កុំឲ្យធ្វើតែម្ហូបដដែលៗ មកសាកសាច់ជ្រូកខ្ចប់បន្លែទឹកត្រីហឹរៗ ឆ្ងាញ់ហើយងាយធ្វើទៀត
- 2018-10-02 04:51:42
- ចំនួនមតិ 0 | ចំនួនចែករំលែក 0
កុំឲ្យធ្វើតែម្ហូបដដែលៗ មកសាកសាច់ជ្រូកខ្ចប់បន្លែទឹកត្រីហឹរៗ ឆ្ងាញ់ហើយងាយធ្វើទៀត
ញ៉ាំម្ហូបដដែលៗរាល់ថ្ងៃ ប្រាកដជាមានអារម្មណ៍ធុញទ្រាន់ខ្លះហើយ ដូច្នេះគួរតែឆ្លៀតពេលរៀនធ្វើម្ហូបអ្វីថ្មីៗខ្លះ ដើម្បីឲ្យបានប្លែកមាត់ទាំងអស់គ្នា។ ថ្ងៃនេះ កញ្ញានឹងចែករំលែកអំពីមុខម្ហូបមួយដែលអាចនិយាយបានថាជាមុខម្ហូបថ្មីសម្រាប់ប្រិយមិត្តភាគច្រើន ប៉ុន្តែវាក៏មិនពិបាកធ្វើដែរ។ មុខម្ហូបនោះគឺ “សាច់ជ្រូកបីជាន់ខ្ចប់បន្លែទឹកត្រីហឹរៗ”។ គ្រាន់តែឮឈ្មោះក៏ស្រក់ទឹកមាត់ហើយមែនអត់? អីចឹងតោះយើងទៅរៀនធ្វើទាំងអស់គ្នាតែម្ដង។
ជាដំបូងយើងចាប់ផ្ដើមធ្វើទឹកជ្រលក់មុន ដោយដាក់ខ្ទឹមស ឫសវ៉ាន់ស៊ុយបុកឲ្យម៉ដ្ឋចូលគ្នា រួចហើយដាក់ម្ទេស ទឹកត្រី ស្ករត្នោត និងជីរវ៉ាន់ស៊ុយបន្តិច កូរឲ្យចូលជាតិគ្នា ភ្លក្សមើលបើឆ្ងាញ់ល្មមនោះជាការស្រេចសម្រាប់ទឹកជ្រលក់។ ចំណែកសាច់ជ្រូកវិញគឺគ្មានអីស្មុគស្មាញទេ គឺគ្រាន់តែដាំទឹកឲ្យពុះ រួចដាក់សាច់ជ្រូកចូល ស្ងោរឲ្យឆ្អិនរួចហើយស្រង់យកមកចិតជាចំណិតៗ។ អាចញ៉ាំបានជាមួយបន្លែផ្សេងៗដូចជាសាលាដ ស្ពៃបូកគោ ឬជីរនាងវង ហើយបើមាននំបញ្ចុកលាយគ្នាទៀតគឺកាន់តែពិសេស។
គ្រឿងផ្សំ៖
ម្ទេស តាមចូលចិត្ត
ឫសវ៉ាន់ស៊ុយ ៣
ខ្ទឹមស ៨កំពឹស
ទឹកត្រី ៤ស្លាបព្រាបាយ
ស្ករត្នោត (រំលាយក្នុងទឹកឲ្យហើយ) ៣ស្លាបព្រាបាយ
ក្រូចឆ្មារ ២ផ្លែកន្លះ
ជីវ៉ាន់ស៊ុយ ២ស្លាបព្រាបាយ
សាច់ជ្រូកបីជាន់ កន្លះគីឡូ
ទឹកត្រី ២ស្លាបព្រាបាយ
ទស្សនាវីដេអូខាងក្រោម៖
ចុចអាន៖
អ្នកស្គមៗចង់ឡើងគីឡូ មករៀនធ្វើល្ពៅក្រឡុកទឹកដោះគោ ឆ្ងាញ់ហើយប៉ូវខ្លាំងទៀត
មករៀនធ្វើមឹកអាំងឈ្ងុយៗស្រោចទឹកត្រីហឹរ ឆ្ងាញ់កប់ទប់ចិត្តមិនបាន
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
