មករៀនធ្វើមឹកអាំងឈ្ងុយៗស្រោចទឹកត្រីហឹរ ឆ្ងាញ់កប់ទប់ចិត្តមិនបាន

2018-09-28 00:01:00
ចំនួនមតិ 0 | ចំនួនចែករំលែក 0

គ្រឿងផ្សំ៖

មឹក ១គីឡូ
អំបិលម៉ដ្ឋ ២ស្លាបព្រាបាយ (សម្រាប់លាងមឹក)
ទឹកកំបោរថ្លា ២ស្លាបព្រាបាយ (សម្រាប់ត្រាំមឹក)
ទឹកស្អាត ១ទៅ២ចានគោមតូច (សម្រាប់ត្រាំមឹក)
ទឹកស៊ីអ៊ីវខាប់ ១ស្លាបព្រាបាយ (ទឹកសម្រាប់ប្រឡាក់មឹក)
ម្សៅរមៀត ២ស្លាបព្រាកាហ្វេ (ទឹកសម្រាប់ប្រឡាក់មឹក)
ទឹកស្អាត កន្លះចាន (ទឹកសម្រាប់ប្រឡាក់មឹក)
ឈើចង្កាក់សម្រាប់អាំង

គ្រឿងផ្សំសម្រាប់ទឹកជ្រលក់

ម្ទេសក្រហម ១០០ក្រាម
ខ្ទឹមស ៨០ក្រាម
ស្ករត្នោត ១០០ក្រាម
ទឹកត្រី ១ស្លាបព្រាបាយ
អំបិលម៉ដ្ឋ ១ស្លាបព្រាបាយ
ទឹកក្រូចឆ្មារ ១៥០មីលីលីត្រ
ទឹកដាំពុះ ១០០មីលីលីត្រ

វិធីធ្វើ៖

១. វិធីលាងមឹកដើម្បីកុំឲ្យមឹកប្រៃពេក៖ ប្រើអំបិល ២ស្លាបព្រាបាយ សម្រាប់មឹក ១គីឡូ ប្រឡាក់ចូលគ្នា រួចដាក់ទឹក ១ចានគោមល្មមលិចមឹក ហើយលាងឲ្យចេញពពុះអំបិលអស់។ លាងបែបនេះពីរទៅបីទឹករហូតអស់ពពុះ។

២. វិធីធ្វើសាច់មឹកមានជាតិស្រួយពេលអាំង គឺត្រូវយកទឹកកំបោរថ្លា ២ស្លាបព្រាបាយ លាយជាមួយទឹកសាប ១ទៅ២ចានគោមតូច ហើយយកមឹកត្រាំទុក ៥ទៅ១០នាទី។

៣. យកមឹកដែលត្រាំទឹកកំបោរថ្លារួចមកប្រឡាក់ទឹកស៊ីអ៊ីវខាប់ ម្សៅរមៀត និងទឹកស្អាតដើម្បីឲ្យមឹកមានពណ៌ល្អ រួចសឹមយកទៅអាំងឲ្យឆ្អិន។

៤. វិធីធ្វើទឹកជ្រលក់គឺគ្រាន់តែយកគ្រឿងផ្សំទាំងអស់ដាក់ចូលម៉ាស៊ីនក្រឡុកកិនឲ្យម៉ដ្ឋ។

ទស្សនាវីដេអូពីវិធីធ្វើខាងក្រោមនេះ៖