រូបមន្តដំឡូងបារាំង និងទឹកឃ្មុំ ជួយស្បែកមុខឲ្យសជាងមុន២លេខ ក្រោយធ្វើមួយសប្ដាហ៍

2019-03-18 07:00:00
ចំនួនមតិ 0 | ចំនួនចែករំលែក 0

ទឹកឃ្មុំ និងដំឡូងបារាំងសុទ្ធសឹងតែគ្រឿងផ្សំដែលធ្វើឲ្យស្បែកមុខម៉ដ្ឋទន់រលោងទាំងអស់។ បើគ្រឿងផ្សំទាំង២នេះលាយចូលវិញ គឺថាលទ្ធផលគួរជាទីគាប់ចិត្តតែម្ដង។ សម្រាប់អ្នកមានស្បែកស្រអាប់មិនភ្លឺ អាចសាករូបមន្តខាងក្រោមនេះបាន។ ទឹកឃ្មុំគឺជាគ្រឿងផ្សំដែលគេតែងប្រទះឃើញនៅក្នុងគ្រឿងសម្អាងជាច្រើនប្រភេទ មិនថាមានតម្លៃថោក ឬថ្លៃ។ ដោយសារតែសារប្រយោជន៍ជាច្រើនរាប់មិនអស់ ទឹកឃ្មុំត្រូវបានគេប្រើប្រាស់សម្រាប់ថែរក្សាសម្រស់តាំងពីយូរឆ្នាំមុន មកដល់បច្ចុប្បន្ន ហើយប្រសិនបើទឹកឃ្មុំគួបផ្សំនឹងដំឡូងបារាំង នឹងជួយជំនួយដល់ស្បែកមុខជាច្រើនយ៉ាងដូចជា ជួយឲ្យស្បែកភ្លឺជាងមុន កាត់បន្ថយភាពគ្រើម និងស្នាមជ្រួញជាដើម។

រូបតំណាង

**វិធីធ្វើម៉ាសបិទមុខដំឡូងបារាំង**

គ្រឿងផ្សំ៖

-ដំឡូងបារាំងធំល្មមមួយផ្លែ

-ទឹកឃ្មុំ២៥មីលីលីត្រ

-ទឹកដោះស្រស់អត់ជាតិស្ករ ៥០ មីលីត្រ

វិធីធ្វើ៖

+ដំឡូងបារាំងក្រោយពេលចិតសំបកអស់ យកទៅចំហុយ ឬស្ងោរឲ្យឆ្អិន។ រួចហើយយកស្លាបព្រាមកកិនរហូតដល់ពេលដំឡូងម៉ដ្ឋល្អ។ បន្ទាប់មកដាក់ដំឡូង ទឹកឃ្មុំ និងដោះគោចូលម៉ាស៊ីនទឹកក្រឡុក ឬយកស្លាបព្រាវាយឲ្យសព្វ។ ក្រោយមកលាងមុខនឹងទឹកក្ដៅតិចៗឲ្យស្អាត ជូនឲ្យស្ងួត ហើយបិទរូបមន្តនេះក្នុងរយៈពេល ១៥ នាទី។ ចំណែកដែលនៅសល់អាចរក្សាទុកក្នុងទូទឹកកកដើម្បីប្រើបន្ត។ ប្រើជារៀងរាល់ថ្ងៃ ស្បែកមុខនឹងភ្លឺជាងមុនគួរកត់សម្គាល់ក្នុងរយៈពេលត្រឹម១សប្ដាហ៍។