មេរៀនគ្មានបង្រៀននៅសាលា ទាល់តែចូលសង្គម បាត់លុយ បាត់មិត្តទើបចេះ
- 2019-03-11 07:30:00
- ចំនួនមតិ 0 | ចំនួនចែករំលែក 0
មេរៀនគ្មានបង្រៀននៅសាលា ទាល់តែចូលសង្គម បាត់លុយ បាត់មិត្តទើបចេះ
មានមេរៀនជីវិតខ្លះ ទោះអ្នករៀនខ្ពស់ដល់ថ្នាក់មហាវិទ្យាល័យក៏មិនប្រាកដថាចេះ ទាល់តែប្រឡូកចូលសង្គម បាត់បង់របស់ជាច្រើនទើបដកពិសោធន៍ខ្លួនឯងបាន។
កាលនៅរៀន អ្នកណាក៏ខ្លាច កិច្ចការផ្ទះ កិច្ចការសាលា កិច្ចការក្រុម និងប្រលងសងជាច្រើនមុខ ហើយតែងរអ៊ូឲ្យរៀនឆាប់ចប់ អាចបានចូលធ្វើការ។ តែអ្នកច្រឡំធំហើយ ថ្ងៃដែលអ្នកចេញពីសាលា ហើយឈានជើងចូលជីវិតរបស់អ្នកធ្វើការនោះ អ្នកបានដឹងថា ជាក្ដីលំបាកពិតប្រាកដ។ នោះគឺជាពេលដែល រាល់ចំណេះដែលអ្នកធ្លាប់រៀន អាចនឹងគ្មានប្រសិទ្ធភាពក្នុងការជួយអ្នក។
ខាងក្រោមនេះគឺជាភាពជាក់ស្ដែងដែលអ្នកនឹងជួបក្នុងមេរៀនជីវិត ដែលនៅសាលាគ្មានអ្នកបានបង្រៀនអ្នកសូម្បីបន្តិច៖
១. ចេញធ្វើការ ពូកែជំនាញតែម្យ៉ាង មិនប្រាកដថាបានការនោះឡើយ។
២. ទាន់នៅក្មេង ត្រូវព្យាយាមឲ្យអស់ពីសមត្ថភាព ទើបពិបាកមុនស្រណុកក្រោយ។ បើមិនដូចនោះទេ ប្រាកដជាពិបាកមុន វេទនាក្រោយហើយ។
៣. រស់នៅស្មោះត្រង់ពេក ក៏មិនប្រាកដថាល្អដែរ ព្រោះបើពស់ត្រង់ វាប្រាកដជាស្លាប់ក្នុងដៃសត្វដទៃមិនខាន។
៤. ចេញប្រឡូកក្នុងសង្គម ជួបអ្នកណាក៏ដោយ ជឿគេតែ ៥០ % គឺគ្រប់គ្រាន់ហើយ។
៥. ប្រសិនបើអ្នកកំពុងតែមិនខ្វល់ពីបញ្ហាលុយកាក់ក្នុងគ្រួសារនោះ គឺកំពុងមានអ្នកខ្វល់ជំនួសអ្នកហើយ។
៦. នៅចំពោះមុខគេ ត្រូវធ្វើឲ្យរឹងមាំបំផុត មកដល់ផ្ទះវិញ ដណ្ដប់ភួយយំក៏បាន។
៧. អ្វីដែលអ្នកកំពុងភ័យខ្លាចនៅថ្ងៃនេះ ថ្ងៃក្រោយក្រឡេកមើលមកវិញគឺមិនមែនជាអ្វីទាំងអស់។
៨. ពិន្ទុដ៏សែនខ្ពស់នៅក្នុងសាលានោះ គឺមិនអាចធ្វើជាបន្ទាត់វាស់បានអ្វីទាំងអស់នៅក្នុងសង្គម។
៩. ចូលធ្វើការហើយ ទោះបីជាឈឺជិតស្លាប់ក៏ត្រូវរាយការណ៍ប្រាប់គេដែរ ដូចនេះកុំរអ៊ូថាទៅរៀនពិបាក៕
ចុចអាន៖៣ ចំណុចដែលមិនគួរយកដាក់ខ្លួន ដើម្បីឲ្យជីវិតបានធូរស្រាលបន្តិចម្ដងៗ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
