វិធីធ្វើ “មាន់អាំងគល់ស្លឹកគ្រៃ” ដ៏ឈ្ងុយឆ្ងាញ់ ឃើញហើយស្រក់ទឹកមាត់គ្រប់គ្នា
- 2018-09-19 05:05:40
- ចំនួនមតិ 0 | ចំនួនចែករំលែក 0
វិធីធ្វើ “មាន់អាំងគល់ស្លឹកគ្រៃ” ដ៏ឈ្ងុយឆ្ងាញ់ ឃើញហើយស្រក់ទឹកមាត់គ្រប់គ្នា
មុខម្ហូបមាន់អាំង ប្រហែលជាប្រិយមិត្តជាច្រើនធ្លាប់បានញ៉ាំរួចមកហើយ ប៉ុន្តែមាន់អាំងដែលកញ្ញាចង់ចែករំលែកនៅថ្ងៃនេះ គឺប្រាកដជាប្លែកជាមួយរូបមន្តថ្មីដើម្បីបង្កើនរសជាតិសាច់មាន់ឲ្យកាន់តែឆ្ងាញ់។ ប៉ុន្តែរូបមន្តនោះមិនមានអ្វីពិបាកច្រើនទេ ហើយគ្រឿងផ្សំក៏សុទ្ធតែងាយរកដូចគ្នាដែរ។ ចង់ដឹងថាយ៉ាងណានោះសូមតាមដានខាងក្រោម៖
គ្រឿងផ្សំ៖
ភ្លៅមាន់មានជាប់សាច់ត្រគាក ៦ភ្លៅ
ខ្ទឹមស ៥កំពឹស
ម្រេចគ្រាប់ ១ស្លាបព្រាបាយ
ឬសវ៉ាន់ស៊ុយ ៣ឬស
គល់ស្លឹកគ្រៃ ៤ដើម
ស្ករត្នោត ១ស្លាបព្រាបាយ
ទឹកស៊ីអ៊ីវ ២ស្លាបព្រាបាយ
ប្រេងខ្យង ៣ស្លាបព្រាបាយ
ទឹកដោះគោស្រស់ កន្លះកូនចាន
វិធីធ្វើ៖
១. យកខ្ទឹមស ម្រេច ឬសវ៉ាន់ស៊ុយ និងគល់ស្លឹកគ្រៃមកបុកឲ្យម៉ដ្ឋ
២. យកស្ករត្នោត ទឹកស៊ីអ៊ីវ ប្រេងខ្យង និងទឹកដោះគោស្រស់ចាក់ចូលជាមួយគ្រឿងដែលបុករួច រួចហើយយកទៅប្រឡាក់ជាមួយសាច់មាន់ទុក ២០ទៅ៣០នាទី។
៣. យកសាច់មាន់មកអាំងឲ្យឆ្អិនឈ្ងុយ រួចហើយអាចរៀបដាក់ចានទទួលទានបានហើយ។ បើញ៉ាំជាមួយទឹកត្រីហឹរ និងបាយដំណើបគឺរឹតតែត្រូវគ្នាតែម្ដង។
ទស្សនាវីដេអូអំពីវិធីធ្វើខាងក្រោមនេះ៖
មើលហើយកុំភ្លេចសាកធ្វើញ៉ាំទាំងអស់គ្នាណា៎!
ចុចអាន៖
របៀបធ្វើ “បង្គាអប់មីសួ” ឲ្យឈ្ងុយឆ្ងាញ់មិនចាញ់ម្ហូបហាង
ទំនងពេកហើយ! រៀនធ្វើ “មឹកស្រោចទឹកត្រីហឹរ” មើលបណ្ដើរស្រក់ទឹកមាត់បណ្ដើរ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
