គ្មានអ្នកណាហ៊ាន Crush លើអ្នកទេ បើមានចំណុច ៥យ៉ាងនេះជាប់ខ្លួន
- 2019-06-11 09:00:00
- ចំនួនមតិ 0 | ចំនួនចែករំលែក 0
គ្មានអ្នកណាហ៊ាន Crush លើអ្នកទេ បើមានចំណុច ៥យ៉ាងនេះជាប់ខ្លួន
ទោះសម្រស់ស្អាតដូចតួកូរ៉េ យ៉ាងណាក៏ដោយតែបើមានចំណុច៥យ៉ាងនេះ ទោះបុរសនោះជាមនុស្សពូកែអត់ធ្មត់ប៉ុណ្ណា ក៏នៅតែលាដៃបាយបាយអ្នកដែរ។
១. ក្រចកដៃសុទ្ធតែដី
Crush ស្រាប់តែចង់កាន់ដៃអ្នក តែបើឃើញគ្រប់ក្រចកនៅម្រាមដៃអ្នកមួយណាក៏សុទ្ធតែដី ខ្មៅគគ្រិច អ្នកសាកស្រមៃទៅថា គេហ៊ានមានអារម្មណ៍ស្រលាញ់អ្នកដែរអត់?
២. ធុំក្លិនមាត់
ចង់ឲ្យទំនាក់ទំនងមួយស្អិតរមួតរលូនទៅមុខ លុះត្រាការសន្ទនាមានភាពជិតស្និទ្ធ។ ចុះបើគ្រាន់ហាមាត់ភ្លាម សាយភាយក្លិនអាក្រក់ទៅហើយ តើអ្នកណាអាចទ្រាំនិយាយជាមួយអ្នកបាន។ សូម្បី Crush ចង់ស្តាប់អ្នកនិយាយរឿងធម្មតាក៏គេពិបាកដែរ កុំថាឡើយរឿងស្នេហានោះ។
៣. ពូកែនិយាយដើមគេ
ទៅណាក៏មកវិញមានរឿងនិយាយ និយាយរិះគន់គេមិនឈប់ នេះជាចំណុចដែលគ្មានអ្នកណាចូលចិត្តនោះទេ។ មិនមែនតែ Crush ឡើយ សូម្បីមិត្តភ័ក្ដិអ្នកក៏គេមិនចូលចិត្តដូចគ្នានូវអត្តចរិតចេចចូចមិនចេះចប់បែបនេះ។
៤. មិនសម្អាតត្រចៀក
មិនអាចមើលរំលងបានឡើយ ព្រោះនៅពេលCrush ចាប់អារម្មណ៍លើអ្នក គេនឹងសង្កេតគ្រប់យ៉ាងពីអ្នកមិនឲ្យផុតពីកែវភ្នែកនោះទេ។ ជួនកាលគេឃើញអ្នកពាក់ក្រវិលស្អាត ហើយគេចង់សម្លឹងមើលវាបន្តិច តែពេលមើលហើយបែរជាឃើញក្នុងត្រចៀកអ្នកពេញដោយអាចម៍ត្រចៀក ទៅវិញ។ យ៉ាងហោចណាស់ គួរតែត្បារនិងសម្អាតត្រចៀកដើម្បីឲ្យកាន់តែមានទំនុកចិត្តខ្លាំងឡើង។
៥. ធុំក្លិនក្លៀក
នេះក៏ជារឿងសំខាន់ដូចគ្នាដែលនារីទាំងឡាយមិនគួរបណ្តោយខ្លួនឲ្យមានក្លិនក្លៀកពេលបែកញើសម្តងៗ។ វាមិនត្រឹមធ្វើឲ្យបាត់បង់សោភ័ណភាពនៃសម្រស់របស់នារី តែក៏បង្ហាញថាអ្នកគ្មានអនាម័យខ្លួន ទើបបានជាធុំក្លិនក្លៀកយ៉ាងនេះ។ ដូច្នេះ ពេលនៅជិត Crsuh អ្នកគួរលាបរ៉ូអន ឬបាញ់ទឹកអប់បន្តិចបន្តួចដើម្បីជាជំនួយកុំឲ្យសោកស្ដាយ៕
ចុចអាន៖ វិធីសម្របខ្លួនជាមួយ Ex ដោយជឿជាក់ ទោះធ្លាប់ឈឺចាប់រាប់ពាន់ដងដោយសារគេក៏ដោយ