ទំពាំងញ៉ាំឆ្ងាញ់មែន តែបើចំអិនមិនត្រូវវិធី អាចនាំឲ្យពុលដល់ស្លាប់បាន

2019-01-17 03:01:39
ចំនួនមតិ 0 | ចំនួនចែករំលែក 0

អាចនិយាយបានថា ទំពាំងគឺជាមុខបន្លែដែលតែងមានវត្តមានជានិច្ចនៅក្នុងជីវភាពប្រចាំថ្ងៃរបស់យើង។ ទោះបីជាឆ្ងាញ់ តែមុខម្ហូបនេះក៏ផ្ទុកទៅដោយហានិភ័យមិនតិចដែរ បើចំអិនមិនត្រឹមត្រូវ។ យោងតាមការពិសោធន៍ ទំពាំងមានផលប្រយោជន៍ជាច្រើនដល់សុខភាពដូចជា canxi ជាតិដែក ប្រតេអ៊ីន អាស៊ីតអាមីន វីតាមីនបេ១ បេ២ និងវីតាមីនស៊ីជាដើម។ យ៉ាណាក្ដី ទន្ទឹមនឹងផលប្រយោជន៍ ទំពាំងក៏មានផ្ទុកជាតិពុលមិនគួរឲ្យជឿដូចគ្នា។

សារជាតិពុលបំផុតនៅក្នុងទំពាំងគឺ axit cyanhydric ដែលពុលខ្លាំងចំពោះរាងកាយ។ សម្រាប់ទំពាំងមិនទាន់ឆ្អិន ក្នុង ១០០ ក្រាម មានសារជាតិខាងលើ ៣៨ មីលីក្រាម។ នៅពេលដែលត្រូវស្ងោរឆ្អិនដល់កម្រិតនោះ វានឹងធ្លាក់ចុះសល់៣ មីលីក្រាម។ សម្រាប់ទំពាំងជ្រក់គឺមាន ២,២ មីលីក្រាម។

ប្រសិនបើមនុស្សពេញវ័យទទួលទានចំនួន axit cyanhydric ៥០-៦០ មីលីក្រាម (ទំពាំងខ្ចី ២ ខាំ) នោះ នឹងអាចនាំឲ្យស្លាប់បាន ដោយអ្នកញ៉ាំនឹងចាប់ផ្ដើមពិបាកដកដង្ហើម មើលលែងឃើញ ខ្លួនប្រកាច់កន្ត្រាក់ និងក៏លែងដកដង្ហើម។

ដើម្បីទទួលទានទំពាំងដោយគ្មានក្ដីព្រួយបារម្ភនោះ យើងអាចអនុវត្តតាមវិធីខាងក្រោម៖

១.ទំពាំងបកសំបកអស់ ត្រូវហាន់ឲ្យស្ដើង ឬជាសរសៃហើយត្រាំទឹកដាច់យប់ ឲ្យជាតិពុលចេញអស់ ទើបយកមកធ្វើម្ហូប។

២.ទំពាំងខ្ចីយកមកបកសំបកហើយស្ងោរពី ២ ទៅ ៣ ដង ឬរហូតដល់ពេលណាអស់ជាតិល្វីងមានន័យថា អស់ជាតិពុល ទើបចំអិនអាហារបាន។

៣.ទំពាំងខ្ចីទិញមក បកសំបកឲ្យស្អាត តម្រៀបក្នុងឆ្នាំងជាមួយទឹកលាងអង្ករ ហើយហាន់ម្ទេសដាក់ចូល។ ស្ងោរលើភ្លើងល្មមរហូតដល់ត្រពាំងទន់ ហើយលែងល្វីងទៀត គឺអាចទទួលទានបាន។

៤.កំឡុងពេលស្ងោរទំពាំង ឬត្រាំទំពាំង ត្រូវតែបើកគំរបឆ្នាំ ឲ្យជាតិពុលចេញអស់ បើមិនដូច្នោះទេ ជាតិពុលនឹងជ្រាបចូលត្រពាំងវិញ។

ចុចអាន៖មកដឹងរបបអាហារដែលគួរញ៉ាំឱ្យត្រូវតាមប្រភេទឈាម

ប្រភព៖ Phunutoday អត្ថបទ៖Caramel