មិត្តប្រុសល្អ មិនភ្លេចផ្ញើសារទាំងនេះទៅកាន់សង្សារឲ្យសប្បាយចិត្តឡើយ

2018-07-10 12:00:00
ចំនួនមតិ 0 | ចំនួនចែករំលែក 0

អ្នកពិតជាមានសំណាងណាស់ បើអ្នកបានជួបមិត្តប្រុសដ៏ល្អ ហើយចេះបារម្ភខ្វាយខ្វល់ពីអ្នកជារៀងរាល់ថ្ងៃ។ គាត់ក៏ប្រហែលជាមនុស្សដែលចូលចិត្តផ្ញើសារបែបផ្អែមល្ហែម រ៉ូមែនទិក ដែលអាចធ្វើឲ្យអ្នកញញឹមរាល់ពេលដែលអានវាម្តងៗ។ បើអ្នកបានទទួលសារដូចខាងក្រោមនេះពីមិត្តប្រុស សបញ្ជាក់យ៉ាងច្បាស់ថាគាត់ស្រលាញ់អ្នកខ្លាំង ព្រមទាំងខ្លាចបាត់បង់អ្នកជាទីបំផុត។

១. អរុណសួស្តីអូនសម្លាញ់! អរុណសួស្តីព្រះនាងតូចដ៏ស្រស់ស្អាតរបស់បង!

នេះបង្ហាញថាគ្រាន់តែក្រោកឡើងភ្លាមគឺគាត់នឹកឃើញដល់អ្នកមុនគេ ហើយវាអាចធ្វើឲ្យអ្នកចាប់ផ្តើមថ្ងៃថ្មីដោយភាពស្រស់បំព្រង។

២. តើការងារថ្ងៃនេះយ៉ាងម៉េចហើយ អូនហត់ដែរទេ?

តើការប្រឡងបានពិន្ទុល្អទេ? គាត់មានការព្រួយបារម្ភ ចាំជួយលើកទឹកចិត្ត គ្រប់ទង្វើ និងរាល់កិច្ចការដែលអ្នកធ្វើ។

៣. បងពិតជាចង់ជួបអូនណាស់

ភាគច្រើនឃ្លាមួយនេះ មនុស្សប្រុសផ្ញើឲ្យសង្សារខ្លួនតែពេលស្រលាញ់គ្នាដំបូង ប៉ុន្តែបើស្រលាញ់គ្នាយូរហើយ នៅតែទទួលបានសារបែបនេះទៀត មនុស្សស្រីច្បាស់ជាមានអារម្មណ៍ពិសេស និងស្រលាញ់សង្សារខ្លួនលើសអ្វីៗទាំងអស់។

៤. បងនឹងទៅយកអូនល្ងាចនេះនៅម៉ោង ៥

រាល់ពេលដែលគាត់ណាត់ជួប និងទៅយកអ្នកចេញមកដើរលេងខាងក្រៅម្តងៗ គាត់តែងគោរពពេលវេលាបានត្រឹមត្រូវ មិនលើសមិនខ្វះនោះឡើយ។

៥. បងចង់ជួបនិយាយគ្នាជាមួយអូនដោយផ្ទាល់

ពេលដែលអ្នកខឹងអន់ចិត្តនឹងគាត់ គាត់មិនដែលទុកអ្នកចោល។ គាត់តែងចង់និយាយពន្យល់ ពីរឿងណាដែលសំខាន់ ដោះស្រាយទល់មុខគ្នាជាមួយអ្នក។

៦. អូនបានធ្វើឲ្យជីវិតបងប្រសើរជាងមុន

គាត់ចង់បង្ហាញថាវត្តមានអ្នក គឺពិតជាសំខាន់មានន័យខ្លាំងណាស់ នៅក្នុងជីវិតគាត់។

៧. មិនបាច់ Make Up ពេកទេ បងស្រលាញ់លក្ខណៈធម្មជាតិរបស់អូន

មិត្តប្រុសល្អ មិនតម្រូវឲ្យមិត្តស្រីតុបតែងខ្លូនគ្រប់ពេលវេលានោះទេ គាត់គោរពស្រលាញ់នូវអ្វីដែលនាងមានពីធម្មជាតិ គិតពីអត្តចរិតខាងក្នុងជាជាងសំបកក្រៅ។

៨. អូនចង់ទៅណាក៏បានដែរ បងមិនអីទេ

គាត់តាមចិត្តអ្នកគ្រប់ពេល មិនថាអ្នកចង់ទៅទីកន្លែងណា ឲ្យតែបាននៅក្បែរអ្នក គាត់សប្បាយចិត្តណាស់ទៅហើយ។

៩. បងសុំទោស ដែលធ្វើឲ្យអូនខឹង

ពេលដែលគាត់ឈ្លោះប្រកែកជាមួយអ្នក គឺយកឈ្នះចាញ់រៀងៗខ្លួន ប៉ុន្តែចុងក្រោយគាត់នៅតែផ្ញើសារមកសុំទោសអ្នកមុន ព្រោះគាត់មិនចង់ឃើញអ្នកកើតទុក្ខ និងមិនចង់ឲ្យចំណងស្នេហ៍របស់អ្នកទាំងពីរមានភាពប្រេះឆា៕

ចុចអានបន្ត៖

ប្រភព៖ bolde ប្រែសម្រួល៖ ដេត ឈុនអ៉ី