របស់ ៥ យ៉ាងស្រីៗគួរតែមានក្នុងកាបូបជាប់ជានិច្ច

2019-04-04 01:55:00
ចំនួនមតិ 0 | ចំនួនចែករំលែក 0

ប្រុសៗច្បាស់ជាឆ្ងល់ហើយថារាល់ថ្ងៃឃើញតែស្រីៗយូរកាបូបចុះឡើងៗ ទៅណាមួយជំហានអត់កាបូបអត់បាន មិនដឹងថាក្នុងកាបូបហ្នឹងមានអីគេខ្លះបានខំប្រឹងយួរម្ល៉េះ។ មិនថាក្នុងនោះមានរបស់អ្វីទេ ប៉ុន្តែស្រីយើងសម័យនេះហើយគួរមានរបស់ ៥ យ៉ាងដាក់តាមកាបូប ព្រោះវាសុទ្ធតែជារបស់មានប្រយោជន៍។ ចង់ដឹងថាមានរបស់អីខ្លះមកមើលខាងក្រោមទាំងអស់គ្នា៖

១. ក្រែមរលោង

មនុស្សស្រីមិនអាចរស់នៅដោយខ្វះក្រែមនេះបានទេ ព្រោះវាជួយផ្ដល់សំណើមដល់មាត់។ វាក៏អាចប្រើសម្រាប់អត្ថប្រយោជន៍ផ្សេងទៀតដែរ ដូចជាដាក់ Highlight នៅលើឆ្អឹងថ្ពាល់ និងអាចប្រើនៅពេលរ៉ូតគាំង និយាយរួមទៅវាមានប្រយោជន៍ណាស់។

២. ក្រដាសសើម

របស់ទី២នេះមិនអាចខ្វះបានទេ ជាពិសេសខែក្ដៅអីហ្នឹងដឹងតែអត់អត់មិនបានហើយ។ ជាពិសេសពេលចូលបន្ទប់ទឹកបើមានដាច់ទឹកអីអាចយកវាប្រើការជំនួសសិនបាន។អាចនិយាយបានថាវាជួយសង្គ្រោះជីវិតយើងបាន។

៣. ក្រែមពណ៌ដិតៗ

ក្រែមប្រភេទនេះពិសេសត្រង់ថាវាប្រើលាបមាត់ ពណ៌ភ្នែក និងថ្ពាល់ក៏បាន វាពិតជាមានតម្លៃណាស់សម្រាប់ស្រីៗ។ ថែមទាំងមើលទៅឃើញស្អាតខ្លាំងនៅពេលបបូរមាត់ ថ្ពាល់ និងភ្នែកមានពណ៌ដូចគ្នា។

៤. ទឹកបរិសុទ្ធសម្រាប់បាញ់មុខ

របស់នេះក៏សំខាន់ខ្លាំងដែរព្រោះតែវាជួយថែរក្សា Make up របស់យើងឲ្យនៅជាប់បានយូរ ធ្វើឲ្យស្បែកទន់ និងមានសំណើម។ លើសពីនេះក៏ធ្វើឲ្យមុខមានពន្លឺ និងត្រជាក់។ អ្នកគួរតែទិញដបទំហំតូច១សម្រាប់ទុកដាក់តាមកាបូប។

៥. ខ្សែចងសក់

ខ្សែចងសក់ប្រភេទនេះងាយស្រួលចងហើយមិនធ្វើឲ្យបាក់សក់ទៀត។ បើមានដាក់តាមខ្លួនគឺល្អហ្មង ព្រោះថាពេលក្ដៅអីគ្រាន់តែលើកសក់ចងឡើងបន្តិចទៅជាការស្រេច លើសពីនេះបានសក់មួយម៉ូតថ្មីទៀត៕

ចុចអាន៖ អាថ៌កំបាំង ៧ យ៉ាងរបស់នារីកូរ៉េធ្វើឲ្យស្បែកមុខស្អាត និងក្មេងជាងវ័យ

ប្រភព៖ Spiceee ប្រែសម្រួល៖ ឃួន សុលីកា