អាហារប៉ូវបេះដូង ៧ ប្រភេទ អ្នកឧស្សាហ៍ស្រ្តេសកុំមើលរំលងឲ្យសោះ
- 2019-03-04 11:00:00
- ចំនួនមតិ 0 | ចំនួនចែករំលែក 0
អាហារប៉ូវបេះដូង ៧ ប្រភេទ អ្នកឧស្សាហ៍ស្រ្តេសកុំមើលរំលងឲ្យសោះ
សព្វថ្ងៃនេះ មានកត្តាច្រើនយ៉ាងណាស់ ដែលបណ្ដាលឲ្យមនុស្សយើងកើតស្រ្តេសពិបាកស្រោចស្រង់ឡើងវិញ។ កាលណាដែលឱបទុក្ខច្រើនពេក អ្នកនឹងទ្រុឌទ្រោមទាំងផ្លូវចិត្ត និងផ្លូវកាយ ជាពិសេសសុខភាពបេះដូងតែម្តង។ បើអ្នកចង់រកដំណោះស្រាយ ដោយរបបអាហារ កុំភ្លេចរបស់ ៧ ប្រភេទនេះ។
១. បាយអង្គរសម្រូប ឬនំប៉័ងស្រូវសាឡី
វាមានសារធាតុកាបូនអ៊ីដ្រាត ជួយបង្កើនថាមពលដល់រាងកាយ ធ្វើឲ្យខួរក្បាលមានដំណើរការល្អ និងកាត់បន្ថយភាពតានតឹងផងដែរ។
២. ផ្លែបឺរ
ផ្លែបឺរសម្បូរ វីតាមីនB9 ការពារអ្នកមិនឲ្យឆាប់អស់កម្លាំង សម្រួលដល់រាងកាយ និងបន្ថយស្ត្រេស។
៣. ប្រេងចម្រាញ់ពីត្រី
វាមានសារធាតុអូមេហ្កា៣ អាស៊ីតធាត់ដែលអាចជួយសម្រួលដល់ដំណើរការខួរក្បាល។ ជាពិសេស អាចធ្វើឲ្យអារម្មណ៍ស្រស់ស្រាយឡើងវិញ។
៤. ផ្លែឈើ និងគ្រាប់ធញ្ញជាតិ
ផ្លែឈើ និងគ្រាប់ធញ្ញជាតិគ្រប់ប្រភេទ ដែលមានសារធាតុប្រឆាំងអុកស៊ីតកម្មសុទ្ធតែដើរតួនាទីយ៉ាងសំខាន់ ក្នុងការបណ្ដេញជាតិពុលអាក្រក់ៗចេញពីក្នុងរាងកាយ។
៥. ទឹកដោះគោ និងពងមាន់ក្រហម
អាចជួយផ្តល់ថាមពលដល់ខួរក្បាលនិងធ្វើឲ្យរាងកាយមានកម្លាំងឡើងវិញបានយ៉ាងមានប្រសិទ្ធភាព ដោយសារវាមានវីតាមីនBខ្ពស់។
៦. ផ្លែឈើមានជាតិជូរ
ផ្លែឈើមានជាតិជូរ សម្បូរកាល់ស្យូម ប៉ូតាស្យូម វីតាមីនC និងA ដែលអាចជួយកាត់បន្ថយភាពតានតឹង ធ្វើឲ្យអារម្មណ៍ភ្លឺថ្លាភ្លាមៗ។
៧. ឪឡឹក
គឺជាផ្លែឈើ ដែលមានជាតិត្រជាក់ និង អាគីនីន (arginine) អាចជួយសម្រួលដល់សរសៃឈាម និងធ្វើឲ្យអ្នកស្រស់ស្រាយគ្រប់ពេលវេលា។
ពេលណាដែលកើតទុក្ខស្រ្តេសខ្លាំង គិតអីមិនចេញ ភ្លេចធ្វើអ្វីបាន តែកុំភ្លេចញ៉ាំឲ្យសោះ ព្រោះដើម្បីការពារនិងសង្រ្គោះខ្លួនឯង មិនឲ្យលេចលង់កាន់តែជ្រៅទៅៗ៕
ចុចអានបន្ត៖ មកដឹងពីរោគសញ្ញាជំងឺមហារីកមាត់ស្បូន និងរបៀបព្យាបាលតាមដំណាក់កាល
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
