ប្រភេទភេសជ្ជៈដែលកាន់តែផឹក កាន់តែគ្រោះថ្នាក់ដល់សុខភាពក្នុងខែក្តៅ

2019-05-21 05:20:00
ចំនួនមតិ 0 | ចំនួនចែករំលែក 0

ទឹកកក ទឹកក្រូច កាហ្វេ សុទ្ធតែជាប្រភេទភេសជ្ជៈមនុស្សជាច្រើនចូលចិត្ត តែប្រភេទទឹកទាំងនេះនឹងបង្ករឲ្យមានគ្រោះថ្នាក់ដល់សុខភាពប្រសិនបើផឹកច្រើនពេកនៅក្នុងរដូវក្ដៅ។

១. ផឹកទឹកកកជំនួសទឹកចម្រោះ

ក្រោយដើរក្រោមកម្ដៅថ្ងៃក្ដៅយូរ អ្នកប្រាកដជាឃ្លានចង់ញ៉ាំទឹកកកមួយកែវដើម្បីបន្សាបភាពក្ដៅស្អុះស្អាប់ទាំងឡាយ។ យ៉ាងណាក៏ដោយ នេះមិនមែនជាពេលស័ក្ដិសមដើម្បីផឹកទឹកកកឡើយ ហើយថែមទាំងបង្ករគ្រោះថ្នាក់ទៀតផង ព្រោះសីតុណ្ហភាពខុសគ្នាខ្លាំងពេកនឹងធ្វើឲ្យសរសៃឈាមក្នុងក្រពះ និងពោះវៀនរួញមកវិញ បណ្ដាលឲ្យឈឺក្រពះ និងចុកពោះខ្លាំង។

២. ទឹកក្រូចមានហ្គាស

មនុស្សជាច្រើនបានយល់ច្រឡំថា ផឹកទឹកក្រូចមានហ្គាសនឹងបំបាត់ភាពស្រេកទឹកឆាប់រហ័ស ប៉ុន្តែការពិតគឺផ្ទុយមកវិញទាំងស្រុង។ ទឹកក្រូចមានហ្គាសមានផ្ទុកសារជាតិកាហ្វេអ៊ីនច្រើន។ ជាតិនេះមិនត្រឹមតែដាស់អារម្មណ៍ បង្ករឲ្យញៀន និងធ្វើឲ្យបត់ជើងតូចច្រើន។ ដូចនេះហើយនៅពេលផឹកទឹកនេះច្រើន នឹងធ្វើឲ្យរាងកាយងាយបាត់បង់ជាតិទឹក និងថែមទាំងធ្វើឲ្យរាគបងដែរ។

៣. កាហ្វេ និងតែ

ទោះបីជាអ្នកផឹកកាហ្វេ និងតែប្រភេទណាក៏ដោយ និងទោះខាប់ ឬរាវក៏ដោយ គឺសុទ្ធតែធ្វើរាងកាយបាត់បង់ជាតិទឹកទាំងអស់។ ដើម្បីកាត់បន្ថយបញ្ហានេះ អ្នកជំនាញអាហារបានឲ្យដឹងថា អ្នកគួរផឹកនៅពេលព្រឹក ឬពេលល្ងាច ដែលសីតុណ្ហភាពបានធ្លាក់ចុះខ្លះហើយ ដើម្បីកុំឲ្យខូចសុខភាព។

៤. ទឹកប៉ូវកម្លាំង

ជាធម្មតា ទឹកប៉ូវកម្លាំងបានធ្វើឲ្យអ្នកជ្រួលច្របល់សតិអារម្មណ៍ គេងមិនលក់ កើនសម្ពាធឈាមរួចទៅហើយ យ៉ាងណាក៏ដោយ បើផឹកក្នុងខែក្ដៅ បញ្ហាខាងលើរឹតតែធ្ងន់លើសដើម ព្រោះភាពខុសគ្នារវាងពេលផឹក និងពេលចេញក្រៅខ្លាំងពេក ធ្វើឲ្យរាងកាយស៊ាំនឹងអាកាសធាតុមិនទាន់ អាចបណ្ដាលឲ្យវិលមុខ និងឈឺក្បាល៕

ប្រភព៖ bestie ប្រែសម្រួល៖ Caramel