កូនភ្លោះចែករំលែកវិធីសម្រកទម្ងន់១៧គីឡូ ត្រឹមរយៈពេល៨ខែ

2019-03-07 01:30:00
ចំនួនមតិ 0 | ចំនួនចែករំលែក 0

សម្រាប់អ្នកដែលកំណត់គោលដៅចង់ស្រកគីឡូក្នុងឆ្នាំនេះ អាចធ្វើតាមវិធីសាស្រ្តដែលបានចែករំលែកដោយកូនភ្លោះពីររូប។ ពួកគេទាំងពីរធ្លាប់មានទម្ងន់ដល់ទៅជិត៧០គីឡូ ហើយស្រកមកសល់ត្រឹម ៥២-៥៣។ បើគិតទៅ គឺស្រកខ្ទង់១៧គីឡូ ក្នុងរយៈពេល៨ខែ។

មុនចូលដល់គន្លឹះសម្រក មកដឹងពីប្រវត្តិខ្លីៗរបស់ពួកគេបន្តិចសិន

កូនភ្លោះពីររូបនេះ កាលនៅពីក្មេងមិនមែនជាមនុស្សធាត់ទេ ប៉ុន្តែដោយសារមានទម្លាប់ញ៉ាំច្រើនពេក ដូចជាចូលចិត្តទៅញ៉ាំអាហារបុហ្វ៊េ សាច់ជ្រូក នំកញ្ចប់ និងផឹកតែគជ់ដល់ទៅពីរកែវក្នុងមួយថ្ងៃ ទើបធ្វើឲ្យពួកគេឡើងគីឡូគួរឲ្យកត់សម្គាល់ ជាពិសេសចង់ស្លៀកពាក់ខោអាវដែលខ្លួនស្រលាញ់ក៏មិនកើត។

យ៉ាងក៏ដោយ កូនភ្លោះនៅតែមិនសង្ឃឹមព្រមទាំងជឿជាក់យ៉ាងមុតមាំថា ដរាបណាពូកគេតាំងចិត្ត គេនឹងអាចស្គមវិញមិនខាន ។

ការជ្រើសរើសរបបអាហារ

កូនភ្លោះកាត់បន្ថយសឹងទាំងអស់ នូវអាហារណាដែលមានរសជាតិផ្អែម អាហារបំពង ប្រៃ Fast Foodនិងមិនប្រើប៊ីចេង។ ជំនួសមកវិញ ដោយការញ៉ាំបន្លែផ្លែឈើ ផឹកទឹកប្រហែល៣លីត្រក្នុងមួយថ្ងៃ និងញ៉ាំអាហារ៣ពេល ក្នុងបរិមាណឆ្អែតល្មម។ ក្នុងអំឡុងពេល៥ខែដំបូង អ្នកទាំងពីរប្រើវិធីនេះ ដោយផ្អែកលើរបបអាហារ៨០% និងលំហាត់ប្រាណត្រឹម២០%ប៉ុណ្ណោះ។ ការតមអាហារពិតជាសំខាន់ខ្លាំងណាស់ ដើម្បីសម្រេចបានគីឡូដែលខ្លួនប្រាថ្នា និងមិនប៉ះពាល់ដល់សុខភាពផងដែរ។