ការងារមួយចំនួនដែលប្រឈមខ្ពស់នឹងជំងឺមហារីក

2018-09-24 07:59:19
ចំនួនមតិ 0 | ចំនួនចែករំលែក 0

តើការងារដែលអ្នកធ្វើសព្វថ្ងៃនេះ អាចនឹងបណ្តាលឲ្យអ្នកឈឺបានដែរឬទេ? ប្រសិនបើការងាររបស់អ្នក ស្ថិតនៅក្នុងចំណោមការងារណាមួយដែលបានរៀបរាប់ខាងក្រោមនេះ ប្រាកដណាស់វានឹងអាច ធ្វើឲ្យប៉ះពាល់ដល់សុខភាពរបស់អ្នក។ នេះជាអ្វីដែលអ្នកត្រូវដឹង ដើម្បីការពារខ្លួនឯង។

១. អ្នកបម្រើការលើយន្តហោះ

តាមការសិក្សាចុះផ្សាយនៅក្នុងសារព័ត៌មាន Environmental Health បានបញ្ជាក់ថា អ្នកបម្រើការលើយន្តហោះ បានប៉ះជាមួយនឹងជាតិវិទ្យុសកម្មអ៊ីយ៉ូដច្រើន នៅពេលយន្តហោះទៅដល់ទីខ្ពស់ ដែលអាចបង្កឲ្យមានការវិវត្តទៅជាជំងឺមហារីក ដូចជា សុដន់ មាត់ស្បូន ក្រពេញទីរ៉ូអ៊ីត បំពង់អាហារ ក្រពះ ពោះវៀន ថ្លើម និងលំពែង។ ម្យ៉ាងវិញទៀត មនុស្សស្រីដែលធ្វើការងារមួយនេះ មានអត្រាកើតជំងឺមហារីកសុដន់ ច្រើនជាងនារីធ្វើការងារផ្សេង ដល់ទៅ៥០% ដោយសារតែពួកគេអាចប្រឈមនឹងកោសិកាមហារីកឈ្មោះថា non-melanoma ច្រើនជាងនារីដទៃដល់ទៅ៤ដង។

រូបតំណាង

**២. អ្នកបើកយន្តហោះ**

កាប៊ីនយន្តហោះ មានគ្រោះថ្នាក់ ប្រៀបបានដូចជាអ្នកចូលទៅក្នុងបន្ទប់ ប្តូរពណ៌ស្បែកទៅជាខ្មៅស្រអែម (Tanning Bed)។ អ្នកជំនាញផ្នែកសើស្បែក JAMA បាននិយាយថា អ្នកបើកយន្តហោះ និងនាវិកទាំងអស់ដែលធ្វើការនៅក្នុងកាប៊ីនយន្តហោះ មានផលប៉ះពាល់ដល់ស្បែក និងមានអត្រាខ្ពស់ក្នុងការកើតមហារីកឈ្មោះថា Melanoma ដោយសារតែកាំរស្មីព្រះអាទិត្យបញ្ចេញជាតិវិទ្យុសកម្ម ពេលយន្តហោះឆ្លងកាត់ពពកឬព្រិល។ ហេតុនេះហើយបានជាស្រាវជ្រាវ បានណែនាំឲ្យប្រើកញ្ចក់ដែលអាចការពារកាំរស្មី UV និងគួរប្រុងប្រយ័ត្នមុនពេលប្រើប្រាស់ផលិតផលការពារកម្តៅថ្ងៃ ហើយមិនត្រូវភ្លេចទៅពិនិត្យស្បែកជាប្រចាំ។

រូបតំណាង

៣. ជាងផ្សារ

កម្តៅក្តៅខ្លាំប៉ះជាមួយដែក បានធ្វើឲ្យប៉ះពាល់ដល់សុខភាពជាងផ្សាររាប់លាននាក់លើពិភពលោក។ ជាតិពុលទាំងនោះ អាចបណ្តាលឲ្យកើតមហារីកសួត ក្រលៀន និងភ្នែកជាដើម។ ទោះបីជារោគសញ្ញា មិនទាន់បានបង្ហាញ ក្នុងអំឡុងពេលធ្វើការក៏ដោយ ប៉ុន្មានឆ្នាំបន្ទាប់ អ្នកនឹងទទួលរងផលប៉ះពាល់យ៉ាងខ្លាំង ពីផ្សែងពុលទាំងនោះ។

រូបតំណាង

៤. ការងារអង្គុយនៅការិយាល័យ

ពិតណាស់ ការអង្គុយធ្វើការក្នុងរយៈពេលយូរ ភាគរយនៃការកើតមហារីកពោះវៀន និងមហារីកស្បូន គឺខ្ពស់ជាងអ្នកដែលមិនអង្គុយរាប់ម៉ោង។ សូម្បីតែការហាត់ប្រាណ ក៏មិនអាចជួយបានដែរ។ វិធីល្អមានតែព្យាយាមងើបពីកៅអី ឲ្យបានញឹកញាប់ ជាពិសេសនៅពេលបាយរួច ដើម្បីរាងកាយបានធ្វើចលនាខ្លះ។

រូបតំណាង

៥. អ្នកធ្វើក្រចក

ពេលដែលអ្នកធ្វើក្រចក ស្រូបយកក្លិនថ្នាំលាបក្រចក ដែលមានផ្ទុកសារធាតុគីមី និងផ្សែងធូលីផ្សេងៗនៅក្នុងហាង អាចជ្រាបចូលទៅតាមស្បែក ធ្វើឲ្យប្រឈមខ្ពស់ក្នុងការកើតមហារីក ប៉ះពាល់ដល់ប្រព័ន្ធផ្លូវដង្ហើមនិងប្រព័ន្ធបន្តពូជទៀតផង។ រដ្ឋបាលផ្នែកសុខភាពនិងសុវត្ថិភាពការងារ (OSHA) បានណែនាំដល់ម្ចាស់ហាងសាឡនព្រមទាំងបុគ្គលិកធ្វើការក្នុងហាងទាំងអស់ ឲ្យពាក់អាវដៃវែង ស្រោមដៃ ម៉ាស់ និងត្រូវលាងដៃញឹកញាប់ ដើម្បីការពារសុវត្ថិភាពផ្ទាល់ខ្លួន។

រូបតំណាង

៦. ជាងអ៊ុតសក់

ការលាបពណ៌សក់អាចប៉ះពាល់មធ្យមដល់សុខភាព ប៉ុន្តែវាអាចប៉ះពាល់ខ្លាំងបំផុត ប្រសិនបើអ្នកជាជាងអ៊ុតសក់។ ជាតិអាម៉ូញ៉ាក់ នៅក្នុងថ្នាំប្តូរពណ៌សក់មួយចំនួន អាចធ្វើឲ្យអ្នកងាយនឹងកើតមហារីក ប្លោកនោម។ ដើម្បីជៀសពីគ្រោះថ្នាក់ ជាងអ៊ុតសក់ គួរពាក់ស្រោមដៃជានិច្ច រាល់ពេលត្រូវប៉ះជាមួយថ្នាំ។