៦សញ្ញាបង្ហាញថាអ្នកកំពុងញ៉ាំតិចពេក ធៀបនឹងតម្រូវការរបស់ខ្លួនប្រាណ

2018-09-23 04:30:00
ចំនួនមតិ 0 | ចំនួនចែករំលែក 0

នៅពេលឃើញខ្លួនប្រាណខ្លួនឯងបង្ហាញសញ្ញាទាំងនេះ អ្នកគួរផ្លាស់ប្ដូរទម្លាប់ទទួលទានភ្លាមទៅ ព្រោះបើទុកយូរ រាងកាយរបស់អ្នកនឹងកាន់តែចុះទ្រុឌទ្រោមខ្លាំង។

១. ឧស្សាហ៍មានអារម្មណ៍ថាហត់

រាងកាយរបស់អ្នកនឹងមានអារម្មណ៍ដូចសម្រាកមិនគ្រប់គ្រាន់ ពេលយើងញាំតិចពេក។ អារម្មណ៍របស់យើងនឹងរវើរវាយ ធ្វើអ្វីក៏មិនត្រូវពេលបំពេញសារជាតិ ខ្វះ។ បន្ថែមពីនោះ ទទួលទានតិចពេកធ្វើឲ្យខួរក្បាលរបស់អ្នកធុញទ្រាន់ ព្រោះស្រទាប់កោសិកាមិនត្រូវបានបំប៉នត្រូវកម្រិត។

២. មានអារម្មណ៍ថាឃ្លានជាប់

ប្រាកដហើយនៅពេលអ្នកទទួលទានមិនគ្រប់គ្រាន់ អ្នកនឹងមានអារម្មណ៍ថាឃ្លាន។ ប្រសិនបើអ្នកជាមនុស្សត្រូវប្រើកម្លាំង និងការគិតជាប្រចាំ។ បើអាការៈនេះកើតឡើងយូរនឹងបណ្ដាលឲ្យខូចក្រពះជាទម្ងន់។

៣. គេងមិនលក់ស្រួល

គ្មានអ្នកណាអាចគេងលក់ស្រួលបានឡើយនៅពេលពោះកូរគ្រូកៗជាប់នោះ។ បើយប់ឡើងឃ្លានខ្លាំងពេក មិនគួរទ្រាំដល់ភ្លឺនោះឡើយ គួររកចំណីមកញ៉ាំបន្ទាប់បន្សំសិន ព្រោះមិនត្រឹមតែវាធ្វើឲ្យអ្នកឈឺក្រពះដូចខាងលើទេ គឺថែមទាំងធ្វើឲ្យរសាប់រសល់គេងមិនលក់ ភ្លឺឡើងគ្មានកម្លាំងក្នុងខ្លួន។

៤. មានអារម្មណ៍ថារងាខ្លួន

នៅពេលចំនួនកាឡូរីនៅក្នុងខ្លួនធ្លាក់ចុះ នោះអ័រម៉ូនរក្សាកម្ដៅ Thyroxine នឹងធ្លាក់ចុះដូចគ្នា ធ្វើឲ្យរាងកាយរបស់អ្នកតែងតែស្ថិតក្នុងសភាពរងារហូត។

៥. មិនអាចផ្ដោតអារម្មណ៍បាន

មួយក្នុងចំណោមសញ្ញាទាំងឡាយដែលបង្ហាញថារាងកាយរបស់អ្នកកំពុងចុះខ្សោយនោះគឺ សមត្ថភាពផ្ដោតអារម្មណ៍របស់អ្នកត្រូវធ្លាក់ចុះ។ មិនត្រឹមតែប៉ុណ្ណោះ ការចងចាំក៏ខ្សោយជាងមុនដូចគ្នា។ អាស្រ័យហេតុនេះ មុនពេលមានកម្មវិធីអ្វីសំខាន់ដូចជាការប្រលង ឬសម្ភាសន៍មិនគួរតមអាហារជាដាច់ខាត។