​ស្រក​​​​​ទម្ងន់​​​លឿន​​​​​​លើស​​​ពី​ធម្មតា​ ដោយ​​​​ការ​​ញ៉ាំ​​​​​អាហារ​​​​​​​លាយ​​​បញ្ចូល​គ្នា

  • 2018-09-10 04:11:19
  • ចំនួនមតិ 0 | ចំនួនចែករំលែក 749

ចន្លោះមិនឃើញ

​​​​​​​​កំពុង​​​​​​​តែ​​តម​​អាហារ​​​​​ដើម្បី​​​​​​ស្រក​ទម្ងន់​​ និង​ចង់​បាន​​រាង​​ស្អាត​​មែន​​ទេ? តើ​​អ្នក​​​ដឹង​​​អត់​​ថា​​​​​​​ អាហារ​​មួយ​ចំនួន​​​​ពេល​ញ៉ាំ​​បញ្ចូល​​គ្នា អាច​​​ជួយ​​​ឲ្យ​អ្នក​ស្រក​​គីឡូ​ ជាង​​​​ការ​​តម​​​អាហារ​ទៅ​​ទៀត?​ ​​​​បើ​និយាយ​​​​ពី​​រឿង​​តម​​​វិញ​ គ្រាន់​​តែ​ឮ​​ក៏​​​ធុញ​​បាត់​​​ហើយ​ ប៉ុន្តែ​​​​​​អាហារ​​ដែល​​​ កញ្ញា​​ នឹង​​​បង្ហាញ​​នៅ​​​ថ្ងៃ​​នេះ​ មិន​​ពិបាក​​​ញ៉ាំ​​ទេ ថែម​ទាំង​​​មាន​​រសជាតិ​​ឆ្ងាញ់​​ទៀត​​ផង ហើយ​​វា​​កាន់​តែ​​មាន​ប្រសិទ្ធភាព​​ខ្ពស់​​​​​​​​​ ​ពេល​​ញ៉ាំ​​​បញ្ចូល​​គ្នា។

១. គ្រាប់​ធញ្ញជាតិ​​​ + បឺរ​​សណ្ដែក​​ដី

គ្រាប់​​ធញ្ញជាតិ​​​​គឺ​ជា​អាហារ​​​​ល្អ​​ខ្លាំង​​ណាស់​​សម្រាប់​​​​​សុខភាព​​ ជាពិសេស​​សម្បូរ​វីតាមីន ​ជាតិ​សរសៃ​​​​ និង​​សារធាតុ​​ប្រឆាំង​​អុកស៊ីតកម្ម ជួយ​​កាត់​​បន្ថយ​កូលេស្តេរ៉ុល ​​​ជាតិ​​​ស្ករ​​​​​ ប្រឆាំង​​​បាក់​តេរី ធ្វើ​​ឲ្យ​​​ឆ្អែត​​បាន​យូរ។ ​​​​​

បឺរ​​សណ្តែក​ដី​​​​​​​​ផលិត​​​ពី​​សណ្តែក​​ដី​​ធម្មជាតិ​ មាន​​ប្រូតេអ៊ីន​​ច្រើន ល្អ​​សម្រាប់​អ្នក​​ចង់​​ស្រក​​ទម្ងន់​ និង​​អ្នក​​កើត​ទឹក​នោម​ផ្អែម​​កម្រិត​​២​។

២. កូន​ស្ពៃ + ផ្លែប៉ោម + ខ្ញី

កូន​ស្ពៃ​​​​​​ មាន​​កម្រិត​ជាតិ​​ស្ករ​​ទាប​​បំផុត តែ​​មាន​វីតាមីន​និង​​ជាតិ​​​​​​​សរសៃ​​ច្រើន ​​​មាន​ប្រយោជន៍​​សម្រាប់​​​ជួយ​​សម្រួល​​ដល់​ការ​​រំលាយ​​​អាហារ​​។

ផ្លែ​ប៉ោម មាន​​ជាតិ​​​ទឹក​​​ដល់​ទៅ​​​​៨៥% មាន​​កាឡូរី​ទាប អាច​​ស្រក​​​ទម្ងន់​បាន​កាន់​តែ​​លឿន និង​​​រក្សា​​ទម្ងន់​​​មិន​ឲ្យ​ឡើង។ ​​​

ខ្ញី ​​សម្បូរ​​ជីវជាតិ បង្កើន​ថាមពល​ពេល​​ក្រពះ​​នៅ​​ទទេ​​​​​​​ ស័ក្ដិសម​​ចំពោះ​​​​អ្នក​ខ្សោយ​​​ក្រពះ។

​​​​​​​​​​​​​​​​​៣. ម្នាស់ + ក្រូច​​​​ឆ្មា

ម្នាស់​​ មាន​​ជាតិ​​កាឡូរី​ទាប ជាតិ​​​ទឹក​ច្រើន​​​​​ មាន​តួនាទី​​សំខាន់​​​​​​​សម្រាប់​​រំលាយ​​​អាហារ​​​​​​ និង​​​ស្រក​ទម្ងន់​​​​​ដោយ​​មិន​ប៉ះពាល់​​​​​សុខភាព។

ក្រូច​​ឆ្មា មាន​ជាតិ​​អាស៊ីដ និង​​​ជីវជាតិ​សំខាន់ៗ​ជា​​ច្រើន​​​ទៀត អាច​​ជួយ​​​​ដុត​​បំផ្លាញ​​ជាតិ​​ខ្លាញ់​​បាន​​យ៉ាង​​​​លឿន​​ជាង​​អាហារ​​ផ្សេង​ទៀត​​​​​។

​​​​៤. ពង​ទា + ផ្លែ​​​បឺរ​​​​

​​​​ពងទា​​​​ សម្បូរ​​ប្រូតេអ៊ីន​​​​​​​​​​​ដែល​​​​រាង​​​កាយ​ត្រូវ​ការ​​​ដើម្បី​អភិវឌ្ឍ​​​។ វា​​ផ្តល់​​ថាមពល​​​​​​​​ និង​​មិន​មាន​​​អារម្មណ៍​​ឆាប់​​ឃ្លាន។

​​​​ផ្លែ​បឺរ​​​​ វា​​​​ផ្តល់​ជីវជាតិ​​សំខាន់ៗ​ច្រើន​​ប្រភេទ​​​​ ​​​ដែល​​អាច​​​រក្សា​​ទម្ងន់ ​​​បង្កើន​​ថាមពល សុខភាព​​រឹង​មាំ។

​​​​៥. ​ចេក + កូន​ស្ពៃ ​​​​

​​​​ចេក​​​​ ជួយ​​​សម្រក​​​​​ទម្ងន់ ល្អ​សម្រាប់​អ្នក​មាន​​បញ្ហា​​ពោះ​​វៀន សម្រួល​​មិន​​ឲ្យ​​ទល់​​លាមក មិន​​​បណ្តាល​​​ឲ្យ​​ធាត់ ​រួម​ទាំង​​អត្ថប្រយោជន៍​​ជា​ច្រើន​រាប់​មិន​អស់។ ​បើ​​អ្នក​បាន​​ញ៉ាំ​​​ចេក​​​​​បញ្ចូល​គ្នា​​ជាមួយ​​​កូន​ស្ពៃ នឹង​​អាច​​​ទទួល​​បាន​លទ្ធផល​ជាទី​​គាប់​​ចិត្ត។

៦. ត្រី​​សាល់ម៉ុន + ផ្លែបឺរ

ត្រី​​សាល់ម៉ុន​​​​​ ជា​ជម្រើស​​ដ៏​ល្អ​​​សម្រាប់​​​​​អ្នក​​មាន​​​​​បំណង​​​​​ចង់​​ស្រក​​​​​ទម្ងន់ ព្រោះ​​​វា​​​ផ្ទុក​​ទៅ​​ដោយ​​​​ប្រូតេអ៊ីន​​​ខ្ពស់ មិន​ធ្វើ​ឲ្យ​​​ឃ្លាន និង​​មិន​​ប៉ះពាល់​​សុខភាព​​​។ ចំណែក​​​​ផ្លែ​បឺរ​​​វិញ​​​ មានប្រយោជន៍​​ជាច្រើន​​​​ដូច​​បាន​​រៀប​​​រាប់​ខាង​លើ​ ដូច្នេះ​ហើយ​​​អាហារ​ពីរ​មុខ​​នេះ ពេល​​ញ៉ាំ​​បញ្ចូល​គ្នា កាន់​តែ​មាន​​ប្រសិទ្ធភាព​​ខ្ពស់។

៧. ទឹក​ឃ្មុំ + ក្រូច​ឆ្មា

ទឹក​​ឃ្មុំ មាន​វីតាមីន​​ ជាតិ​​រ៉ែ ជាតិ​​ដែក​ ស័ង្កសី វីតាមីន​​​ B6​..ត្បិត​​តែ​​​ទឹក​​ឃ្មុំ​មាន​ជាតិ​​ស្ករ​​ច្រើន ប៉ុន្តែ​​​វា​​មាន​កម្រិត​កាឡូរី​​ទាប និង​​​មាន​​​​ប្រសិទ្ធភាព​​​ ពេល​ញ៉ាំ​​លាយ​​ចូល​គ្នា​ជាមួយ​​ក្រូច​​​ឆ្មា។

ចុចអានបន្ត៖


ប្រភព៖ Brightside ប្រែ​សម្រួល៖ ដេត ឈុនអីុ