ផ្លែឈើដែលគួរ និងមិនគួរញ៉ាំទាំងគ្រាប់
- 2018-07-03 04:10:00
- ចំនួនមតិ 0 | ចំនួនចែករំលែក 0
ផ្លែឈើដែលគួរ និងមិនគួរញ៉ាំទាំងគ្រាប់
បើអ្នកឧស្សាហ៍ញ៉ាំផ្លែឈើ សូមកុំភ្លេចតាមដាននូវអត្ថប្រយោជន៍ និងផលប៉ះពាល់ ដើម្បីឲ្យដឹងបានកាន់តែច្បាស់ថា ផ្លែឈើណាខ្លះអាចញ៉ាំទាំងគ្រាប់បាន ហើយល្អចំពោះសុខភាព និងផ្លែឈើណាខ្លះទៀតដែលញ៉ាំទាំងគ្រាប់ទៅ អាចមានផលអវិជ្ជមានសម្រាប់សុខភាព?
១. គ្រាប់ផ្លែបឺរ
គ្រាប់ផ្លែបឺរ សម្បូរទៅដោយជីវជាតិល្អៗជាច្រើន វាមានសារធាតុប្រឆាំងអុកស៊ីតកម្ម ការរោលរលាក ប្រឆាំងនឹងមហារីកជាដើម។ អ្នកអាចញ៉ាំគ្រាប់វាបាន ដោយយកទៅត្រាំទឹក ហាលថ្ងៃ រួចដុត ហើយកិនវាឲ្យទៅជាម្សៅ បន្ទាប់មកអ្នកអាចយកមកលាយក្នុងអាហារដែលអ្នកញ៉ាំ។
២. គ្រាប់ឪឡឹក
គ្រាប់ឪឡឹកមានជាតិម៉ាញេស្យូម ដែលអាចជួយដល់ប្រព័ន្ធសរសៃប្រសាទ សាច់ដុំ បេះដូង និងឆ្អឹង។
៣. គ្រាប់ល្ហុង
គ្រាប់ល្ហុង អាចជួយដល់ប្រព័ន្ធរំលាយអាហារ ជួយសម្រួលដល់ពោះវៀន។ អ្នកអាចញ៉ាំគ្រាប់ល្ហុងទាំងនៅស្រស់ ឬកិនឲ្យម៉ត់ដើម្បីលាយជាមួយអាហារ។
៤. គ្រាប់ក្រូច
គ្រាប់ក្រូចមានប្រសិទ្ធភាពខ្ពស់ក្នុងការព្យាបាលអាការៈក្អក និងជួយឲ្យស្បែកភ្លឺស្អាតថែមទៀតផង។
៥. គ្រាប់ទំពាំងបាយជូរ
គ្រាប់ទំពាំងបាយជូរអាចជួយស្បែកបានច្រើនខ្លាំងណាស់ ដូចជាការពារមិនឲ្យកើតមុន ស្នាមជ្រីវជ្រួញ ជំងឺសើស្បែក និងអត្ថប្រយោជន៍ជាច្រើនទៀតដែលរៀបរាប់មិនអស់។
៦. គ្រាប់ផ្លែទទឹម
មានអ្នកខ្លះញ៉ាំផ្លែទទឹមដោយមិនហ៊ានលេបទាំងគ្រាប់ ប៉ុន្តែអ្នកត្រូវដឹងថា គ្រាប់ផ្លែទទឹមមានប្រយោជន៍ណាស់។ វាអាចជួយការពារស្បែកពីជំងឺមហារីក និងព្យាបាលស្បែកដែលមានដំបៅ។ មិនតែប៉ុណ្ណោះ គ្រាប់ផ្លែទទឹមអាចជួយបន្សាបជាតិពុលនៅក្នុងខ្លួន ធ្វើឲ្យរាងកាយមានកម្លាំងឡើងវិញ។
៧. គ្រាប់ខ្នុរ
គ្រាប់ខ្នុរមានជាតិដែក ដែលអាចជួយទាំងសុខភាពផ្លូវភេទនិងរាងកាយបានយ៉ាងល្អ។ វាក៏អាចសម្រួលដល់ការរំលាយអាហារ ជួយឲ្យភ្នែកភ្លឺថ្លា ជំនួយសក់ និងស្បែកឲ្យទន់រលោង។
*តើផ្លែឈើអ្វីខ្លះ ដែលមិនគួរញ៉ាំទាំងគ្រាប់?
១. គ្រាប់ត្របែក
គ្រាប់ត្របែកអាចញ៉ាំបានលុះត្រាតែអ្នកទំពាឲ្យបានម៉ត់ល្អ បើអ្នកប្រហែសតែបន្តិច គ្រាប់ត្របែកតែមួយគ្រាប់អាចធ្លាក់ចូលទៅក្នុងខ្នែងពោះវៀន ធ្វើឲ្យអ្នកចុករមួលរហូតឈានដល់ការវះកាត់ក៏មាន។ ជាពិសេស អ្នកមានបញ្ហាក្រពះមិនគួរញ៉ាំត្របែកទាំងគ្រាប់ឡើយ។
២. គ្រាប់ប៉េងប៉ោះ
ប៉េងប៉ោះល្អចំពោះសុខភាព ប៉ុន្តែគ្រាប់របស់វាមិនល្អ សម្រាប់អ្នកដែលមានបញ្ហាក្រពះពោះវៀន ព្រោះគ្រាប់របស់វាពិបាកកិនខ្លាំងណាស់។
៣. គ្រាប់ផ្លែប៉ោម
គ្រាប់ផ្លែប៉ោម អាចផ្តល់ផលប៉ះពាល់ដល់សុខភាពជាច្រើនដូចជា ឈឺក្បាល ក្អួតចង្អោរ ភ្លឹក សម្ពាធឈាមធ្លាក់ចុះជាដើម ដូច្នេះគួរជៀសវាងកុំញ៉ាំផ្លែប៉ោមទាំងគ្រាប់ឲ្យសោះ។
៤. គ្រាប់ត្រសក់
ភាគច្រើននរណាក៏ញ៉ាំត្រសក់ទាំងគ្រាប់ដែរ ប៉ុន្តែបើអ្នកញ៉ាំក្នុងបរិមាណច្រើនពេក វានឹងស្រូបជាតិសំណើម និងធ្វើឲ្យរាងកាយមានសភាពស្ងួត។
៥. គ្រាប់ម្ទេស
អ្នកជំនាញបានណែនាំឲ្យយកគ្រាប់ចេញពេលដែលអ្នកញ៉ាំម្ទេស ព្រោះគ្រាប់ម្ទេសអាចបំផ្លាញភ្នាសនៃក្រពះ កិនមិនបានម៉ត់ល្អ និងបង្កឲ្យទល់លាមកផងដែរ៕
ចុចអានបន្ត៖