ទុក្ខសោក៣យ៉ាងរបស់មនុស្សស្រីដែលគ្មានអ្នកណាយល់បាន ក្រៅពីខ្លួននាង

2018-06-11 02:41:29
ចំនួនមតិ 0 | ចំនួនចែករំលែក 0

គេថាមនុស្សស្រីជាតិមុនធ្វើបុណ្យអត់ទាន់ដល់ ទើបជាតិនេះកើតជាមនុស្សស្រីពិតជាមិនខុសឡើយ ត្បិតមានតែមនុស្សស្រីគ្នាឯងទេ ទើបយល់ពីទុក្ខលំបាកដែលពិបាកនិយាយចេញទាំងនេះ ជាពិសេសគឺទុក្ខរឿងមនោសញ្ចេតនានេះតែម្ដង។

១. គិតច្រើន ឬគិតវែងឆ្ងាយ ត្រូវគេថាសាំតាប៉ែ

គ្មានអ្នកគេចង់គិតច្រើនឲ្យឈឺក្បាលឡើយ តែមានខ្លះ មិនគិតគឺមិនបាន។ យ៉ាងណាក៏ដោយ មិនមែនអ្នកណាក៏យល់ដល់ការគិតច្រើនរបស់យើងទេ។ គេបែរជាចោទយើងថា សាំញ៉ាំរឿងច្រើនទៅវិញ។ ពេលខឹងម្ដងៗ ចង់តែបណ្ដោយឲ្យអស់ ចង់ក្លាយជាអី ក៏ស្រេចតែចិត្ត តែធ្វើមិនបាន។

២. រក្សាតម្លៃខ្លួនឯងត្រូវគេរិះគន់ថា វាយឫក លេងចរិត

មនុស្សស្រីដែលមិនមាត់ច្រើន តែងមានភាពទាក់ទាញខ្លាំងចំពោះបុរស ដូចនេះមានមនុស្សស្រីមួយចំនួន បានប្រើវិធីនេះដើម្បីបង្កើនភាពទាក់ទាញសម្រាប់ខ្លួនឯង ហើយក៏អាចរក្សាតម្លៃរបស់ខ្លួនផងដែរ។ យ៉ាងណាក្ដី មានអ្នកខ្លះអន់ចរិត ពេលញ៉ែគេមិនបាន ឬគេមិនចង់ស្ដីរក បែរថាឲ្យគេថា លេងចរិត ឬមើលងាយមនុស្សជាដើម។

៣. លេងសើចច្រើន ត្រូវគេថាជាស្រីចិត្តងាយ

មិននិយាយក៏ខុស ដល់ពេលនិយាយច្រើន លេងច្រើន ឬគ្រាន់តែរួសរាយបន្តិច បែរជាត្រូវគេដៀលថា ស្រីចិត្តងាយ ពិតជាផ្គាប់ចិត្តមនុស្សអត់បានតែម្ដង។ ភាគច្រើនការរិះគន់នេះ គឺចេញមកពីស្រីៗគ្នាឯងច្រើនជាងចេញពីប្រុសៗ ៕

ចុចអាន៖

ប្រភព៖ Spiceee ប្រែសម្រួល៖ Caramel