អត្ថប្រយោជន៍នៃផ្លែមង្ឃុតដែលពុំសូវមានអ្នកដឹង

2018-06-15 06:00:00
ចំនួនមតិ 0 | ចំនួនចែករំលែក 0

អ្នកធ្លាប់តែបានញ៉ាំផ្លែមង្ឃុត ប៉ុន្តែអ្នកប្រហែលជាមិនបានដឹងពីអត្ថប្រយោជន៍ជាច្រើនដែលមាននៅក្នុងផ្លែមង្ឃុតនេះទេ។ មង្ឃុតអាចប្រឆាំងនឹងជំងឺផ្សេងៗ ជាពិសេសជំងឺមហារីក ប៉ុន្តែមិនមែនមានតែប៉ុណ្ណឹងទេ ចង់ដឹងពីសារប្រយោជន៍ជាច្រើនទៀត កុំភ្លេចអាននូវចំណុចដែលបានរៀបរាប់ខាងក្រោមនេះ៖

១. ប្រឆាំងនឹងមហារីក

តាមការសិក្សាស្រាវជ្រាវបានបង្ហាញថា នៅក្នុងផ្លែមង្ឃុតមានសារជាតិ Xanthones ដែលមានតួនាទីយ៉ាងសំខាន់ ក្នុងការប្រឆាំងការពារនឹងជំងឺមហារីក ដូចជាមហារីកពោះវៀន មហារីកក្រពេញប្រូស្តាត មហារីកដោះ និងមហារីកស្បែកផងដែរ។

២. បំបាត់ការរោលរលាក និងប្រតិកម្មស្បែក

ប្រសិនបើអ្នកមានការរោលរលាក ឬមានប្រតិកម្មជាមួយស្បែក ផ្លែមង្ឃុតគឺមានប្រសិទ្ធភាពបំផុត ក្នុងការជួយដោះស្រាយ បញ្ហាទាំងអស់នេះ។

៣. ជួយកាត់បន្ថយជាតិស្ករ

វាល្អសម្រាប់អ្នកដែលកើតជំងឺទឹកនោមផ្អែម ហើយថែមទាំងអាចរក្សាតុល្យភាពនៃកម្រិតជាតិស្កនៅក្នុងខ្លួនបានទៀតផង។

៤. ជួយព្យាបាលការកើតមុន

មង្ឃុតអាចជួយព្យាបាលការកើតមុន ព្រោះវាមានកម្រិតនៃសារធាតុប្រឆាំងនឹងអុកស៊ីតកម្មខ្ពស់ ដែលមិនបណ្តាលឲ្យមុខកើតមុននោះឡើយ។

៥. ជំនួយបេះដូង

តាមការសាកល្បងធ្វើពិសោធន៍ជាមួយសត្វ បានបង្ហាញថាសារធាតុ Xanthones នៅក្នុងផ្លែមង្ឃុត អាចជួយកាត់បន្ថយការគាំងបេះដូង និងធ្វើឲ្យបេះដូងមានសុខភាពល្អ។

៦. ជួយការពារប្រព័ន្ធភាពស៊ាំរាងកាយ

ក្រៅពីមានផ្ទុកនូវសារធាតុសំខាន់ៗ ផ្លែមង្ឃុតក៏មានផ្ទុកនូវវីតាមីនC ដែលអាចជួយការពារប្រព័ន្ធភាពស៊ាំនៃរាងកាយ និងការពារទប់ស្កាត់មិនឲ្យជំងឺផ្សេងៗចូលមកលុកលុយបានដោយងាយ។

៧. ជួយដល់ប្រព័ន្ធរំលាយអាហារ

ដោយសារតែនៅក្នុងផ្លែមង្ឃុត មានជាតិសរសៃ Fiber ដូច្នេះវាអាចជួយដល់ប្រព័ន្ធរំលាយអាហារ ឲ្យធ្វើការកិនរំលាយបានយ៉ាងល្អ។

ប្រភព៖ davidwolfe ប្រែសម្រួល៖ ដេត ឈុនអ៉ី