៤សកម្មភាពហាមធ្វើពេលស្រវឹងស្រា ព្រោះអាចគ្រោះថ្នាក់ដល់ស្លាប់

2018-07-15 02:52:10
ចំនួនមតិ 0 | ចំនួនចែករំលែក 0

មានសកម្មភាពមួយចំនួន មិនគួរធ្វើទាល់តែសោះក្រោយពេលស្រវឹង ព្រោះវាបណ្ដាលឲ្យប៉ះពាល់ដល់សុខភាពខ្លាំង រហូតគ្រោះថ្នាក់ដល់ជីវិត។

១. បន្សាបស្រាខុសបច្ចេកទេស

កំហុសឆ្គងរបស់អ្នកស្រវឹងគឺបន្សាបស្រាដោយក្រូចឆ្មា ឬទឹកជូរ។ ប្រសិនបើអ្នកស្រវឹង នៅមានជាតិស្រានៅក្នុងខ្លួន ហើយប៉ះជាមួយជាតិជូរ នឹងធ្វើឲ្យអ្នកស្រវឹងក្អួត ខូចក្រពះដោយសារតែជាតិអាស៊ីត។ បន្ថែមពីនេះទៀត ស្រវឹងតែងងងុយដេក បើក្អួតក្នុងពេលស្រវឹង ងាយធ្វើឲ្យអាហារហៀរចូលក្នុងសួត បង្កឲ្យដកដង្ហើមមិនរួច គ្រោះថ្នាក់ដល់ជីវិត។ ជំនួសពីក្រូចឆ្មារ គេអាចបន្សាបស្រាដោយទឹកលាយស្ករ ទឹកឃ្មុំ ទឹកអំបិល ទឹកស៊ុប ឬទឹកដោះគោវិញ។

២. ចូលគេងភ្លាម

ចំនួនអាកុលនៅក្នុងស្រា នឹងត្រូវបានរំសាយតាមរយៈថ្លើម ប្រសិនបើពេលស្រវឹងហើយចូលគេងភ្លាម នឹងធ្វើឲ្យប្រតិបត្តិការនេះយឺត ប៉ះពាល់ដល់ថ្លើម។ ល្អបំផុត ក្រោយពេលស្រវឹង គួរលុបមុខជាមួយទឹកត្រជាក់ ហើយសម្រាក។ នៅពេលស្រវឹងជោគជាំ មិនត្រូវចូលគេងដោយគ្មានអ្នកនៅក្បែរឡើយ។ ជារៀងរាល់២ម៉ោង ត្រូវដាស់អ្នកស្រវឹងឲ្យឡើងផឹកទឹកក្ដៅអ៊ុនៗ ឬទឹកឃ្មុំរហូតដល់ពេលស្វាង។

៣. ហាត់ប្រាណ

ក្រោយពេលស្រវឹង ល្អបំផុត គឺកាត់បន្ថយការបញ្ចេញកម្លាំង មិនដើរទៅដើរមកច្រើន ហក់លោត ឬរាំ ដែលធ្វើឲ្យបែកញើស អស់ជាតិទឹក។ ដោយសារតែនៅពេលស្រវឹង ខ្លួនអ្នកស្រវឹងបានបាត់ជាតិទឹកស្រាប់ហើយ ប្រសិនបើបាត់កាន់តែច្រើន នឹងធ្វើឲ្យខ្លួនខ្សោះជាតិទឹករឹតតែធ្ងន់ធ្ងរ។

៤. ងូតទឹក

អ្នកស្រវឹង មិនគួរងូតទឹក ទាំងទឹកក្ដៅឬត្រជាក់ក៏ដោយ។ ងូតទឹកក្ដៅធ្វើឲ្យសីតុណ្ហភាពក្នុងខ្លួនកាន់តែកើនជាងមុន បង្ករឲ្យការស្រវឹងកាន់តែធ្ងន់ជាងមុន ងាយចង់ក្អួត ឈឺក្បាល និងវិលមុខ៕

ចុចអាន៖

ប្រភព៖ zitu ប្រែសម្រួល៖ Caramel