ឪពុកផ្តាំកូនស្រីថា កុំធ្វើរឿងទាំងអស់នេះឲ្យសោះពេលកូនមានស្វាមីឬសង្សារ
- 2019-06-20 03:50:10
- ចំនួនមតិ 0 | ចំនួនចែករំលែក 0
ឪពុកផ្តាំកូនស្រីថា កុំធ្វើរឿងទាំងអស់នេះឲ្យសោះពេលកូនមានស្វាមីឬសង្សារ
ពេលស្រលាញ់គ្នា ការទុកចិត្តគឺសំខាន់បំផុត។ មិនថាកូនស្រីស្រលាញ់គេខ្លាំងប៉ុណ្ណាក៏ដោយក៏មិនត្រូវភ្លេចខ្លួនធ្វើរឿងអស់នេះជាមួយគេឲ្យសោះ។
នៅពេលដែលមនុស្សពីរនាក់ជួបគ្នាហើយសម្រេចចិត្តថាស្រលាញ់គ្នា ពួកគេទាំងពីរនាក់ត្រូវត្រៀមខ្លួនក្នុងការរៀបចំនិងរក្សាទំនាក់ទំនងមួយនេះ។ ស្នេហាមួយអាចស្ថិតនៅជានិរន្តបានដោយពីររបៀប ទី១គឺអ្នកទាំងពីរចេះឲ្យតម្លៃគ្នា និងផ្ដល់សិទ្ធឲ្យគ្នាស្មើ ទី២វិញដោយសារតែមានភាគីម្ខាងតែងតែលះបង់ច្រើនជាង។ មិនថាអ្នកស្រលាញ់គេខ្លាំងប៉ុណ្ណា ជាពិសេសមនុស្សស្រីមិនត្រូវធ្វើរឿងទាំងនេះតាមដែលចិត្តស្រលាញ់គេនោះទេ៖
១. ផ្ញើរូបភាពស៊ីអារម្មណ៍ឲ្យគេមើល
ទោះបីនេះជារឿងដែលទាក់ទងនឹងអារម្មណ៍ តែមនុស្សស្រីគ្រប់គ្នាមិនមែនសុទ្ធតែស្រណុកចិត្តនឹងការធ្វើបែបនេះទេ។ ដោយសារតែមួយផ្នែកមកពីបុគ្គលិកសតិបញ្ញារបស់អ្នក ហើយមួយផ្នែកទៀតអ្នកខ្លាចរូបនោះបែកធ្លាយចេញទៅខាងក្រៅ។ បើសិនជាអ្នកមិនចង់ធ្វើបែបនេះ អ្នកគួរតែនិយាយត្រង់ៗ។ អ្នកជាមនុស្សតែមនុស្សតែម្នាក់គត់ដែលដឹងថាអ្វីដែលគួរធ្វើ និងអ្វីមិនគួរធ្វើក្នុងទំនាក់ទំនងមួយនេះ។
២. យកកូនតាមតម្រូវការរបស់គេ
កំហុសមួយទៀតដែលមនុស្សស្រីតែងតែធ្វើនៅពេលដែលស្រលាញ់គេខ្លាំងពេក គឺជាពពោះបង្កើតកូន។ មានការសន្មតពីរកើតឡើងនៅពេលដែលគូស្វាមីភរិយាមានកូន ទឹ១គឺដោយសារតែពួកគេនឹកគ្នា ហើយ១ទៀតគឺដោយសារតែការបង្ខំពីមនុស្សប្រុស ហើយរឿងនេះនឹងកើតឡើងដោយសារតែមនុស្សស្រីខ្វះការយល់ដឹង។ ការបង្កើតកូនគឺជារឿងសំខាន់ខ្លាំងណាស់ វាត្រូវតែកើតឡើងពីការពិភាក្សាគ្នា និងការសម្រេចចិត្តរវាងមនុស្សពីរនាក់។ មិនគួរបណ្ដោយឲ្យវាកើតឡើងដោយអចេតនាទេ ព្រោះវានឹងមានឥទ្ធិពលអាក្រក់ដោយទំនាក់ទំនងអ្នកទាំងពីរ។
៣. ធ្វើតាមអ្វីដែលគេចង់បានទាំងអស់
មនុស្សពីរនាក់ស្រលាញ់គ្នាត្រូវទទួលស្គាល់ទាំងចំណុចអាក្រក់និងល្អរបស់គ្នា។ ដូច្នេះមិនចាំបាច់ធ្វើតាមអ្វីដែលគេចង់ឲ្យធ្វើគ្រប់យ៉ាងនោះទេ។ ពេលដែលអ្នកមិនចូលចិត្តធ្វើក៏ប្រាប់គេទៅថាអ្នកមិនចូលចិត្ត។ បើសិនជាអ្នកព្រមធ្វើតាមអ្វីគ្រប់យ៉ាងតាមគេចង់ឲ្យអ្នកធ្វើ នោះស្នេហារបស់អ្នកនឹងធ្លាក់ក្នុងការគ្រប់គ្រងរបស់គេមិនខាន។
៤. ស្លៀកពាក់តម្រូវចិត្តគេ
មនុស្សម្នាក់ៗតែងតែមានសេរីភាពក្នុងការស្លៀកពាក់រៀងៗខ្លួន។ ហ្វេសសិនគឺប្រៀបដូចជាអំណាចរបស់មនុស្សស្រីអ៊ីចឹង។ បើសិនជាអ្នកស្លៀកពាក់តាមតែគេរើសឲ្យ នោះអ្នកនឹងបាត់បង់ស្ទីល និងអ្វីដែលជាខ្លួនឯង។ បើសិនគេពិតជាស្រលាញ់អ្នកមែន គេនឹងស្រលាញ់ទាងរូបរាងខាងក្រៅរបស់អ្នក។
៥. ផ្ដល់សិទ្ធិឲ្យគេជាអ្នកគ្រប់គ្រង់ទំនាក់ទំនង
ដំណើរការនៃស្នេហារបស់អ្នកលឿន ឬយឺត ស្ថិតក្នុងដំណាក់កាលបែបណា វាអាស្រ័យលើការចូលរួមរបស់អ្នកទាំងពីរ។ បើសិនជាអ្នកផ្ដល់សិទ្ធិឲ្យគេជាអ្នកចាត់ចែងក្នុងទំនាក់ទំនងមួយនេះ អ្នកនឹងបាត់បង់ស្វ័យភាព និងការគ្រប់គ្រងហើយនៅពេលស្រលាញ់គ្នា។ បើសិនជាមានបញ្ហាអ្វី អ្នកនឹងមិនអាចបន្ទោសនរណាម្នាក់បានឡើយ ដោយសារតែអ្នកគ្មានការគ្រប់គ្រង់លើស្នេហាមួយនេះ។ មិនថាស្នេហារបស់អ្នកជ្រាលជ្រៅកម្រិតណា នឹងរៀបការជាមួយគ្នាឬអត់ អ្នកត្រូវតែជាអ្នកគ្រប់គ្រង់លើរឿងទាំងអស់នេះ មិនមែនទុកឲ្យគេចាត់ចែងឡើយ។
៧. បណ្ដោយឲ្យគេជាអ្នកចាត់ចែងកាលវិភាគរបស់អ្នក
កំហុសមួយទៀតដែលមនុស្សស្រីចូលចិត្តធ្វើគឺ អនុញ្ញាតឲ្យមនុស្សប្រុសមកគ្រប់គ្រងចំណង់ចំណូលចិត្តរបស់ខ្លួនឯងបាន។ គេមិនចូលចិត្តឲ្យអ្នកចេញទៅក្រៅ មិនឲ្យអ្នកត្រលប់មកផ្ទះវិញក្រោយម៉ោង ៧ យប់ នៅមានរាប់លានរឿងទៀតដែលគេមិនចង់ឲ្យអ្នកធ្វើ តើអ្នកចង់បានបែបនេះមែនទេ? មិនថាអ្នកស្រលាញ់គេខ្លាំងប៉ុណ្ណា តែអ្នកនឹងនឿយហត់ពេលដែលរស់នៅជាមួយមនុស្សបែបនេះយូរៗទៅ៕
ចុចអាន៖