មនុស្សស្រីកើតមកបើឆ្លាតពេក ខាតអ្នកដទៃ តែបើល្ងង់ពេក គឺខាតខ្លួនឯង
- 2018-07-12 03:00:00
- ចំនួនមតិ 0 | ចំនួនចែករំលែក 0
មនុស្សស្រីកើតមកបើឆ្លាតពេក ខាតអ្នកដទៃ តែបើល្ងង់ពេក គឺខាតខ្លួនឯង
ពេលនិយាយដល់មនុស្សស្រី គេតែងគិតដល់តែរឿងអាស្រូវ។ មានអ្នកណាកើតមកជាស្រីហើយទទួលបានភាពសុខស្រួលពេញមួយជិវិតនោះ?
គេតែងបង្រៀនមនុស្សស្រីឲ្យរស់នៅចេះប្រមាណកម្លាំងខ្លួនឯង ព្រោះបង្ហាញឲ្យគេដឹងថាយើងឆ្លាតពេកក៏មិនបាន បើយើងឆោតពេករឹតតែខាតខ្លួនឯងថែមទៀត។ នារីឆ្លាតមានខួរក្បាលត្រជាក់ បេះដូងគិតវែងឆ្ងាយ ហេតុនេះអ្នកណាដែលប៉ះដល់គេប្រាកដជាគ្មានលទ្ធផលល្អឡើយ។
មានកំហុសជាមួយមនុស្សស្រីឆ្លាត ហាក់ដូចយករឿងដាក់ខ្លួន ព្រោះពួកគេចាំយូរណាស់។ និយាយថាមនុស្សស្រីលោភលន់ ក៏មិនប្រាកដថាខុស ព្រោះគេតែងចង់ទទួលបានសុភមង្គលដែលខ្លួនស័ក្ដិសមនឹងទទួលបាន។ ដោយឡែកសម្រាប់អ្នកឆ្លាត ដើម្បីទទួលបានសុភមង្គល គេអាចប្រើវិធីគ្រប់យ៉ាងដណ្ដើមយកបានវាក្នុងដៃ។
នារីឆ្លាត រស់នៅដើម្បីខ្លួនឯង យកផលប្រយោជន៍ខ្លួនឯងជាធំ អាត្មានិយមដល់ថ្នាក់ពេលខ្លះភ្លេចដល់អ្នកដែលនៅជុំវិញខ្លួន។ ឆ្លាតពេក ពេលខ្លះក្លាយជាល្បិចកល។ គេអាចច្រានចោលសេចក្ដីសុខរបស់អ្នកដទៃ ឲ្យតែខ្លួនបានសុខទាំងដែលធ្វើឲ្យអ្នកដទៃរងទុក្ខ។ អាស្រ័យហេតុនេះ ប្រឈមមុខនឹងស្រីឆ្លាត ទោះបីជាស្ញប់ស្ញែង តែបុរសក៏មានភាពភ័យខ្លាចមិនតិចដែរ ព្រោះមនុស្សប្រុសងាយសាងកំហុស ឯស្រីឆ្លាត ពូកែចាប់កំហុស។
ផ្ទុយមកវិញ មនុស្សស្រីឆោត ធ្វើឲ្យមនុស្សជុំវិញនឿយហត់នឹងខ្លួន។ អាណិតពួកគេដែរ នៅពេលអ្វីដែលពួកគេចេះនោះគឺសង្ឃឹម។ សង្ឃឹមថាអ្វីៗនឹងដូចពួកគេប៉ងប្រាថ្នា ហើយចុងបញ្ចប់ទើបដឹងថា ការពិតមិនដូចនឹងអ្វីដែលយើងគិត។ អ៊ីចឹងហើយ ទើបគេថាធ្វើមនុស្សស្រី ត្រូវចេះថ្លឹងថ្លែង ទើបចូលសង្គមចុះ ហើយមានសុភមង្គល។ ទោះយើងឆ្លាត ក៏កុំបញ្ចេញទាំងអស់ ប្រយ័ត្នគេស្អប់ ហើយបើយើងនៅឆោត ត្រូវប្រមូលបទពិសោធន៍ ហើយរៀនឆ្លាតឡើង៕
ចុចអាន៖
ដឹង ៦វិធីនេះទើបរស់នៅមានក្ដីសុខ ក្នុងសង្គមដែលសម្បូរតែអ្នករិះគន់
មនុស្សស្រីខ្លាំងពិតប្រាកដ មិនឈឺក្បាលវិលមុខនឹងរឿង ៥ យ៉ាងនេះ