ត្រូវតែជឿជាក់លើខ្លួនឯងថា អាចរកសុភមង្គលជូនខ្លួនឯងបានពិតមែន

2018-11-27 09:15:50
ចំនួនមតិ 0 | ចំនួនចែករំលែក 0

សុភមង្គលអ្នក មិនត្រូវពឹងលើអ្នកដទៃជាអ្នកផ្ដល់ឲ្យឡើយ។ អ្នកគួរតែចេះស្វែងរកវាមកឲ្យខ្លួនឯង ព្រោះអ្នកផ្សេងមិនអាចគិតគូរពីអ្នកបានសព្វគ្រប់ទេ។ ការស្វែងរកភាពសុខសាន្តជូនខ្លួនឯងគឺជារឿងដែលសំខាន់បំផុត។

១.កុំបោះបង់ដំណើរកម្សាន្តទៅកន្លែងដែលខ្លួនចង់ ព្រោះគ្មានអ្នកជូន។ គ្មានអ្នកជូនទៅ អ្នកអាចទៅម្នាក់ឯងបាន ទៅសោយសុខភាពស្រស់ថ្លានៅកន្លែងនោះ។

២.កុំខ្លាចគ្មានអ្នកកំដរញ៉ាំអី ព្រោះអ្នកអាចញ៉ាំម្នាក់ឯងបាន ហើយមិនចាំបាច់ទៅហត់នឿយចាំមើលទឹកមុខគេឡើយ។ ការបានញ៉ាំអាហារដែលខ្លួនចង់បាន គឺជាមានក្ដីសុខបំផុត។

៣.កុំបាច់ទៅប្រឹងយកចិត្តគេ ព្រោះអ្នកគួរតែយកពេលមកលួងលោមចិត្តខ្លួនឯងឲ្យបានស្បើយពីទុក្ខកង្វល់វិញទើបជាការល្អ។

៤.កុំយកពេលទៅខ្វល់ពីរឿងអ្នកដទៃ តែគួរយកពេលទាំងនោះមកមើលថែខ្លួនឯងឲ្យមានសម្រស់ស្រស់ស្អាត និងសុខភាពល្អដោយគេងឲ្យបានគ្រប់គ្រាន់។

៥.អ្នកគួរតែចំណាយពេលនៅក្បែរគ្រួសារឲ្យបានច្រើន។ គ្រួសារជាកន្លែងផ្ដល់ភាពកក់ក្ដៅ និងផ្ដល់ភាពរីករាយដល់អ្នក ព្រោះមានតែពួកគេប៉ុណ្ណោះទេ ទើបគិតគូរ និងយកចិត្តទុកដាក់ចំពោះអ្នក។

៦.ធ្វើអ្វីដែលធ្វើឲ្យខ្លួនឯងមានមានរីករាយ។ ចំណែកមនុស្សក៏ដូចគ្នាដែរ មនុស្សណាដែលមិនល្អនាំរឿងមិនឈប់មិនឈរ មិនបាច់រាប់រកទេ អ្នកណាល្អធ្វើឲ្យសប្បាយចិត្តគួររក្សាគេឲ្យជាប់។

៧.រស់នៅតាមបែបផែនរបស់អ្នក នោះទើបជីវិតពេញដោយសេរីភាព។ មិនបាច់យកតម្រាប់តាមនរណាទេ ព្រោះវាមិនមែនជាស្ទីលរបស់អ្នក។

៨.ស្រលាញ់នរណាដែលស្រលាញ់អ្នកវិញដែរ នោះទើបជីវិតមានសេចក្ដីសុខពេញលេញ ហើយគួរតែបញ្ឈប់ការស្រលាញ់គេតែម្ខាងទៀតទៅ ព្រោះមានតែរឿងឈឺចាប់ប៉ុណ្ណោះ៕

ចុចអាន៖វិធីជួយឲ្យអ្នកកាន់តែស្រលាញ់ខ្លួនឯងខ្លាំងៗ ទោះគ្មានបុរសណាមកស្រលាញ់ក៏ដោយ

អត្ថបទ៖ ទ្រី រ៉ាវី