មានសញ្ញាទាំងនេះ អ្នកស្ថិតក្នុងស្ថានភាពជំងឺបាក់ទឹកចិត្តធ្ងន់ធ្ងរ គួរប្រញាប់ទៅពិគ្រោះជាមួយអ្នកជំនាញ
- 2018-06-28 10:00:00
- ចំនួនមតិ 0 | ចំនួនចែករំលែក 0
មានសញ្ញាទាំងនេះ អ្នកស្ថិតក្នុងស្ថានភាពជំងឺបាក់ទឹកចិត្តធ្ងន់ធ្ងរ គួរប្រញាប់ទៅពិគ្រោះជាមួយអ្នកជំនាញ
ជំងឺបាក់ទឹកចិត្តគឺជាឃាតកលាក់មុខ ដែលបានសម្លាប់មនុស្សស្រីប្រុសមិនរើសវ័យឡើយ។ ជំងឺបាក់ទឹកចិត្តជាជំងឺមិនអាចព្យាបាលដោយថ្នាំតែម៉្យាងនោះទេ តែត្រូវការពេលវេលា ការយកចិត្តទុកដាក់ និងការព្រឹក្សាយោបល់។ រោគសញ្ញាជំងឺនេះ គឺខុសគ្នាពីមនុស្សម្នាក់ទៅមនុស្សម្នាក់ទៀត ប៉ុន្តែបើអ្នកមានរោគសញ្ញាទាំង ១០ ចំណុចនេះគឺកម្រិតនៃការបាក់ទឹកចិត្តនោះកំពុងតែមានសភាពធ្ងន់ធ្ងរណាស់។
**១. អ្នកតែងតែមានអារម្មណ៍ថាអស់សង្ឃឹមជានិច្ច**
អ្នកតែងតែយល់ថាអ្នកមិនអាចស្ដារអ្វីឲ្យប្រសើរឡើងនោះទោះជាខំប្រឹងធ្វើចិត្តយ៉ាងណាក៏ដោយ។
២. អស់ការចាប់អារម្មណ៍ពីទម្លាប់ដែលចូលចិត្តធ្វើពីមុន
កាលពីមុនចូលចិត្តមើលទូរទស្សន៍ លេងហ្វេសប៊ុក ឬចេញក្រៅជួបមិត្តភក្តិជាដើមតែឥលូវ មានអារម្មណ៍ថាលេងចង់ធ្វើទាំងអស់។
៣.ផ្លាស់ប្ដូរចំណង់នៃការញ៉ាំ ស្រកឬឡើងគីឡូយ៉ាងគំហុក
ទម្ងន់ផ្លាស់ប្ដូរពីទ្រង់ទ្រាយដើមដូចជា ឡើងឬចុះ ៥គីឡូក្នុងមួយខែ។
៤. ការគេងផ្លាស់ប្ដូរ
អ្នកខ្លះគេងមិនលក់សោះរាល់យប់ និងខ្លះទៀតគេងច្រើនយ៉ាងណាក៏មិនឆ្អែតដែរ ហើយនៅតែមានអារម្មណ៍ហត់នឿយអស់កម្លាំងរហូត។
៥. អារម្មណ៍ឆេវឆាវឆាប់ខឹង
អ្នកឆាប់មួម៉ៅជាងរាល់ដង ហត់នឿយ និងចូលចិត្តបោកប្រាស់របស់របរ។ អ្នកគ្រប់គ្រងអារម្មណ៍មិនបានដូចមុន និងមានអារម្មណ៍ទើសទាល់គ្រប់ទង្វើ និងសកម្មភាព។
៦. អស់កម្លាំងល្ហិតល្ហៃ
មានអារម្មណ៍ថាទន់ជង្គង់ចង់ដួលម្ដងៗ និងញឹកញាប់ ហើយលើស្មាដូចមានអម្រែកដ៏ធ្ងន់ដែលធ្វើឲ្យដើរទៅមុខមិនរួច។
៧. គិតច្រើន
នៅសុខៗ ក៏គិតច្រើនហើយយល់ថាខ្លួនឯងគ្មានតម្លៃ។ អ្នកជារឿយៗតែងតែដាក់កំហុស និងបន្ទោសបង្អាប់ខ្លួនឯងជានិច្ច។
៨. ប្ដូរចរិតលែងខ្វល់ពីអ្វីទាំងអស់
អ្នកប្ដូរចរិតទៅជាលែងនិយាយស្ដី អត់ចេះខ្វល់ខ្វាយ ឬប្រយ័ត្នដូចមុនទៀត។ រាល់ពេលធ្វើហីៗ ដូចជាពេលកំពុងបើកឡាន ឬដាំស្ល ឬការងារផ្សេងៗដែលនាំឲ្យមានគ្រោះថ្នាក់ជាដើម។
៩. សម្រេចចិត្តមិនត្រូវ
អ្នកទៅជាតប់ប្រមល់ ស្មុគស្មាញ រកតែសម្រេចចិត្តមិនបាន ឬផ្តោតចិត្តគិតអ្វីមួយមិនចេញ ហើយលែងចាំអីទាំងអស់។
១០.ឈឺចាប់ពេញខ្លួនដោយគ្មានមូលហេតុ
អ្នកឈឺក្បាល ចុករោយក្រោយខ្នង ឈឺសាច់ដុំ និងឈឺពោះដោយពេកខ្លះមិនដឹងពីមូលហេតុ។
រោគសញ្ញាទាំងនេះគ្រាន់តែជារោគសញ្ញាទូទៅដែលអ្នកកើតជំងឺបាក់ទឹកចិត្តកម្រិតធ្ងន់ជួបប្រទះ។ តែនៅមានរោគសញ្ញាច្រើនទៀតដែលផ្សេងពីនេះ សម្រាប់មនុស្សម្នាក់ៗ។ ដូច្នេះ បើសិនអ្នកមានរោគសញ្ញា ដូចខាងលើចាប់ពី ៥ ឡើងទៅគួរតែទៅពេទ្យព្រឹក្សាយោបល់៕
ចុចអាន៖ទម្លាប់៦យ៉ាងស្រីៗធ្វើរាល់ថ្ងៃ នាំឱ្យបាក់សម្រស់ ឆាប់ចាស់មុនអាយុ