចឡើយ៕

ចុចអាន៖ទាំងនេះជាហេតុផលដែលប្រុសៗ គួរតែស្រលាញ់មនុស្សស្រីចូលចិត្តដើរកម្សាន្ត

ប្រភព៖ Spiceee ប្រែសម្រួល៖ Caramel