ពេលបុរសខ្លួនស្រលាញ់ជួបទុក្ខលំបាក ត្រូវចេះពីវិធីលើកទឹកចិត្តដ៏មានប្រសិទ្ធភាពនេះ
- 2018-07-09 08:00:00
- ចំនួនមតិ 0 | ចំនួនចែករំលែក 0
ពេលបុរសខ្លួនស្រលាញ់ជួបទុក្ខលំបាក ត្រូវចេះពីវិធីលើកទឹកចិត្តដ៏មានប្រសិទ្ធភាពនេះ
នៅក្នុងទំនាក់ទំនងស្នេហា គឺត្រូវតែមានការស្រលាញ់ ការព្រួយបារម្ភ និងការយកចិត្តទុកដាក់ចំពោះគ្នាទៅវិញទៅមក។ ពេលដៃគូម្ខាងមានទុក្ខ ឬធ្លាក់ដល់ស្ថានភាពមួយដែលពិបាកបំផុត មានតែមនុស្សដែលខ្លួនស្រលាញ់ប៉ុណ្ណោះ អាចជួយស្រោចស្រង់បាន។ ហេតុនេះហើយ ប្រសិនបើអ្នកឃើញដៃគូកំពុងតែជួបបញ្ហា មានភាពស្មុគស្មាញច្រើន អ្នកត្រូវដឹងពីរបៀបនៃការលើកទឹកចិត្ត ដើម្បីជួយកែខៃឲ្យមានអារម្មណ៍ធូរស្រាល និងប្រសើរឡើងវិញ។
១. ពេលគាត់កើតទុក្ខ កុំកើតទុក្ខតាមគាត់ដែរ
ដោយសារតែការស្រលាញ់ ធ្វើឲ្យមនុស្សមានអារម្មណ៍តែមួយ ឃើញដៃគូម្ខាងមិនសប្បាយចិត្ត អ្នកច្បាស់ជាមិនសប្បាយចិត្តដូចគ្នាដែរ។ យ៉ាងណាការធ្វើបែបនេះ មិនអាចកែប្រែអ្វីបានឡើយ។ អ្វីដែលសំខាន់នោះ គឺត្រូវចេះផ្តល់ការគាំទ្រ ស្នាមញញឹម និងភាពជឿជាក់ទៅលើគាត់ ដើម្បីឲ្យគាត់មានកម្លាំងដើរទៅមុខបន្តទៀត ហើយដឹងថាខ្លួនឯងអាចយកឈ្នះរឿងអស់ទាំងនោះបាន។ បើអ្នកគិតតែពីបារម្ភកើតទុក្ខដូចគាត់ដែរនោះ គាត់នឹងលែងហ៊ាននិយាយប្រាប់ដោយត្រង់ៗ ពីបញ្ហាមាននៅក្នុងចិត្តទៀត។
២. ជួយរកដំណោះស្រាយ
ពេលដែលអ្នកស្វែងយល់ពីបញ្ហារបស់គាត់ ត្រូវរិះរកពីវិធីសមគួរ ដើម្បីដោះជួយដោះស្រាយ ឬយ៉ាងហោចណាស់ផ្តល់ជាយោបល់ល្អៗ ដែលអ្នកគិតថាអាចទៅរួច ព្រោះពេលខ្លះមនុស្សស្មុគស្មាញខ្លាំងពេក សូម្បីតែរឿងតូចតាចក៏គិតមិនឃើញដែរ។ មួយវិញទៀត បើទោះជាដំណោះស្រាយអ្នកផ្តល់ឲ្យមិនអាចជួយអ្វីបាន ក៏គាត់សប្បាយចិត្ត ព្រោះវាជាការបង្ហាញនូវការយកចិត្តទុកដាក់ និងព្រួយបារម្ភពីគ្នាគ្រាន់បើជាងការមិននិយាយអ្វីសោះដែរ។
៣. មិនបន្ទោសបង្អាប់
ពេលដៃគូអ្នកជួបបរាជ័យ នៅលើវិធីដែលគាត់ជ្រើសរើសដើរដោយខ្លួនឯង ក៏កុំបន្ទោសគាត់អី ព្រោះគ្មាននរណាចង់ឲ្យមានរឿងអាក្រក់កើតឡើងនោះឡើយ។ កុំព្យាយាមទម្លាក់កំហុសលើគាត់ ហើយនិយាយបង្អាប់ ដែលអាចសម្លាប់ទឹកចិត្ត និងកាន់តែសុញលើសដើម។
៤. ផ្តល់នូវការម៉ាស្សាក្បាល
ការម៉ាស្សាក្បាលថ្នមៗ អាចជួយបន្ថយភាពតានតឹងបានមួយកម្រិត ព្រោះវាអាចជួយឲ្យសរសៃឈាមរត់ស្រួល និងមានអារម្មណ៍ធូរស្រាលឡើងវិញបាន។
៥. ទៅដើរលេងលំហែកាយជាមួយគាត់
នេះជាវិធីដ៏ល្អបំផុត ដែលអាចជួយឲ្យអារម្មណ៍ស្រស់ថ្លា ដូចជាការទៅដើរលេងនៅសមុទ្រ កន្លែងមានភ្នំ ព្រៃព្រឹក្សា ឬកន្លែងមានទឹកព្រមទាំងមានទេសភាពស្រស់ស្អាតជាដើម។
៦. ត្រូវបញ្ជាក់ថា អ្នកអាចនៅជាទីពឹងរបស់គាត់គ្រប់ពេលវេលា
មិនថាពេលមានលុយ ឬពេលអត់លុយក៏ដោយ ត្រូវបញ្ជាក់ពីការស្រលាញ់គ្នាដោយគ្មានលក្ខណ។ បើអ្នកស្រលាញ់គាត់តែពេលគាត់ជោគជ័យមានបាន ហើយគិតចង់ចាកចេញពេលឃើញគាត់បរាជ័យ នោះគាត់នឹងអស់ទំនុកចិត្តលើអ្នកជាក់ជាមិនខាន។ ដូច្នេះទោះបីជាត្រូវ ជួបឧបសគ្គច្រើនប៉ុនណាក៏ដោយ ត្រូវតស៊ូនៅជាមួយគ្នា ដើម្បីបញ្ជាក់ប្រាប់គាត់ថា អ្នកគ្មានថ្ងៃបោះបង់គាត់នោះទេ៕
ចុចអានបន្ត៖