១១ ចំណុចគួរតែចៀសវាងមុនធ្វើដំណើរតាមយន្តហោះ

2019-08-06 02:30:00
ចំនួនមតិ 0 | ចំនួនចែករំលែក 0

ការធ្វើដំណើរតាមយន្តហោះតែងតែស្មុគស្មាញ មិនថាសម្រាប់អ្នកមិនខ្លាចយន្តហោះក៏ដោយ។ ជាធម្មតាទេ សម្រាប់អ្នកធ្វើដំណើរតាមយន្តហោះត្រូវរៀបចំឯកសារ សម្លៀកបំពាក់ និងពេលវេលាឲ្យបានត្រឹមត្រូវជាមុន។ ទន្ទឹមនឹងនេះ អ្នកក៏គួរតែដឹងរឿងមួយចំនួនមិនគួរធ្វើមុនពេលរៀបចេញដំណើរលើយន្តហោះ។ ខាងក្រោមនេះមាន៖

១ ភ័យស្លន់ស្លោ

ទោះបីជាមានអ្វីមួយមិនប្រក្រតីដូចជា ការហោះហើរត្រូវបានពន្យារពេល ឬលុបចោល បាត់បង់ ឬបាត់ឯកសារក៏ដោយ ការភ័យស្លន់ស្លោ នឹងធ្វើឱ្យស្ថានភាពកាន់តែធ្ងន់ធ្ងរឡើង។ ក្នុងករណីទាំងនេះ អ្នកត្រូវដកដង្ហើមធំៗហើយងាកទៅរកជំនួយពីមន្ត្រីនៅព្រលានយន្តហោះ។ ពួកគេនឹងផ្តល់ការណែនាំចាំបាច់សម្រាប់អ្វីដែលអ្នកត្រូវធ្វើ។

២ ទទួលទានម្ហូបប្លែកមុនចេញដំណើរ

ពេលទៅដល់ស្រុកក្រៅ អ្នកប្រហែលជាចង់សាកម្ហូបនៅតំបន់នោះហើយ។ តែយល់ល្អមិនគួរសាកឡើយ អ្នកមិនដឹងថាពោះអ្នកអាចទ្រាំទ្រទៅនឹងម្ហូបតាមតំបន់នោះបានកម្រិតណាដោយសាររសជាតិរបស់វា។

៣ ភ្លេចការទុកដាក់វត្ថុរាវនៅក្នុងកាបូបដៃ

មនុស្សភាគច្រើនដឹងថាក្នុងកាបូបមិនអាចផ្ទុកសារធាតុរាវច្រើនជាង ១០០ មល ឡើយ។ អ្នកខ្លះភ្លេចដាក់សាប៊ូនៅក្នុងវ៉ាលីសឲ្យគេត្រួតពិនិត្យ ហើយទុកនៅក្នុងកាបូបដៃវិញ។ ឯខ្លះទៀតយល់ច្រឡំពីច្បាប់នេះ ហើយគិតថាគេអនុញ្ញាតឲ្យដាក់វត្ថុរាវនៅក្នុងកាបូប។ សរុបមករាល់អ្នកធ្វើដំណើរត្រូវតែចាំនៅតាមជួរអ្នកដំណើររង់ចាំគេត្រួតពិនិត្យឲ្យបានច្បាស់លាស់។

៤ ចូលកន្លែងត្រួតពិនិត្យពីរកន្លែងដំបូង

បើតាមច្បាប់ កន្លែងត្រួតពិនិត្យពីរដំបូងគឺមានមនុស្សច្រើន។ មានកំហុសមួយចំនួនទៀតនោះគឺ មនុស្សមួយចំនួនដាក់គ្រឿងផ្សេងៗនិងឧបករណ៍នៅខាងក្រោមបាតនៃកាបូបដោយក្របជាមួយសម្លៀកបំពាក់។ ដូច្នេះចៀសវាងការភ្លេចមិនត្រូវដាក់សម្ភារៈនៅខាងក្រោមនោះទេ។

៥ ការវេចខ្ចប់វ៉ាលីស

បន្ទាប់ពីរៀបចំវ៉ាលីស មនុស្សមួយចំនួនតែងភ្លេចរបស់របរនៅក្នុងនោះ រួចក៏កាត់ឫហែកការវេចខ្ចប់នោះ។ តែបើអ្នកចង់ឲ្យសម្ភារៈទាំងនោះមានសុវត្ថិភាព អ្នកគួរតែមានកាបូបណាមានសោរចាក់។

៦ បង់ថ្លៃវ៉ាលីសលើសទម្ងន់

វាប្រសើរបើសិនអ្នកដឹងទម្ងន់គីឡូវ៉ាលីសមុនទៅដល់ព្រលានយន្តហោះ ពុំនោះទេអ្នកនឹងត្រូវគិតថាគួរតែបង់លុយថ្លៃលើសទម្ងន់ឫក៏រៀបចំសារជាថ្មី។ មួយវិញទៀតបើអ្នកមិនបានថ្លឹងមុន ក៏អាចថ្លឹងនៅព្រលានយន្តហោះក៏បាន។

៧ គេងយប់នៅព្រលានយន្តហោះ

នៅតាមព្រលានយន្តហោះភាគច្រើនមិនបានផ្តល់កន្លែងគេងពេលយប់មានផាសុកភាពឡើយ ក្រៅពីកៅអីនោះទេ។ បើមិនចង់គេងនៅលើកាបូបរបស់អ្នក គួរតែសិក្សាស្រាវជ្រាវព័ត៌មានពីតម្លៃនៅតាមកន្លែងចេញដំណើរព្រលានយន្តហោះនោះជាមុនសិន។

៨ មិនចូលចុះឈ្មោះតាមអុីនធើណេត

ក្រុមហ៊ុនអាកាសចរណ៍ជាច្រើនផ្តល់ឱកាសដើម្បីចូលចុះឈ្មោះតាមអ៊ីនធឺណិតពីព្រោះ វាមានអត្ថប្រយោជន៍ខាងសេដ្ឋកិច្ច ដូចជាមិនចាំបាច់ជួលបុគ្គលិកមកបម្រើសេវាកម្ម។

៩ គ្រប់គ្រងពេលវេលាខ្លួនឯងមិនបានល្អ

វាជាការល្អត្រូវទៅដល់ព្រលានយន្តហោះ ២ ទៅ ៣ ម៉ោងមុនចេញដំណើរ។ ទៅដល់មុនត្រូវចំណាយពេលអង្គុយចាំយូរ តែក៏ចៀសវាងការមកយឺតខកខានជើងហោះហើរដែរ។

១០ ភ្លេចពីវិធីទៅដល់ព្រលានយន្តហោះ

បើសិនអ្នកចង់ធ្វើដំណើរតាមមធ្យោបាយសារធារណគួរតែដឹងពីកាលវិភាគចៀសវាងការយឺត។ ផ្លូវពេលយប់មួយចំនួនមិនមានមធ្យោបាយឫត្រូវបានលុបចោល ក្នុងករណីអ្នកធ្វើដំណើរពេលល្ងាចត្រូវប្រុងប្រយ័ត្ន។

១១ ការដាក់ឯកសារនៅក្នុងកាបូបតូច

អ្នកខ្លះដាក់ឯកសារសំខាន់ៗនៅក្នុងកាបូបរបស់ពួកគេ ដូច្នេះវាផ្តល់ភាពងាយស្រួលព្រោះនៅក្បែរខ្លួន។ តែអ្នកគួរតែលិខិតឆ្លងដែនឫអត្តសញ្ញាណប័ណ្ណនៅក្នុងកាបូបធំបន្តិច ចៀសវាងការភ្លេចនៅហាងកាហ្វេ តាក់សុី ឯកន្លែងផ្សេងទៀត។

ចុចអានបន្ត៖

របៀបងូតទឹក អាចប្រាប់ពីបុគ្គលិកលក្ខណៈរបស់អ្នក

ពាក្យទាំង២២ ធ្វើឲ្យអ្នកក្រញាញ់ខួរ ជួនកាលច្រឡំម្តងៗ

ប្រភព៖ Brightside ប្រែសម្រួល៖ សុវណ្ណ ស្រីពីន