នារីដែលភ្លេចស្រលាញ់ខ្លួនឯង ច្រើនតែធ្វើរឿង៨យ៉ាងនេះ

2018-07-19 08:38:53
ចំនួនមតិ 0 | ចំនួនចែករំលែក 0

ដើម្បីក្ដីសុខនិងសុភមង្គល នារីតែងចំណាយពេលច្រើនទៅលើការថែទាំគ្រួសារ ផ្ទះសម្បែង និងការងារក្នុងក្រៅ រហូតស្ទើរតែលែងមានពេលសម្រាប់មើលថែខ្លួនឯង។ មាននារីច្រើនណាស់ដែលជួបប្រទះបញ្ហាទាំងនេះ រហូតធ្វើឱ្យខ្លួនប្រែទៅជាឆាប់ចាស់ជាងមុន។ ទង្វើ៨យ៉ាងដូចខាងក្រោមនេះ បញ្ជាក់ថា នារីយើងបានចំណាយពេលលើរបស់ក្រៅខ្លួន រហូតលែងគិតគូរពីខ្លួនឯងជ្រុល។

១. សុខចិត្តឈប់ពីការងារដែលខ្លួនស្រលាញ់ ហើយនៅផ្ទះមើលថែកូន និងការងារផ្ទះ ទាំងដែលរៀនបានច្រើនក៏ដោយ។

២. ប្រាក់ដែលរកបានមកតែងសន្សំ និងប្រើសម្រាប់តម្រូវការរបស់សមាជិកក្នុងគ្រួសារ តែមិនហ៊ានចំណាយដើម្បីទិញរបស់ដែលខ្លួនស្រលាញ់។

៣. លែងគិតគូរលើការតុបតែងខ្លួន សម្លៀកបំពាក់ថ្មី ឬភាពស្រស់ស្អាតដូចពីមុន។

៤. ក្រោយសម្រាលកូនរួច ក៏លែងគិតគូរពីរូបសម្រស់ បណ្ដែតបណ្ដោយខ្លួន អាងតែលែងត្រូវចេញទៅក្រៅ មិនគិតគូរពីបញ្ហាសង្វារលើស្បែកពោះ និងការសម្រកជាតិខ្លាញ់។

៥. មួយថ្ងៃៗ អង្គុយតែមើលកូន មិនសូវបានភ្ជាប់ទំនាក់ទំនងជាមួយបងប្អូន សាច់ញាតិ និងមិត្តភ័ក្ដិ សូម្បីតែតាមបណ្ដាញសង្គម។

៦. មិនហ៊ានចេញទៅដើរកម្សាន្តឆ្ងាយៗ ក្រៅពីទៅផ្សារទិញម្ហូប ហើយចូលផ្ទះវិញដាំស្ល។

៧. ទុកឱ្យប្ដីជាអ្នកសម្រេចចិត្តរឿងគ្រប់យ៉ាងក្នុងផ្ទះ មិនថារឿងតូចឬ ធំ។

៨. មានបញ្ហាអ្វី សុខចិត្តលាក់ទុកក្នុងចិត្តម្នាក់ឯង ព្រោះខ្លាចមានជម្លោះក្នុងគ្រួសារ។ សុខចិត្តកើតទុក្ខ ឬយំម្នាក់ឯង។

ក្រោយពីបានអានចំណុចខាងលើហើយ នារីគួរងាកមកគិតឡើងវិញ ទោះបីស្រលាញ់គ្រួសារខ្លាំងយ៉ាងណា ក៏គួរស្រលាញ់ខ្លួនឯងឱ្យបានច្រើនជាមុនសិន។ ហេតុផលគឺថា បើអ្នកជ្រុលធ្វើរឿងទាំងនេះ មិនបានគិតគូរពីខ្លួនឯង វាអាចបណ្ដាលឱ្យមានបញ្ហាច្រើន ទាំងសុខភាពផ្លូវចិត្ត និងផ្លូវកាយ។ ដូច្នេះគួរថ្លឹងថ្លែង និងពិភាក្សាគ្នាជាមួយស្វាមី មុនពេលសម្រេចចិត្តរៀបការដើម្បីចែករំលែកបន្ទុកគ្នាក្នុងការផ្ដល់សុភមង្គលឱ្យគ្រួសារ និងអាចមានពេលវេលាមើលថែខ្លួនឯងបានផង។

កាលណានារីអាចមើលថែ និងផ្ដល់ក្ដីស្រលាញ់ដល់ខ្លួនឯងបានច្រើន ស្វាមីក៏មិនងាយទៅមានក្រៅដែរ ព្រោះមកដល់ផ្ទះឃើញប្រពន្ធនៅតែស្រស់ស្អាត ផ្ទះសម្បែងក៏រៀបរយ ចំណែកកូនៗក៏មានសុខភាពល្អ។ ដូច្នេះ កុំភ្លេចណា ទិញសម្លៀកបំពាក់ស្អាតៗ គ្រឿងសម្អាងតុបតែងខ្លួន និងប្រើ Bio Oil ដែលអាចជួយការពារសង្វារ ពេលមានផ្ទៃពោះ កាត់បន្ថយសង្វារក្រោយពេលសម្រាល និងកាត់បន្ថយសម្លាកបានគ្រប់ប្រភេទ៕