មិន​ចង់​កើត​ជំងឺ​បេះដូង ឬ​ខូច​ថ្លើម​ កុំ​ផឹក​ភេសជ្ជៈ​មួយ​ប្រភេទ​នេះ​ញឹកញាប់​​ពេក

  • 2018-05-22 07:03:18
  • ចំនួនមតិ 1 | ចំនួនចែករំលែក 14443

ចន្លោះមិនឃើញ

មាន​ការ​ស្រាវជ្រាវ​​មួយ​ធ្វើ​ឡើង​ទៅ​លើ​ប្រភេទ​ទឹក​​ដែល​អ្នក​​​​​កើត​​ជំងឺ Long QT Syndrome ​ផឹក​ជា​ញឹកញាប់។ LQTS​ គឺ​ជា​ជំងឺ​បណ្ដាល​ឱ្យ​ចង្វាក់​បេះដូង​លោត​ខ្លាំង​ខុស​ពី​ធម្មតា រហូត​ឈាន​ទៅ​ដល់​ស្លាប់​បាត់បង់​ជីវិត។ ការ​សិក្សា​នេះ​​ចេញ​ផ្សាយ​ដោយ​សារព័ត៌មាន​ហទយវិទ្យា​ពិភពលោក (សិក្សា​ពី​បញ្ហា​បេះដូង) World Cadiology ​បាន​រក​ឃើញ​ថា ភេសជ្ជៈ​មួយ​ចំនួន​អាច​បណ្ដាល​ឱ្យ​កើត​រោគ​បេះដូង ដែល​គំរាម​កំហែង​ជីវិត​មនុស្ស​បាន។

ការ​សិក្សា​បាន​បង្ហាញ​បន្ថែម​ថា ចំនួន​អ្នក​ដែល​អាច​កើត​រោគ​នេះ​បាន ភាគ​ច្រើន​ជា​​ក្មេង​ជំទង់ និង​មនុស្ស​ពេញ​វ័យ ដោយ​សារ​មនុស្ស​មួយ​ក្រុម​នេះ​ចូល​ចិត្ត​ផឹក​ភេសជ្ជៈ​បង្កើន​កម្លាំង (Energy Drink) ច្រើន។ ចំនួន​អ្នក​ស្លាប់​ដោយ​សារ​ការ​ផឹក​ភេសជ្ជៈ​ប្រភេទ​នេះ ដែល​នាំ​ដល់​ការ​កើត​រោគ​បេះដូង​រហូត​បាត់​បង់​ជីវិត​នៅ​តាម​ប្រទេស​នីមួយៗ​ចេះ​តែ​មាន​ការ​កើន​ឡើង​។ អ៊ីចឹង តើ​ក្នុង​ភេសជ្ជៈ​ប៉ូវ​កម្លាំង​មួយ​កំប៉ុង​មាន​សារធាតុ​ផ្សំ​អ្វី​ខ្លះ​ទើប​អាច​បង្ក​ផល​ប៉ះពាល់​សុខភាព​បែប​នេះ?

​ជា​ធម្មតា នៅ​លើ​កំប៉ុង​ភេសជ្ជៈ​ប៉ូវ​កម្លាំង​កម្រ​មាន​បង្ហាញ​ពី​ភាគរយ​នៃ​ធាតុ​ផ្សំ​នីមួយៗ​ណាស់។ ប៉ុន្តែ​យោង​តាម​ការ​ស្រាវជ្រាវ​បាន​រក​ឃើញ​ថា មាន​ធាតុ​ផ្សំ​ធំៗ​៧​ខាង​ក្រោម​នេះ​ដែល​អាច​ធ្វើ​ឱ្យ​អ្នក​ផឹក​ញឹកញាប់​ជួប​បញ្ហា​ដោយ​មិន​ដឹង​ខ្លួន៖

១. Caffeine៖

បើ​គ្រាន់​តែ​ជា​ការ​ដាក់​ជាតិ​កាហ្វេអ៊ីន​បន្តិច​បន្តួច​ក្នុង​ភេសជ្ជៈ​ វា​អាច​ធ្វើ​ឱ្យ​អ្នក​មាន​ភាព​ភ្លឺស្វាង និង​មាន​ថាមពល​ធ្វើ​ការ​បាន​ល្អ។ ប៉ុន្តែ​មនុស្ស​ដែល​មាន​សុខភាព​ធម្មតា​គ្រប់​រូប​ត្រូវ​ការ​ប្រើ​ជាតិ​កាហ្វេអ៊ីន​នេះ​ត្រឹម​តែ​២០០​ម.ក្រាម​ប៉ុណ្ណោះ​ក្នុង​ភេសជ្ជៈ​មួយ​កំប៉ុង ហើយ​មិន​អាច​ផឹក​លើស​ពី​២កំប៉ុង​​ក្នុង​មួយ​ថ្ងៃ​ឡើយ។

២. វីតាមីន B៖

អ្នក​ជំនាញ​បាន​ឱ្យ​ដឹង​ថា ក្រុម​វីតាមីន​ B ដូច​ជា B6 B12 B3 និង​អាស៊ីត​ហ្វូលីក​ដែល​រលាយ​ក្នុង​​ភេសជ្ជៈ​ប៉ូវ​កម្លាំង​មិន​អាច​គ្រប់​គ្រាន់​ក្នុង​ការ​ធ្វើ​ឱ្យ​អ្នក​ផឹក​មាន​សុខភាព​ល្អ និង​មាន​ថាមពល​ដូច​ដែល​ម្ចាស់​ផលិតផល​ផ្សព្វផ្សាយ​ពាណិជ្ជកម្ម​នោះ​ទេ។

៣. ​ជាតិ​ស្ករ៖

ភេសជ្ជៈ​ប៉ូវ​កម្លាំង​មួយ​ចំនួន​មាន​ផ្ទុក​ជាតិ​ស្ករ​ដល់​ទៅ​៦២​ក្រាម​ ឬ​ច្រើន​ជាង​១៥​ស្លាបព្រាប​កាហ្វេ​ក្នុង​មួយ​កំប៉ុង​ចំណុះ ៤៣៧​ម.ល។ ដូច្នេះ​បើ​ប្រៀបធៀប​ទៅ ភេសជ្ជៈ​បង្កើន​ថាមពល​មួយ​កំប៉ុង​អាច​មាន​កាឡូរី​ដល់​ទៅ​២៥០​កាឡូរី ស្មើ​នឹង​ទឹក​ធម្មតា​ដល់​ទៅ ៥៩១​ម.ល​ឯណោះ។

៤. តូរីន (Taurine)៖

នេះ​ជា​ប្រភេទ​អាមីណូ​អាស៊ីត​ដែល​អាច​បង្កើន​កម្លាំង​​ផ្លូវ​កាយ​ក្នុង​ពេល​​រាងកាយ​កំពុង​ដុត​បំផ្លាញ​ជាតិ​ខ្លាញ់​ក្នុង​ខ្លួន ឬ​​ប្រឹង​រំលាយ​អាហារ ហើយ​សារធាតុ​តូរីន​នេះ​អាច​ប្រើ​ដោយ​ផល​ប៉ះពាល់​តិច​តួច​បំផុត ត្រឹម​តែ​ចំណុះ​៣​ក្រាម​ក្នុង​មួយ​ថ្ងៃ​ប៉ុណ្ណោះ។

៥. Guarana៖

សារធាតុ​នេះ​មាន​ដើម​កំណើត​មក​ពី​អាមេរិកខាង​ត្បូង ដែល​វា​អាច​មាន​បរិមាណ​លើស​កាហ្វេអ៊ីន​ដល់ទៅ​២​ដង ប្រៀប​ធៀប​នឹង​កាហ្វេអ៊ីន​ក្នុង​ទម្ងន់​ដូច​គ្នា។ ម្ចាស់​ផលិតផល​ភាគ​ច្រើន​អះអាង​ថា សារធាតុ​នេះ​អាច​ជួយ​សម្រក​ទម្ងន់​និង​បំបាត់​ភាព​នឿយហត់​បាន ប៉ុន្តែ​ការ​ពិត​នៅ​មិន​ទាន់​មាន​ការ​បង្ហាញ​ច្បាស់​នៅ​ឡើយ។

៦. Ginkgo Biloba៖

ជា​ប្រភេទ​រុក្ខជាតិ​ដែល​ត្រូវ​បាន​គេ​ស្គាល់​ថា មាន​សមត្ថភាព​អាច​បំបាត់​ភាព​ងោកងុយ​អស់​កម្លាំង​និង​បង្កើន​ថាមពល​ការ​ចងចាំ។ ប៉ុន្តែ​បើ​តាម​ការ​សិក្សា​ស្រាវជ្រាវ​លទ្ធផល​ចេញ​មក​ផ្ទុយ​គ្នា​ស្រលះ។ វា​ត្រូវ​បាន​គេ​រក​ឃើញ​ថា សារធាតុ​ក្នុង​រុក្ខជាតិ​នេះ​អាច​បណ្ដាល​ឱ្យ​មាន​ជំងឺ​មហារីក​ក្រពេញ​ទីរ៉ូអ៊ីត និង​មហារីក​ថ្លើម​ដោយ​ពិសោធន៍​ជាមួយ​សត្វ​កណ្ដុរ។

៧. Carnitine៖

ប្រភេទ​អាមីណូ​អាស៊ីត​មួយ​នេះ​អាច​ជំនួយ​ការ​អត់ធ្មត់ និង​ដុត​បំផ្លាញ​ជាតិ​ខ្លាញ់។ ការ​ប្រើ​សារធាតុ​នេះ​ប្រមាណ​៣​ក្រាម​ក្នុង​មួយ​ថ្ងៃ​អាច​​មាន​ការ​ប៉ះពាល់​ខ្លះ គឺ​ទំនង​ជា​អាច​នាំ​ឱ្យ​​ឈឺ​ក្នុង​ពោះ ឬ​ឈាន​ដល់​ការ​ប្រកាច់។

​ជារួម​មក ដោយ​សារ​ភាគ​ច្រើន​ជាពិសេស​បុរស​អាច​ផឹក​ភេសជ្ជៈ​ប្រភេទ​នេះ​ច្រើន វា​អាច​មាន​គ្រោះថ្នាក់​ដល់​សុខភាព​ និង​អង់ស៊ីម​ថ្លើម។ ដូច្នេះ មិន​ថា​តែ​អ្នក​មាន​ជំងឺ​បេះដូង​ស្រាប់ អ្នក​ដែល​កំពុង​មាន​សុខភាព​ធម្មតា ក៏​គួរ​កាត់​បន្ថយ ឬ​បើ​អាច​គួរ​បញ្ឈប់​ទម្លាប់​ផឹក​ភេសជ្ជៈ​ប្រភេទ​នេះ​ឱ្យ​បាន​ទើប​ជា​ការ​ប្រសើរ។

ក្រៅ​ពី​ជំងឺ​បេះដូង​និង​ថ្លើម​ដែល​អ្នក​ផឹក​អាច​ជួប​ប្រទះ​ហើយ នៅ​មាន​ជំងឺ​ និង​ផល​រំខានផ្សេងៗ​ទៀត​ដែល​បង្ក​ពី​ការ​ផឹក​ភេសជ្ជៈ​ប៉ូវ​កម្លាំង​នេះ៖

-ដេក​លែង​លក់

-ជំងឺ​ទឹក​នោម​ផ្អែម​ប្រភេទ​ទី២

-បង្ក​ទៅ​ជា​ញៀន

-សម្ពាធ​ឈាម​ឡើង​ខ្ពស់

-ក្អួត​ចង្អោរ...

ចុចអាន៖ ភេសជ្ជៈ​៧​យ៉ាង​​ដែល​​​អាច​បង្ក​បញ្ហា បើ​​ផឹក​ក្រោយ​​បាយ​ល្ងាច

មាន​ការ​ស្រាវជ្រាវ​​មួយ​ធ្វើ​ឡើង​ទៅ​លើ​ប្រភេទ​ទឹក​​ដែល​អ្នក​​​​​កើត​​ជំងឺ Long QT Syndrome ​ផឹក​ជា​ញឹកញាប់។ LQTS​ គឺ​ជា​ជំងឺ​បណ្ដាល​ឱ្យ​ចង្វាក់​បេះដូង​លោត​ខ្លាំង​ខុស​ពី​ធម្មតា រហូត​ឈាន​ទៅ​ដល់​ស្លាប់​បាត់បង់​ជីវិត។ ការ​សិក្សា​នេះ​​ចេញ​ផ្សាយ​ដោយ​សារព័ត៌មាន​ហទយវិទ្យា​ពិភពលោក (សិក្សា​ពី​បញ្ហា​បេះដូង) World Cadiology ​បាន​រក​ឃើញ​ថា ភេសជ្ជៈ​មួយ​ចំនួន​អាច​បណ្ដាល​ឱ្យ​កើត​រោគ​បេះដូង ដែល​គំរាម​កំហែង​ជីវិត​មនុស្ស​បាន។

ការ​សិក្សា​បាន​បង្ហាញ​បន្ថែម​ថា ចំនួន​អ្នក​ដែល​អាច​កើត​រោគ​នេះ​បាន ភាគ​ច្រើន​ជា​​ក្មេង​ជំទង់ និង​មនុស្ស​ពេញ​វ័យ ដោយ​សារ​មនុស្ស​មួយ​ក្រុម​នេះ​ចូល​ចិត្ត​ផឹក​ភេសជ្ជៈ​បង្កើន​កម្លាំង (Energy Drink) ច្រើន។ ចំនួន​អ្នក​ស្លាប់​ដោយ​សារ​ការ​ផឹក​ភេសជ្ជៈ​ប្រភេទ​នេះ ដែល​នាំ​ដល់​ការ​កើត​រោគ​បេះដូង​រហូត​បាត់​បង់​ជីវិត​នៅ​តាម​ប្រទេស​នីមួយៗ​ចេះ​តែ​មាន​ការ​កើន​ឡើង​។ អ៊ីចឹង តើ​ក្នុង​ភេសជ្ជៈ​ប៉ូវ​កម្លាំង​មួយ​កំប៉ុង​មាន​សារធាតុ​ផ្សំ​អ្វី​ខ្លះ​ទើប​អាច​បង្ក​ផល​ប៉ះពាល់​សុខភាព​បែប​នេះ?

​ជា​ធម្មតា នៅ​លើ​កំប៉ុង​ភេសជ្ជៈ​ប៉ូវ​កម្លាំង​កម្រ​មាន​បង្ហាញ​ពី​ភាគរយ​នៃ​ធាតុ​ផ្សំ​នីមួយៗ​ណាស់។ ប៉ុន្តែ​យោង​តាម​ការ​ស្រាវជ្រាវ​បាន​រក​ឃើញ​ថា មាន​ធាតុ​ផ្សំ​ធំៗ​៧​ខាង​ក្រោម​នេះ​ដែល​អាច​ធ្វើ​ឱ្យ​អ្នក​ផឹក​ញឹកញាប់​ជួប​បញ្ហា​ដោយ​មិន​ដឹង​ខ្លួន៖

១. Caffeine៖

បើ​គ្រាន់​តែ​ជា​ការ​ដាក់​ជាតិ​កាហ្វេអ៊ីន​បន្តិច​បន្តួច​ក្នុង​ភេសជ្ជៈ​ វា​អាច​ធ្វើ​ឱ្យ​អ្នក​មាន​ភាព​ភ្លឺស្វាង និង​មាន​ថាមពល​ធ្វើ​ការ​បាន​ល្អ។ ប៉ុន្តែ​មនុស្ស​ដែល​មាន​សុខភាព​ធម្មតា​គ្រប់​រូប​ត្រូវ​ការ​ប្រើ​ជាតិ​កាហ្វេអ៊ីន​នេះ​ត្រឹម​តែ​២០០​ម.ក្រាម​ប៉ុណ្ណោះ​ក្នុង​ភេសជ្ជៈ​មួយ​កំប៉ុង ហើយ​មិន​អាច​ផឹក​លើស​ពី​២កំប៉ុង​​ក្នុង​មួយ​ថ្ងៃ​ឡើយ។

២. វីតាមីន B៖

អ្នក​ជំនាញ​បាន​ឱ្យ​ដឹង​ថា ក្រុម​វីតាមីន​ B ដូច​ជា B6 B12 B3 និង​អាស៊ីត​ហ្វូលីក​ដែល​រលាយ​ក្នុង​​ភេសជ្ជៈ​ប៉ូវ​កម្លាំង​មិន​អាច​គ្រប់​គ្រាន់​ក្នុង​ការ​ធ្វើ​ឱ្យ​អ្នក​ផឹក​មាន​សុខភាព​ល្អ និង​មាន​ថាមពល​ដូច​ដែល​ម្ចាស់​ផលិតផល​ផ្សព្វផ្សាយ​ពាណិជ្ជកម្ម​នោះ​ទេ។

៣. ​ជាតិ​ស្ករ៖

ភេសជ្ជៈ​ប៉ូវ​កម្លាំង​មួយ​ចំនួន​មាន​ផ្ទុក​ជាតិ​ស្ករ​ដល់​ទៅ​៦២​ក្រាម​ ឬ​ច្រើន​ជាង​១៥​ស្លាបព្រាប​កាហ្វេ​ក្នុង​មួយ​កំប៉ុង​ចំណុះ ៤៣៧​ម.ល។ ដូច្នេះ​បើ​ប្រៀបធៀប​ទៅ ភេសជ្ជៈ​បង្កើន​ថាមពល​មួយ​កំប៉ុង​អាច​មាន​កាឡូរី​ដល់​ទៅ​២៥០​កាឡូរី ស្មើ​នឹង​ទឹក​ធម្មតា​ដល់​ទៅ ៥៩១​ម.ល​ឯណោះ។

៤. តូរីន (Taurine)៖

នេះ​ជា​ប្រភេទ​អាមីណូ​អាស៊ីត​ដែល​អាច​បង្កើន​កម្លាំង​​ផ្លូវ​កាយ​ក្នុង​ពេល​​រាងកាយ​កំពុង​ដុត​បំផ្លាញ​ជាតិ​ខ្លាញ់​ក្នុង​ខ្លួន ឬ​​ប្រឹង​រំលាយ​អាហារ ហើយ​សារធាតុ​តូរីន​នេះ​អាច​ប្រើ​ដោយ​ផល​ប៉ះពាល់​តិច​តួច​បំផុត ត្រឹម​តែ​ចំណុះ​៣​ក្រាម​ក្នុង​មួយ​ថ្ងៃ​ប៉ុណ្ណោះ។

៥. Guarana៖

សារធាតុ​នេះ​មាន​ដើម​កំណើត​មក​ពី​អាមេរិកខាង​ត្បូង ដែល​វា​អាច​មាន​បរិមាណ​លើស​កាហ្វេអ៊ីន​ដល់ទៅ​២​ដង ប្រៀប​ធៀប​នឹង​កាហ្វេអ៊ីន​ក្នុង​ទម្ងន់​ដូច​គ្នា។ ម្ចាស់​ផលិតផល​ភាគ​ច្រើន​អះអាង​ថា សារធាតុ​នេះ​អាច​ជួយ​សម្រក​ទម្ងន់​និង​បំបាត់​ភាព​នឿយហត់​បាន ប៉ុន្តែ​ការ​ពិត​នៅ​មិន​ទាន់​មាន​ការ​បង្ហាញ​ច្បាស់​នៅ​ឡើយ។

៦. Ginkgo Biloba៖

ជា​ប្រភេទ​រុក្ខជាតិ​ដែល​ត្រូវ​បាន​គេ​ស្គាល់​ថា មាន​សមត្ថភាព​អាច​បំបាត់​ភាព​ងោកងុយ​អស់​កម្លាំង​និង​បង្កើន​ថាមពល​ការ​ចងចាំ។ ប៉ុន្តែ​បើ​តាម​ការ​សិក្សា​ស្រាវជ្រាវ​លទ្ធផល​ចេញ​មក​ផ្ទុយ​គ្នា​ស្រលះ។ វា​ត្រូវ​បាន​គេ​រក​ឃើញ​ថា សារធាតុ​ក្នុង​រុក្ខជាតិ​នេះ​អាច​បណ្ដាល​ឱ្យ​មាន​ជំងឺ​មហារីក​ក្រពេញ​ទីរ៉ូអ៊ីត និង​មហារីក​ថ្លើម​ដោយ​ពិសោធន៍​ជាមួយ​សត្វ​កណ្ដុរ។

៧. Carnitine៖

ប្រភេទ​អាមីណូ​អាស៊ីត​មួយ​នេះ​អាច​ជំនួយ​ការ​អត់ធ្មត់ និង​ដុត​បំផ្លាញ​ជាតិ​ខ្លាញ់។ ការ​ប្រើ​សារធាតុ​នេះ​ប្រមាណ​៣​ក្រាម​ក្នុង​មួយ​ថ្ងៃ​អាច​​មាន​ការ​ប៉ះពាល់​ខ្លះ គឺ​ទំនង​ជា​អាច​នាំ​ឱ្យ​​ឈឺ​ក្នុង​ពោះ ឬ​ឈាន​ដល់​ការ​ប្រកាច់។

​ជារួម​មក ដោយ​សារ​ភាគ​ច្រើន​ជាពិសេស​បុរស​អាច​ផឹក​ភេសជ្ជៈ​ប្រភេទ​នេះ​ច្រើន វា​អាច​មាន​គ្រោះថ្នាក់​ដល់​សុខភាព​ និង​អង់ស៊ីម​ថ្លើម។ ដូច្នេះ មិន​ថា​តែ​អ្នក​មាន​ជំងឺ​បេះដូង​ស្រាប់ អ្នក​ដែល​កំពុង​មាន​សុខភាព​ធម្មតា ក៏​គួរ​កាត់​បន្ថយ ឬ​បើ​អាច​គួរ​បញ្ឈប់​ទម្លាប់​ផឹក​ភេសជ្ជៈ​ប្រភេទ​នេះ​ឱ្យ​បាន​ទើប​ជា​ការ​ប្រសើរ។

ក្រៅ​ពី​ជំងឺ​បេះដូង​និង​ថ្លើម​ដែល​អ្នក​ផឹក​អាច​ជួប​ប្រទះ​ហើយ នៅ​មាន​ជំងឺ​ និង​ផល​រំខានផ្សេងៗ​ទៀត​ដែល​បង្ក​ពី​ការ​ផឹក​ភេសជ្ជៈ​ប៉ូវ​កម្លាំង​នេះ៖

-ដេក​លែង​លក់

-ជំងឺ​ទឹក​នោម​ផ្អែម​ប្រភេទ​ទី២

-បង្ក​ទៅ​ជា​ញៀន

-សម្ពាធ​ឈាម​ឡើង​ខ្ពស់

-ក្អួត​ចង្អោរ...

ចុចអាន៖ ភេសជ្ជៈ​៧​យ៉ាង​​ដែល​​​អាច​បង្ក​បញ្ហា បើ​​ផឹក​ក្រោយ​​បាយ​ល្ងាច


ប្រភព៖ caffeineinformer ប្រែ​សម្រួល៖ សរ សុគន្ធី

អត្ថបទពេញនិយម