តៅហ៊ូមានតម្លៃថោក ងាយរកទិញ តែមានប្រយោជន៍ចំពោះសុខភាពច្រើនហួសស្មាន
- 2019-03-25 07:43:37
- ចំនួនមតិ 0 | ចំនួនចែករំលែក 0
តៅហ៊ូមានតម្លៃថោក ងាយរកទិញ តែមានប្រយោជន៍ចំពោះសុខភាពច្រើនហួសស្មាន
តៅហ៊ូត្រូវបានផលិតចេញពីសណ្ដែកសៀងដោយវិធីបង្កក ឬធ្វើឱ្យរឹង ប៉ុន្តែគ្មានការប្រើម្សៅស្អិតដូចដែលឃើញឡើយ។ វាជាអាហារដែលមានកម្រិតកាឡូរីទាប គ្មានខូលេស្តេរ៉ូល និងសម្បូរទៅដោយជាតិដែក និងកាល់ស្យូមដែលល្អបំផុតសម្រាប់សុខភាព។
លើសពីនេះទៅទៀត បរិមាណកាបូហាយដ្រាតដែលមាននៅក្នុងតៅហ៊ូមានកម្រិតទាប ហេតុនេះហើយវាគឺជាអាហារូបត្ថម្ភដ៏ស័ក្ដិសមបំផុតសម្រាប់អ្នកកើតជំងឺទឹកនោមផ្អែម អ្នកធាត់ជ្រុល ដុះក្បាលពោះ និងជាអាហារថ្នាំសម្រាប់នារីៗទៀតផង។
ចុចអាន៖ ជៀសបានជៀសទៅ! អាហារ ៥ ប្រភេទនេះស្រីៗមិនគួរញ៉ាំទេពេលមករដូវ
អាហារដែលគួរញ៉ាំគូជាមួយតៅហ៊ូដើម្បីបានសារប្រយោជន៍កាន់តែលើសលប់
តៅហ៊ូ+ ទឹកដោះគោ = សារធាតុបំប៉នទ្វេដង
ការញ៉ាំអាហារទាំងពីរមុខបញ្ចូលគ្នាគឺដូចជាការផ្សំគ្នារវាងប្រូតេអ៊ីនពីរុក្ខជាតិ និងប្រូតេអ៊ីនពីសត្វដូច្នោះដែរ។ នៅពេលអ្នកញ៉ាំតៅហ៊ូ ហើយផឹកទឹកដោះគោក្នុងពេលតែមួយ បានន័យថាអ្នកនឹងទទួលបានសារធាតុចិញ្ចឹមទ្វេដងទៅដល់រាងកាយ ដែលល្អសម្រាប់ការលូតលាស់។
តៅហ៊ូ +ចេក = សម្រួលការបន្ទោរបង់
ផ្លែចេកសម្បូរទៅដោយជាតិប៉ូតាស្យូម និងម៉ាញេស្យូម ចំណែកតៅហ៊ូសម្បូរទៅដោយជាតិកាល់ស្យូម។ ហេតុនេះហើយសម្រាប់អ្នកដែលមានបញ្ហាទល់លាមក ពិបាកបន្ទោរបង់ ជាពិសេសសម្រាប់មនុស្សវ័យកណ្ដាល និងវ័យចំណាស់ដែលមានប្រព័ន្ធរំលាយអាហារចុះខ្សោយ គួរសាកល្បងញ៉ាំផ្លែចេកផ្គួបជាមួយតៅហ៊ូដើម្បីសម្រួលដំណើរការពោះវៀនឱ្យមានកម្លាំងរុញកាកសំណល់ចេញមកក្រៅ និងទប់ស្កាត់អាការទល់លាមក។
តៅហ៊ូ+ ស៊ុតលឿង = បង្កើនសមត្ថភាពស្រូបយកកាល់ស្យូម
ដូចដឹងស្រាប់ហើយ តៅហ៊ូសម្បូរជាតិកាល់ស្យូម ហើយស៊ុតលឿងសម្បូរដោយវីតាមីន D ដែលវីតាមីន D នេះជួយសម្រួលការស្រូបយកជាតិកាល់ស្យូមកាន់តែបានល្អ។ ដូច្នេះការញ៉ាំរបស់ទាំងពីរជាមួយគ្នាគឺជាជម្រើសដ៏ល្អ។
ចុចអាន៖ ទំពាំងញ៉ាំឆ្ងាញ់មែន តែបើចំអិនមិនត្រូវវិធី អាចនាំឲ្យពុលដល់ស្លាប់បាន
តៅហ៊ូ +សារ៉ាយ = ពន្យារភាពចាស់ សម្រួលចរន្តឈាម
សារ៉ាយសមុទ្រមានសារធាតុចិញ្ចឹមជាច្រើនដូចជា ប៉ូតាស្យូម អ៊ីយ៉ូដ និងមានសមត្ថភាពទប់ស្កាត់ការដែលនាំឱ្យសរសៃឡើងរឹង ជួយបញ្ចុះសម្ពាធឈាម និងមានជាតិកាកសរសៃដ៏ច្រើនក្រៃលែងសម្រាប់ជួយពន្យារកម្រិតជាតិស្ករក្នុងឈាមមិនឱ្យរត់លឿន។
តាមការសិក្សាបានឱ្យដឹងថា ការយកតៅហ៊ូ និងសារ៉ាយសមុទ្រទៅធ្វើម្ហូបចូលគ្នាអាចជួយឱ្យអ្នកញ៉ាំគ្រប់គ្រងសម្ពាធឈាម កម្រិតជាតិស្ករក្នុងឈាមបានស្រួល ដែលល្អសម្រាប់មនុស្សវ័យកណ្ដាល និងវ័យចំណាស់។
តៅហ៊ូ + បន្លែបៃតង = បង្កើនសមត្ថភាពប្រឆាំងអុកស៊ីតកម្ម
សារធាតុបំប៉នក្នុងតៅហ៊ូ និងក្នុងបន្លែបៃតងគឺលើសលប់ដូចគ្នា។ ការយករបស់ទាំងពីរមុខនេះមកធ្វើម្ហូបអាចជួយបង្កើនកម្រិតជាតិកាកសរសៃដើម្បីសម្រួលដល់ប្រព័ន្ធរំលាយអាហារ និងប្រឆាំងអុកស៊ីតកម្មការពាររាងកាយ ទប់ស្កាត់ភាពចាស់បានទៀតផង។
ចុចអាន៖ អាហារ៥យ៉ាងមិនគួរកម្ដៅញ៉ាំឡើងវិញ ព្រោះអាចបង្កគ្រោះថ្នាក់ធ្ងន់!
តៅហ៊ូ +ខ្ទឹមស = សម្រកទម្ងន់ កាត់ជាតិខ្លាញ់
នេះជាវិធីដែលរកឃើញថាមានប្រសិទ្ធភាពខ្ពស់ ជាពិសេសសម្រាប់អ្នកធាត់ៗចង់សម្រកទម្ងន់។ ជំនួសឱ្យការញ៉ាំតៅហ៊ូស្ងោរ អ្នកអាចងាកមកចៀនហើយបន្ថែមខ្ទឹមលីងឈ្ងុញៗដាក់ពីដើម្បីកាន់តែមានប្រសិទ្ធភាព។ បើអ្នកបារម្ភពីការឡើងគីឡូដោយសារការញ៉ាំតៅហ៊ូដែលសម្បូរប្រូតេអ៊ីនច្រើននោះ ខ្ទឹមសនឹងអាចជួយមិនឱ្យអ្នកធាត់លើសគីឡូ និងសម្រកខ្លាញ់បាន។
ចុចអាន៖ វិធីសាស្រ្តការពារជំងឺមហារីក ដែលអ្នកគួរយកចិត្តទុកដាក់បំផុត
គុណប្រយោជន៍រួមរបស់តៅហ៊ូ
-ការពារជំងឺបេះដូង
-ការពារជំងឺមហារីកពោះវៀន និងក្រពេញប្រូស្តាត (សម្រាប់បុរសៗ)
-កាត់បន្ថយកម្រិតជាតិស្ករក្នុងឈាមសម្រាប់អ្នកកើតជំងឺទឹកនោមផ្អែម
-ការពារការជ្រុះសក់
-ទប់ស្កាត់ភាពចាស់ជាងវ័យ
-ជំនួយឆ្អឹង ជាពិសេសសម្រាប់ស្ត្រីស្ថិតក្នុងវ័យអស់រដូវ
ផលវិបាកនៃការញ៉ាំតៅហ៊ូច្រើនជ្រុល
ជំងឺមហារីកសុដន់៖
នៅមិនទាន់មានការបញ្ជាក់ឱ្យច្បាស់លាស់នៅឡើយ ព្រោះការសិក្សាខ្លះអះអាងថា តៅហ៊ូអាចជួយទប់ស្កាត់ជំងឺនេះ តែការសិក្សាខ្លះបែរជាថាវាអាចបណ្ដាលឱ្យស្ត្រីទៅជាកើតជំងឺនេះទៅវិញ)
បង្កបញ្ហាអសមត្ថភាពផ្លូវភេទសម្រាប់បុរស៖
តាមអ្នកឯកទេសផ្នែកអាហារូបត្ថម្ភជនជាតិឥណ្ឌាឈ្មោះថា Neha Sanwalka បានអះអាងថា ការញ៉ាំតៅហ៊ូច្រើនពេក ជាពិសេសសម្រាប់បុរសអាចបណ្ដាលឱ្យទៅជាអសមត្ថភាពផ្លូវភេទ កាត់បន្ថយចំណង់ បរិមាណទឹកកាមក៏មានការថយចុះ។
កើតទៅជាក្រួសតម្រងនោម៖
តាមការស្រាវជ្រាវរបស់សារព័ត៌មានចុះផ្សាយពីកសិកម្ម និងគីមីចំណីអាហាររបស់សហរដ្ឋអាមេរិកបានឱ្យដឹងថា នៅក្នុងតៅហ៊ូមានសារធាតុអុកសាឡាត (Oxalate) ដែលអាចវិវត្តទៅជាក្រួសក្នុងតម្រងនោម។ កាលណា អុកសាឡាតចូលទៅក្នុងទឹកនោម ហើយផ្ដុំជាមួយជាតិកាល់ស្យូម វានឹងមិនរលាយដូចសារធាតុផ្សេង ដែលនាំបញ្ហាដល់តម្រងនោម៕