វិធីសម្រកទម្ងន់ទាំង ៨ ដែលអាក្រក់បំផុតចំពោះសុខភាព

2018-09-09 07:05:40
ចំនួនមតិ 0 | ចំនួនចែករំលែក 0

សព្វថ្ងៃមានវិធីជាច្រើនដើម្បីសម្រកទម្ងន់ ប៉ុន្តែវិធីទាំងអស់នោះមិនប្រាកដថាបានផលល្អដល់អ្នកនោះទេ។ ដើម្បីថែរក្សារាងឲ្យបានស្អាត និងមានសុខភាពល្អអ្នកគួរតែបរិភោគអាហារដែលមានជីវជាតិគ្រប់គ្រាន់និងធ្វើលំហាត់ប្រាណឲ្យបានត្រឹមត្រូវ។ ខាងក្រោមនេះជា វិធីសម្រកទម្ងន់ទាំង ៨ ដែលអាក្រក់បំផុត៖

១.ខំរកអីមកញ៉ាំជំនួសអាហារ

បើអ្នកគិតថាចេះតែញ៉ាំតិចតួចឲ្យតែបាន វាគ្មានថ្ងៃនឹងស្រកនោះទេ។ ទោះបីជាអ្នកខំប្រឹងផឹកតែទឹក ផ្លែឈើ ឬទឹកបន្លែក្រឡុកដែលសម្បូរទៅដោយជាតិប្រូតេអ៊ីនយ៉ាងណាក៏ដោយ ជាតិប្រូតេអ៊ីនទាំងនោះនឹងចូលទៅកាត់បន្ថយជាតិស្ករដែលមាននៅក្នុងខ្លួនអ្នក អាចមានផលប៉ះពាល់ដល់សុខភាពទៅវិញ។

រូបតំណាង

**២.មិនញ៉ាំអាហារឲ្យបានគ្រប់ពេល**

បើអ្នកពិតជាចង់សម្រកគីឡូមែននោះ ចូរកុំព្យាយាមអត់អាហារ។ ការអត់អាហារធ្វើឲ្យបាត់បង់ជីវជាតិសំខាន់ៗ ដែលរាងកាយត្រូវការជាចាំបាច់ក្នុងការធ្វើឲ្យប្រព័ន្ធភាពសរឹងមាំ និងរាងកាយមានសុខភាពល្អ។

៣.ហាត់ប្រាណលើសកម្រិត

បើអ្នកអនុវត្តរបៀបហាត់ប្រាណ ដើម្បីឲ្យមានរាងស្អាត អ្នកត្រូវប្រុងប្រយ័ត្នកុំធ្វើវាហួសសមត្ថភាព ព្រោះការប្រើថាមពល និងកម្លាំងច្រើនជ្រុលធ្វើឲ្យបាក់ទៅវិញទេ។ ប្រសិនបើរាងកាយអ្នកខ្សោយមិនអាចទប់ទល់បាន វាកាន់តែទៅដុតបំផ្លាញជាតិប្រូតេអ៊ីន ហើយអាចបង្កជាតិធាត់ឲ្យកើតឡើងវិញបានយ៉ាងងាយ។

រូបតំណាង

៤.ផឹកទឹកផ្លែឈើ ដើម្បីស្រកទម្ងន់

ពិតហើយទឹកផ្លែឈើ គឺសម្បូរទៅដោយជាតិវីតាមីន និងជាតិរ៉ែ ប៉ុន្តែវាគ្មានផ្ទុកនូវប្រូតេអ៊ីនអ្វីបន្តិចសោះជាហេតុបង្កឲ្យសមាសភាពសាច់ដុំត្រូវបាត់បង់ ហើយថែមទាំងមិនអាចស្រកគីឡូទៀតផង។

៥.ញ៉ាំតែអាហារគ្មានជាតិខ្លាញ់ទាល់តែសោះ

ពេលដែលអ្នកតាំងចិត្តចង់ឲ្យស្រកកាន់តែលឿន គឺអ្នកតែងខំប្រឹងញ៉ាំអាហារណាគ្មានជាតិខ្លាញ់ដែលមិនបណ្ដាលឲ្យធាត់។ ប៉ុន្តែកុំភ្លេចថាអាហារមានជាតិខ្លាញ់ មិនមែនមានផលអាក្រក់រហូតនោះទេដូចជាប្រេងអូលីវ ផ្លែបឺរ ស៊ុត ជាដើម។ បើអ្នកគិតតែខ្លាចធាត់មិនហ៊ានបរិភោគទាល់តែសោះ អ្នកអាចប្រឈមនឹងការហេវហត់អស់កម្លាំងស្លេកស្លាំង ហើយមានអារម្មណ៍ថាឃ្លានរហូត។

៦.កាត់បន្ថយអាហារមានជាតិកាបូអ៊ីដ្រាត

គ្រប់អាហារដែលមានជាតិកាបូអ៊ីដ្រាត គឺផ្ទុកនៅជីវជាតិជាច្រើនដែលសារពាង្គកាយត្រូវការជាចាំបាច់។ បើអ្នកកាន់តែកាត់បន្ថយការបរិភោគជីវជាតិទាំងនោះ អ្នកនឹងមានអារម្មណ៍កាន់តែឃ្លានជាងមុន។ ជាតិកាបូអ៊ីដ្រាតមាននៅក្នុងបន្លែ ផ្លែឈើ ទឹកដោះគោ នំប៉័ង...។

៧.ញ៉ាំអារហារមានជាតិប្រូតេអ៊ីនខ្លាំងពេក

ជាតិប្រូតេអ៊ីនអាចធ្វើឲ្យរាងកាយស្រកតែជាតិទឹកនៅក្នុងខ្លួនតែប៉ុណ្ណោះ វាគ្មានប្រសិទ្ធភាពសម្រាប់អ្នកចង់ស្រកបានយូរនោះទេ។

៨.មិនញ៉ាំអាហារមានជាតិ អូមេហ្គា-3

អូមេហ្គា-3 គឺមាននៅក្នុងគ្រាប់ធញ្ញជាតិ គ្រាប់ជី និងត្រីសាល់ម៉ុនដែលដើរតួនាទីយ៉ាងសំខាន់ក្នុងការជួយសម្រកទម្ងន់។ វាថែមទាំងអាចជួយឲ្យអ្នកមានអារម្មណ៍ល្អ ជួយកាត់បន្ថយជាតិកូលេសស្រ្តរ៉ូលជាតិស្ករ ហើយគ្មានផលប៉ះពាល់ដល់សុខភាពនោះទេ៕